ଦିଗପହଣ୍ଡି,୨୨ା୪(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଚିକିଟି ବ୍ଲକ ବୀରମେଖପୁର ଗାଁ ନିକଟରେ ଗତ ୧୪ ତାରିଖ ଅପରାହ୍ନରେ ଅଟୋ (ନଂ. ଓଡି ୦୭ ବିବି -୯୧୨୧) ରାସ୍ତାକଡ଼କୁ ଓଲଟି ପଡ଼ିଥିଲା। ଦୁର୍ଘଟଣାରେ ଦିଗପହଣ୍ଡି ସରସ୍ବତୀ ଶିଶୁ ବିଦ୍ୟାମନ୍ଦିରର ୭ମ ଶ୍ରେଣୀ ଛାତ୍ର ଜରଡ଼ା ଥାନା ଡୁଙ୍ଗୁରୁଗୁଡ଼ା ଗ୍ରାମର ଅନିଲ ମହାରଣାଙ୍କ ପୁଅ ଶୁଭଙ୍କର (୧୪)ଙ୍କର ମୃତ୍ୟୁ ଘଟିଥିଲା। ଏନେଇ ଶୁଭଙ୍କରଙ୍କ ସମ୍ପର୍କୀୟ ମହେନ୍ଦ୍ର ମହାରଣା କେ.ନୂଆଗାଁ ଥାନାରେ ଏତଲା ଦେଇଥିଲେ। ଏତଲାକୁ ଭିତ୍ତିକରି ଥାନା ଆଇଆଇସି ବିଶ୍ୱଜିତ ନାୟକ କେସ୍ ନଂ.୯୬/୨୬ରେ ଏକ ମାମଲା ରୁଜୁ କରି ଅଟୋ ଚାଳକଙ୍କ ବିରୋଧରେ ମୋକଦ୍ଦମା ରୁଜୁ କରିଥିଲେ। ତଦନ୍ତକାରୀ ଅଧିକାରୀ ଏଏସ୍ଆଇ ସିଏଚ୍. ତାରକେଶ୍ୱର ରାଓ ଦିଗପହଣ୍ଡି ସାଇ ନଗରରେ ରହୁଥିବା ଚାଞ୍ଚଡ଼ାପଲ୍ଲୀ ଗ୍ରାମର ଅଭିଯୁକ୍ତ ଅଟୋ ଚାଳକ ମହେନ୍ଦ୍ର ମହାରଣାଙ୍କୁ ବୁଧବାର ଗିରଫ କରି କୋର୍ଟ ଚାଲାଣ କରିଛନ୍ତି।
