ନୂଆଦିଲ୍ଲୀ,୨୧।୪: କଂଗ୍ରେସ ଦଳର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଆତଙ୍କବାଦୀ ବୋଲି ଆଖ୍ୟା ଦେଇଛନ୍ତି। ଏହାକୁ ନେଇ ରାଜନୈତିକ ମହଲରେ ଏକ ବିବାଦ ସୃଷ୍ଟି କରିଛି। ଭାରତୀୟ ଜନତା ପାର୍ଟି (ଭାଜପା) ଖାର୍ଗେଙ୍କ ଏହି ବୟାନକୁ କଡ଼ା ନିନ୍ଦା କରିଛି। ଭାଜପା ଦାବି କରିଛି ଯେ, କଂଗ୍ରେସ ଦଳ ଆଜି ପର୍ଯ୍ୟନ୍ତ ୧୭୫ ଥର ପ୍ରଧାନମନ୍ତ୍ରୀଙ୍କୁ ଅପମାନିତ କରିଛି। ଖାର୍ଗେ ଏହି ଆଚରଣ ପାଇଁ କ୍ଷମା ମାଗନ୍ତୁ।
ଚେନ୍ନାଇରେ ଆୟୋଜିତ ଏକ ସାମ୍ବାଦିକ ସମ୍ମିଳନୀ ସମୟରେ ଖାର୍ଗେ ଏହି ବିବାଦୀୟ ବୟାନ ଦେଇଛନ୍ତି। ଯେତେବେଳେ ଏଆଇଏଡିଏମକେ ଏବଂ ଭାରତୀୟ ଜନତା ପାର୍ଟି (ଭାଜପା) ମଧ୍ୟରେ ମେଣ୍ଟକୁ ସମାଲୋଚନା କରିଛନ୍ତି। କିନ୍ତୁ ବିବାଦ ବଢ଼ିବା ସହିତ ସେ ତାଙ୍କ ମନ୍ତବ୍ୟ ସମ୍ପର୍କରେ ଏକ ସ୍ପଷ୍ଟୀକରଣ ଜାରି କରିଛନ୍ତି।
ସେ କହିଛନ୍ତି, ଯେଉଁ AIADMK ସଦସ୍ୟମାନେ ଆନ୍ନାଦୁରାଇଙ୍କ ଚିତ୍ର ପ୍ରଦର୍ଶନ କରନ୍ତି, ସେମାନେ କିପରି ନିଜକୁ ମୋଦିଙ୍କ ସହିତ ସମାନ କରିପାରିବେ? ସେ ଜଣେ ଆତଙ୍କବାଦୀ। ତାଙ୍କ ଦଳ ସମାନତା ଏବଂ ନ୍ୟାୟରେ ବିଶ୍ୱାସ କରେ ନାହିଁ। ଏହି ଲୋକମାନେ ତାଙ୍କ ସହିତ ଜଡିତ ହେବା ସୂଚାଇ ଦିଏ ଯେ, ସେମାନେ ଗଣତନ୍ତ୍ରକୁ ଦୁର୍ବଳ କରୁଛନ୍ତି।
ସେ ଆହୁରି କହିଛନ୍ତି, ଆପଣଙ୍କୁ ଏପରି ନେତା ଦରକାର, ଯେଉଁମାନେ ଭାଜପା ଆଗରେ ମୁଣ୍ଡ ନୁଆଁଇବେ ନାହିଁ ବରଂ ଦୃଢ଼ ଭାବରେ ଠିଆ ହେବେ ଏବଂ ଏକ ଭୟଙ୍କର ଲଢ଼େଇ କରିବେ ଏବଂ ସେହି ନେତା ହେଉଛନ୍ତି ଏମ.କେ. ଷ୍ଟାଲିନ। ଆଜି AIADMK ତାର ପରିଚୟ ହରାଇଛି; ଏହା ଭାଜପାର ଏକ ନୀରବ ସହଯୋଗୀ ପାଲଟିଛି। ଏହା ତାମିଲନାଡୁର ସ୍ବାର୍ଥକୁ ସୁରକ୍ଷା ଦେଇପାରିବ ନାହିଁ, କାରଣ ଏହା ପ୍ରଧାନମନ୍ତ୍ରୀ ମୋଦିଙ୍କ ଦାସ ହୋଇଯାଇଛି।
