ଭୁବନେଶ୍ୱର,୨୩।୪: ଧରିତ୍ରୀ ଏବଂ ଓଡ଼ିଶା ପୋଷ୍ଟର ମିଳିତ ଆନୁକୂଲ୍ୟରେ ଆୟୋଜିତ ବିଜିନେସ ଏମିନେସ୍ସ ଆଓ଼୍ବାଡର୍ସ ୨୦୨୬ର ଷଷ୍ଠ ସଂସ୍କରଣ ଗୁରୁବାର ଭୁବନେଶ୍ୱରର ହୋଟେଲ ସ୍ୱସ୍ତି ପ୍ରିମିୟମରେ ଅନୁଷ୍ଠିତ ହୋଇଯାଇଛି। ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଶିଳ୍ପ-ଦକ୍ଷତା ବିକାଶ ତଥା ବୈଷୟିକ ଶିକ୍ଷା ମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ ଯୋଗ ଦେଇଛନ୍ତି।
ଓଡ଼ିଶାର ବ୍ୟବସାୟ ଓ ଶିଳ୍ପଜଗତର ଦୃଢସଂକଳ୍ପ ନବସୃଜନର ଉଦ୍ୟୋଗୀଙ୍କୁ ସମ୍ମାନିତ କରୁଥିବା ଧରିତ୍ରୀ ଓ ଓଡ଼ିଶାପୋଷ୍ଟକୁ ମୁଁ ଆନ୍ତରିକତାର ସହ ସ୍ୱାଗତ କରୁଛି। ଏହି ପୁରସ୍କାର ସଫଳତାର ଉତ୍ସବ ନୁହେଁ ଏହା ହେଉଛି ସାହସ, ସଂଘର୍ଷ ଓ ଆତ୍ମବିଶ୍ୱାସ, ନିଷ୍ଠା ଓ ଉଦ୍ୟୋଗୀ ମନୋଭାବର ଏହା ହେଉଛି ବଡ଼ ସମ୍ମାନ। ଜଣେ ସଫଳ ବ୍ୟବସାୟୀ ପଛରେ ରହିଥାଏ ଅନିଦ୍ରା ରାତି, ଅସଂଖ୍ୟ ପ୍ରୟାସ ଓ ଆହା଼୍ବନର ମୁକାବିଲା। ଯେଉଁମାନେ ଶୂନରୁ ଆରମ୍ଭ କରି ଶିଖରରେ ପହଞ୍ଚନ୍ତି ସେମାନେ ଆମପାଇଁ ଓ ଉଦ୍ୟୋଗୀ ସମାଜ ପାଇଁ ସଫଳତାର ଉତ୍ସ। ଏହି ଆଓ଼୍ବାର୍ଡ କରିଥିବାରୁ ମୁଁ ଧରିତ୍ରୀ ପରିବାରକୁ ଓ ତଥାଗତ ସତପଥୀଙ୍କୁ ଧନ୍ୟବାଦ ଜଣାଉଛି।
ମୁଖ୍ୟମନ୍ତ୍ରୀ ଆହୁରି କହିଛନ୍ତି, ଧରିତ୍ରୀ ସବୁବେଳେ ଯୁବବର୍ଗର ଆକାଂକ୍ଷାକୁ ପ୍ରତିଫଳିତ କରିଆସିଛି। ଧରିତ୍ରୀ ଖବରକାଗଜର ରୂପରେଖ ଏବଂ ସମ୍ୱାଦ ପରିବେଷଣର ଅନ୍ୟମାନଙ୍କ ଠାରୁ ସ୍ୱତନ୍ତ୍ର ଓ ଭିନ୍ନ। ଯାହା ବର୍ଷବର୍ଷ ଧରି ପାଠକଙ୍କୁ ବାନ୍ଧି ରଖିବାରେ ସମର୍ଥ ହୋଇପାରିଛି।
ଓଡ଼ିଶା ଆଜି ଦ୍ରୁତଗତିରେ ଅଭିବୃଦ୍ଧି କରୁଥିବା ରାଜ୍ୟମାନଙ୍କ ମଧ୍ୟରେ ଅନ୍ୟତମ। ରାଜ୍ୟମାନଙ୍କ ସହ ଆମେ ପ୍ରତିଯୋଗିତାରେ ଅଛୁ। ଶିଳ୍ପ କ୍ଷେତ୍ରରେ ଆମେ ବଡ଼ବଡ଼ ଇଣ୍ଡଷ୍ଟ୍ରିିକୁ ଧ୍ୟାନଦେବା ସହ ଏଣ୍ଟରପ୍ରାଇଜ୍ ଓ ଏମଏସଏମି କଥାକୁ କେବେ ଅଣଦେଖା କରିନାହୁଁ।
ଭାରତର ସବୁ ଉଦ୍ୟୋଗୀଙ୍କୁ ଓଡ଼ିଶାକୁ ଆଣି ଏବେ ସଫଳ ହେବାକୁ ଯାଉଛୁ। ଏବଂ ଏଥିରେ ଓଡ଼ିଆ ଉଦ୍ୟୋଗୀଙ୍କୁ କେବେ ପଛରେ ରଖିନାହୁଁ। ଓଡ଼ିଶା ନୁହେଁ ଓରିଶା ଯାହା ପୂର୍ବରୁ ଥିଲା ତାହା ଆମକୁ ସଫଳ ନେତୃତ୍ୱ ଦେଇପାରିଛି। ତେଣୁ ‘ଓରିଶା ପୋଷ୍ଟ ନାଁ ରଖିବା ପ୍ରଶଂସନୀୟ’। ଉଦ୍ୟୋଗୀଙ୍କୁ ଖୋଜି ତାଙ୍କୁ ସମ୍ମାନିତ କରିଥିବାରୁ ତଥାଗତ ସତପଥୀଙ୍କୁ ଧନ୍ୟବାଦ ଜଣାଉଛି ବୋଲି ମୁଖ୍ୟମନ୍ତ୍ରୀ କହିଛନ୍ତି।
