ନୂଆଦିଲ୍ଲୀ,୧୮।୪: କେନ୍ଦ୍ର ସରକାରଙ୍କ ଦ୍ୱାରା ଲାଗୁ ହୋଇଥିବା ନୂଆ ଲେବର କୋଡ୍ (New Labour Code) ଅଧୀନରେ ବେସରକାରୀ କ୍ଷେତ୍ରର କର୍ମଚାରୀଙ୍କ ପାଇଁ ଅନେକ ନୂତନ ନିୟମ ଆସିଛି । ଏହି ନୂଆ ନିୟମ ଅନୁଯାୟୀ, ଏପ୍ରିଲ ୧ ରୁ ଦରମା ଢାଞ୍ଚାରେ ବଡ଼ ପରିବର୍ତ୍ତନ କରାଯାଇଛି, ଯାହା ଫଳରେ କର୍ମଚାରୀଙ୍କ ଇନ୍-ହ୍ୟାଣ୍ଡ ଦରମା (In-hand Salary) କମିବାକୁ ଯାଉଛି।
ନୂଆ ନିୟମ ଅନୁଯାୟୀ, ଜଣେ କର୍ମଚାରୀଙ୍କର ମୋଟ ଦରମାର ଅତିକମରେ ୫୦ ପ୍ରତିଶତ ବେସିକ୍ ଦରମା ଏବଂ ମହଙ୍ଗା ଭତ୍ତା ହେବା ବାଧ୍ୟତାମୂଳକ। ବାକି ୫୦ ପ୍ରତିଶତରେ ଏଚଆରଏ ଏବଂ ଅନ୍ୟାନ୍ୟ ଭତ୍ତା ସାମିଲ ରହିବ। ପୂର୍ବରୁ କମ୍ପାନୀଗୁଡ଼ିକ ବେସିକ୍ ଦରମା କମ୍ ରଖି ଅନ୍ୟାନ୍ୟ ଭତ୍ତା ବଢ଼ାଇ ଦେଉଥିଲେ, ଯାହାଫଳରେ ଇପିଏଫ୍ (EPF) ଏବଂ ଗ୍ରାଚ୍ୟୁଇଟି ବାବଦରେ କମ୍ ଟଙ୍କା କଟୁଥିଲା। କିନ୍ତୁ ବର୍ତ୍ତମାନ ବେସିକ୍ ଦରମା ବୃଦ୍ଧି ପାଇବା ଯୋଗୁଁ ପିଏଫ୍ ଆକାରରେ ଅଧିକ ଅର୍ଥ କଟାଯିବ, ଯାହା ପ୍ରତ୍ୟକ୍ଷ ଭାବରେ ମାସିକ ମିଳୁଥିବା ଦରମାକୁ କମାଇବ।
ସରକାର ସ୍ପଷ୍ଟ କରିଛନ୍ତି ଯେ, ଏହି ନିୟମ କେବଳ ସେହି କର୍ମଚାରୀଙ୍କ କ୍ଷେତ୍ରରେ ପ୍ରଯୁଜ୍ୟ ହେବ ଯେଉଁମାନଙ୍କର ବେସିକ୍ ଦରମା ୧୫,୦୦୦ ଟଙ୍କା ରୁ ଅଧିକ ରହିଛି। ଯଦି କୌଣସି କର୍ମଚାରୀଙ୍କ ବେସିକ୍ ଦରମା ୧୫ ହଜାର ଟଙ୍କା କିମ୍ବା ତା’ଠାରୁ କମ୍, ତେବେ ସେମାନଙ୍କ ଉପରେ ଏହି ନୂଆ ଦରମା ଢାଞ୍ଚା ଲାଗୁ ହେବ ନାହିଁ ଏବଂ ସେମାନଙ୍କର ଇନ୍-ହ୍ୟାଣ୍ଡ ଦରମାରେ କୌଣସି କାଟ୍ ହେବ ନାହିଁ।କିନ୍ତୁ ନୂଆ ନିୟମ ଅନୁସାରେ, ୫୦ ହଜାରରୁ ଅତିକମରେ ୨୫,୦୦୦ ଟଙ୍କା (୫୦%) ବେସିକ୍ ଦରମା ହେବ। ଏବେ ୨୫,୦୦୦ ର ୧୨% ଅର୍ଥାତ୍ ୩,୦୦୦ ଟଙ୍କା ପିଏଫ୍ ବାବଦକୁ କଟାଯିବ। ଏହାର ଅର୍ଥ ଆପଣଙ୍କର ଇନ୍-ହ୍ୟାଣ୍ଡ ଦରମା କମି ଏବେ ୪୭,୦୦୦ ଟଙ୍କା ହୋଇଯିବ।
ଯଦିଓ ନୂଆ ଲେବର କୋଡ୍ ଲାଗୁ ହେବା ଦ୍ୱାରା ବର୍ତ୍ତମାନ ହାତକୁ ଆସୁଥିବା ଦରମା କମିଯାଉଛି, କିନ୍ତୁ ଭବିଷ୍ୟତ ପାଇଁ ଏହା ବେଶ୍ ଲାଭଦାୟକ ପ୍ରମାଣିତ ହେବ। କର୍ମଚାରୀଙ୍କର ପ୍ରୋଭିଡେଣ୍ଟ ଫଣ୍ଡ ଏବଂ ଗ୍ରାଚ୍ୟୁଇଟି ଆକାରରେ ଅଧିକ ସଞ୍ଚୟ ହେବ, ଯାହା ଅବସର ଗ୍ରହଣ କରିବା ସମୟରେ ଏକ ବଡ଼ ଆର୍ଥିକ ସୁରକ୍ଷା ପ୍ରଦାନ କରିବ । କିନ୍ତୁ ଏହା ଆଗାମୀ ଭବିଷ୍ୟତ ପାଇଁ ଲାଭଦାୟକ ।
