ନୂଆଦିଲ୍ଲୀ,୨୨।୪: ତୈଳ ଦରକୁ ନେଇ ପେଟ୍ରୋଲିୟମ ଡିଲର୍ସ ସଂଘର ଆକଳନ । ଆଉ ୧୫ ଦିନ ଯୁଦ୍ଧ ସ୍ଥିତି ଲାଗିଲ ରହିଲେ, ବଢ଼ିପାରେ ତେଲ ଦର। ଅଶୋଧିତ ତୈଳ ବ୍ୟାରେଲ ୧୨୦ ଟପିଲେ, ପେଟ୍ରୋଲ-ଡିଜେଲ ଲିଟରରେ ବଢ଼ିଯିବ ୫ ଟଙ୍କା । ଏବେ ପେଟ୍ରୋଲ ଲିଟର ପିଛା ୧୦ ଟଙ୍କା ଓ ଡିଜେଲ ଲିଟର ପିଛା ୪୮ ଟଙ୍କା କ୍ଷତି ସହୁଛନ୍ତି କମ୍ପାନୀ ।
ଆଉ ୧୫ ଦିନ ପରେ ବଢ଼ିପାରେ ପେଟ୍ରୋଲ ଓ ଡିଜେଲ ଦର । ଏଭଳି ଏକ ଆକଳନ କରୁଛନ୍ତି ବିଶେଷଜ୍ଞମାନେ । ନିଖିଳ ଉତ୍କଳ ପେଟ୍ରୋଲିୟମ ଡିଲର୍ସ ସଂଘ ସଂପାଦକ ସଂଜୟ ଲାଠ କହିଛନ୍ତି, ଯଦି ମଧ୍ୟପ୍ରାଚ୍ୟ ଆଉ ୧୫ ଦିନ ଯାଏଁ ଯୁଦ୍ଧ ସ୍ଥିତି ଲାଗି ରୁହେ, ତେବେ ତେଲ ଦରରେ ବୃଦ୍ଧି ଘଟିବା ଆଶଙ୍କା ଅଧିକ ରହିଛି ।
ଯଦି ଅଶୋଧିତ ତୈଳ ଦର ବ୍ୟାରେଲ ପିଛା ୧୨୦ ଡଲାରରୁ ଅଧିକ ହେବ ତେବେ ପେଟ୍ରୋଲ ଓ ଡିଜେଲ ଲିଟର ପିଛା ୫ ଟଙ୍କା ପର୍ଯ୍ୟନ୍ତ ବଢ଼ିପାରେ ବୋଲି ସଂଜୟ ଲାଠ ଆକଳନ କରିଛନ୍ତି। ଆଜି ତାରିଖରେ ଅଶୋଧିତ ତୈଳ ବ୍ୟାରେଲ ପିଛା ୧୦୩ ଡଲାର ରହିଛି । ଯାହା ଏପ୍ରିଲ ମାସର ହାରାହାରି ଦର ୧୧୫ ଡଲାର। ବର୍ତ୍ତମାନ ମଧ୍ୟ ତୈଳ କମ୍ପାନୀ ପେଟ୍ରୋଲ ଲିଟର ପିଛା ୧୦ ଟଙ୍କା ଓ ଡିଜେଲ ଲିଟର ପିଛା ୪୮ ଟଙ୍କା କ୍ଷତି ସହୁଛନ୍ତି।
