ବଲାଙ୍ଗୀର,୨୨ା୪(ସୁନିଲ କୁମାର ମହାନ୍ତି): ବଲାଙ୍ଗୀର ସହରର ପାଟଣେଶ୍ୱରୀ ମନ୍ଦିର ସମ୍ମୁଖରେ ଏକ ସଡ଼କ ଦୁର୍ଘଟଣା ଘଟିଥିଲା। ଦ୍ରୁତଗତିରେ ଆସୁଥିବା ଏକ ବସ୍ ଚକାତଳେ ଦ୍ରୁତଗତିରେ ଆସି ଗୋଟିଏ ବାଇକ୍ ପଶିଯାଇଥିଲା। ଫଳରେ ବାଇକ୍ଆରୋହୀଙ୍କ ମୃତ୍ୟୁ ଘଟିଥିଲା। ତେବେ ମୃତ ଯୁବକଙ୍କ ପରିଚୟ ମିଳିଛି। ସେ ଜଣେ ବ୍ୟାଙ୍କ କର୍ମଚାରୀ ବୋଲି ଜଣାପଡ଼ିଛି। ସେ ଗତକାଲି ରାତିରେ ଘରକୁ ଫେରୁଥିବାବେଳେ ଏହି ଦୁର୍ଘଟଣା ଘଟିଥିଲା। ମୃତ ବାଇକ୍ଆରୋହୀ ଜଣକ ସଦର ଥାନା ଅନ୍ତର୍ଗତ ଡୁମେର ପାଲି ଗ୍ରାମର ପ୍ରଶାନ୍ତ ମହାକୁର ବୋଲି ଜଣାପଡିଛି। ସେ ବଲାଙ୍ଗୀର ଏଚ୍ଡିଏଫ୍ସି ବ୍ୟାଙ୍କରେ ଆକାଉଣ୍ଟାଣ୍ଟ୍ ଭାବେ କାର୍ଯ୍ୟରତ ଥିଲେ। ଦୁର୍ଘଟଣାର ଭୟଙ୍କର ଦୃଶ୍ୟ ସିସିଟିଭିରେ କଏଦ ହୋଇଥିଲା। ବାଇକ୍ ଆରୋହୀ ଦ୍ରୁତଗତିରେ ଆସି ବସ୍ ତଳକୁ ପଶି ଯାଇଥିବା ଦେଖିବାକୁ ମିଳିଛି।
ଅନ୍ୟ ପଟେ ପରିବାର ଲୋକେ ଥାନାରେ ଏତଲା ଦେବା ସହ କ୍ଷତିପୂରଣ ଦାବି କରିଛନ୍ତି। ତେବେ ଘରର ଏକ ମାତ୍ର ରୋଜଗରିଆ ପୁଅକୁ ହରାଇ ଭାଙ୍ଗିପଡ଼ିଛନ୍ତି ପରିବାର ଲୋକେ। ଦୁର୍ଘଟଣାକୁ ନେଇ ବଲାଙ୍ଗୀର ଟାଉନ ଥାନା ପୋଲିସ ତଦନ୍ତ ଜାରି ରଖିଛି। ଦୁର୍ଘଟଣା ଘଟାଇ ବସ୍ ଫେରାର ହୋଇଯାଇଥିବା ବେଳେ ଆଜି ପୋଲିସ ବସକୁ ଜବତ କରିଥିବା ଜଣାପଡିଛି।
