ପରଜଙ୍ଗ,୧୫।୧୧(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ଥାନା ଅଞ୍ଚଳରୁ ଏକ ବଡ଼ ଧରଣର ସୁନା ଚୋରି ମହିଳା ଗ୍ୟାଙ୍ଗକୁ ସ୍ଥାନୀୟ ଲୋକେ ଧରି ପରଜଙ୍ଗ ପୋଲିସକୁ ହସ୍ତାନ୍ତର କରିଛନ୍ତି । ଛତିଶଗଡରୁ ଆସି ଓଡ଼ିଶାର ବିଭିନ୍ନ ଅଂଚଳକୁ ଯାଇ କରୁଥିଲେ ସୁନା ଅଳଙ୍କାର ଲୁଟ। ଏପରିକି ପରଜଙ୍ଗ ଗାଁର ଅନିତା ଗଡ଼ନାୟକଙ୍କର ଏକ ସୁନା ମାଳକୁ ଗୁନ୍ଥିବା ପାଇଁ ନେଇ ଅସଲି ସୁନା ବଦଳରେ ନକଲି ସୁନା ମାଳ ଦେଇ ପଳାଉଥିଲେ ମହିଳା ଚୋର ଗ୍ୟାଙ୍ଗ। ଯାହାକୁ ନେଇ ଅନିତାଙ୍କର ସନ୍ଦେହଜାତ ହେବାରୁ ସେ ପୋଲିସର ଦ୍ୱାରସ୍ଥ ହୋଇଥିଲେ। ଆଉ ଏସବୁ ଭିତରେ ସାମ୍ନାକୁ ଆସିଛି ସୁନା ମାଳ ଗୁନ୍ଥିବା ନାଁରେ କିପରି ମହିଳାମାନେ ସୁନା ଅଳଙ୍କାର ଲୁଟ କରୁଥିଲେ। ଯାହାକୁ ନେଇ ଅଭିଯୋଗ ପରେ ଛତିଶଗଡର ୪ ଜଣ ମହିଳାଙ୍କୁ ଅଟକ ରଖି ଅଧିକ ତଦନ୍ତ ଆରମ୍ଭ କରିଦେଇଛି ପରଜଙ୍ଗ ପୋଲିସ। ସେପଟେ ଏପରି ଅଚିହ୍ନା ଅଜଣା ଲୋକଙ୍କଠାରୁ ଦୁରେଇ ରହିବାକୁ ପୋଲିସ ପକ୍ଷରୁ ନିବେଦନ କରାଯାଇଛି।
Dharitri – Odisha’s No.1 Odia Daily
