ପରଜଙ୍ଗ,୫।୧(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ଥାନା ବସୋଇଗାଁରେ ନୂଆବର୍ଷରେ ବହୁଚର୍ଚ୍ଚିତ ବୀଭତ୍ସ ହତ୍ୟାକାଣ୍ଡର ପରଜଙ୍ଗ ପୋଲିସ ପର୍ଦ୍ଦାଫାଶ କରିଛି । ଲୋମଟାଙ୍କୁରା ବୀଭତ୍ସ ହତ୍ୟାକାଣ୍ଡକୁ ନେଇ ଢେଙ୍କାନାଳ ଏସ୍ପି ଅଭିନବ ସୋନକର ରବିବାର ପରଜଙ୍ଗ ଥାନାରେ ପ୍ରେସମିଟ୍ ମାଧ୍ୟମରେ ସମ୍ପୂର୍ଣ୍ଣ ହତ୍ୟାକାଣ୍ଡର ଖୁଲାସା କରିଥିଲେ। ନୂଆବର୍ଷର ମଧ୍ୟାହ୍ନରେ ରକ୍ତ ରଞ୍ଜିତ ହୋଇଥିଲା। ବସୋଇ ଗାଁ। ସାନ ଓ ମଝିଆ ଦୁଇ ଭାଇ ହତ୍ୟାର ପ୍ରତିଶୋଧ ପାଇଁ ହତ୍ୟା କରିଛି । ବସୋଇ ଗାଁର ସରୋଜ ବିଶ୍ୱାଳ ଓରଫ ମକୁ ସେହି ଗାଁର ରାକେଶ ସେଠୀଙ୍କୁ ନୃଶଂସ ଭାବେ ହତ୍ୟା କରିଥିଲେ। ତେବେ ମକୁ ପ୍ରଥମେ ଏକ ବାଉଁଶ ଠେଙ୍ଗାରେ ରାକେଶଙ୍କୁ ଆକ୍ରମଣ କରିବା ସହ ଲଙ୍ଗଳ ଲୁହାରେ ମୁଣ୍ଡକୁ ଛେଚି ହତ୍ୟା କରିଥିଲେ। ପରେ ଏକ ଟାଙ୍ଗିଆରେ ମୃତ ଶରୀରକୁ ଖଣ୍ଡଖଣ୍ଡ କରି ଗାଁ ଦାଣ୍ଡରେ ଫୋପାଡ଼ିଥିଲେ। ତେବେ ସବୁଠାରୁ ହୃଦୟ ବିଦାରକ ଥିଲା ଗାଁ ପଣା ଖୁଣ୍ଟରେ ବଳି ଦେବାର ଦୃଶ୍ୟ। ଏହାକୁ ନେଇ ଅଭିଯୁକ୍ତକୁ ଧରିବା ପାଇଁ ପୋଲିସକୁ ବଡ଼ ଚ୍ୟାଲେଞ୍ଜ ହୋଇଥିଲା। ପରଜଙ୍ଗ ଥାନା ଅଧିକାରୀ ପ୍ରିୟବ୍ରତ ଦାଶଙ୍କ ନେତୃତ୍ୱରେ ୩ଟି ଟିମ୍ ଅଭିଯୁକ୍ତକୁ ଧରିବା ପାଇଁ ଲାଗି ପଡ଼ିଥିଲେ। ଆଉ ଶେଷରେ ଧରା ହେଲା ଅଭିଯୁକ୍ତ ମକୁ। ଆଉ ଶନିବାର ମକୁକୁ ନେଇ ପୋଲିସ ସିନରିକ୍ରିଏଶନ କରିବା ସହ ରବିବାର ଢେଙ୍କାନାଳ ଏସ୍ପି ଏହାକୁ ନେଇ ପ୍ରେସମିଟ କରିଥିଲେ । ପ୍ରେସମିଟରେ କାମାକ୍ଷାନଗର ଏସଡିପିଓ ଜ୍ଞାନରଞ୍ଜନ ମିଶ୍ର, ପରଜଙ୍ଗ ଥାନା ଅଧିକାରୀ ପ୍ରିୟବ୍ରତ ଦାଶ, ଏସଆଇ ଦେବଗ୍ରାହି ମହାନ୍ତି ଉପସ୍ଥିତ ଥିଲେ। ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ପୋଲିସ ସୂଚନା ଦେଇଛି । ହତ୍ୟାରେ ବ୍ୟବହୃତ ସାମଗ୍ରୀକୁ ପୋଲିସ ଜବତ କରିଛି ।
ଗାଁ ପଣାଖୁଣ୍ଟିରେ ବଳିଦେବା ଘଟଣା: ଖବରଦାତା ସମ୍ମିଳନୀରେ ଏସ୍ପି ଦେଲେ ଚାଞ୍ଚଲ୍ୟକର ବୟାନ
ପରଜଙ୍ଗ,୫।୧(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ଥାନା ବସୋଇଗାଁରେ ନୂଆବର୍ଷରେ ବହୁଚର୍ଚ୍ଚିତ ବୀଭତ୍ସ ହତ୍ୟାକାଣ୍ଡର ପରଜଙ୍ଗ ପୋଲିସ ପର୍ଦ୍ଦାଫାଶ କରିଛି । ଲୋମଟାଙ୍କୁରା ବୀଭତ୍ସ ହତ୍ୟାକାଣ୍ଡକୁ ନେଇ ଢେଙ୍କାନାଳ ଏସ୍ପି ଅଭିନବ ସୋନକର ରବିବାର ପରଜଙ୍ଗ ଥାନାରେ ପ୍ରେସମିଟ୍ ମାଧ୍ୟମରେ ସମ୍ପୂର୍ଣ୍ଣ ହତ୍ୟାକାଣ୍ଡର ଖୁଲାସା କରିଥିଲେ। ନୂଆବର୍ଷର ମଧ୍ୟାହ୍ନରେ ରକ୍ତ ରଞ୍ଜିତ ହୋଇଥିଲା। ବସୋଇ ଗାଁ। ସାନ ଓ ମଝିଆ ଦୁଇ ଭାଇ ହତ୍ୟାର ପ୍ରତିଶୋଧ ପାଇଁ ହତ୍ୟା କରିଛି । ବସୋଇ ଗାଁର ସରୋଜ ବିଶ୍ୱାଳ ଓରଫ ମକୁ ସେହି ଗାଁର ରାକେଶ ସେଠୀଙ୍କୁ ନୃଶଂସ ଭାବେ ହତ୍ୟା କରିଥିଲେ। ତେବେ ମକୁ ପ୍ରଥମେ ଏକ ବାଉଁଶ ଠେଙ୍ଗାରେ ରାକେଶଙ୍କୁ ଆକ୍ରମଣ କରିବା ସହ ଲଙ୍ଗଳ ଲୁହାରେ ମୁଣ୍ଡକୁ ଛେଚି ହତ୍ୟା କରିଥିଲେ। ପରେ ଏକ ଟାଙ୍ଗିଆରେ ମୃତ ଶରୀରକୁ ଖଣ୍ଡଖଣ୍ଡ କରି ଗାଁ ଦାଣ୍ଡରେ ଫୋପାଡ଼ିଥିଲେ। ତେବେ ସବୁଠାରୁ ହୃଦୟ ବିଦାରକ ଥିଲା ଗାଁ ପଣା ଖୁଣ୍ଟରେ ବଳି ଦେବାର ଦୃଶ୍ୟ। ଏହାକୁ ନେଇ ଅଭିଯୁକ୍ତକୁ ଧରିବା ପାଇଁ ପୋଲିସକୁ ବଡ଼ ଚ୍ୟାଲେଞ୍ଜ ହୋଇଥିଲା। ପରଜଙ୍ଗ ଥାନା ଅଧିକାରୀ ପ୍ରିୟବ୍ରତ ଦାଶଙ୍କ ନେତୃତ୍ୱରେ ୩ଟି ଟିମ୍ ଅଭିଯୁକ୍ତକୁ ଧରିବା ପାଇଁ ଲାଗି ପଡ଼ିଥିଲେ। ଆଉ ଶେଷରେ ଧରା ହେଲା ଅଭିଯୁକ୍ତ ମକୁ। ଆଉ ଶନିବାର ମକୁକୁ ନେଇ ପୋଲିସ ସିନରିକ୍ରିଏଶନ କରିବା ସହ ରବିବାର ଢେଙ୍କାନାଳ ଏସ୍ପି ଏହାକୁ ନେଇ ପ୍ରେସମିଟ କରିଥିଲେ । ପ୍ରେସମିଟରେ କାମାକ୍ଷାନଗର ଏସଡିପିଓ ଜ୍ଞାନରଞ୍ଜନ ମିଶ୍ର, ପରଜଙ୍ଗ ଥାନା ଅଧିକାରୀ ପ୍ରିୟବ୍ରତ ଦାଶ, ଏସଆଇ ଦେବଗ୍ରାହି ମହାନ୍ତି ଉପସ୍ଥିତ ଥିଲେ। ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ପୋଲିସ ସୂଚନା ଦେଇଛି । ହତ୍ୟାରେ ବ୍ୟବହୃତ ସାମଗ୍ରୀକୁ ପୋଲିସ ଜବତ କରିଛି ।
