କେନ୍ଦୁଝର,୨୦ା୧(ନରେଶ ଚନ୍ଦ୍ର ପଟ୍ଟନାୟକ): ଶନିବାର କେନ୍ଦୁଝର ଫାଷ୍ଟ ଟ୍ରାକ୍ କୋର୍ଟର ବିଚାରପତି ବିଜୟ କୁମାର ମିଶ୍ର ଏକ ନାବାଳିକା ବଳାତ୍କାର ମାମଲାର ବିଚାର କରି ଆସାମୀ ଶରତ ପାତ୍ର(୫୦)ଙ୍କୁ ୫ ବର୍ଷ ସଶ୍ରମ କାରାଦଣ୍ଡ ସହ ୫ହଜାର ଟଙ୍କା ଜରିମାନା ଏବଂ ଅନାଦେୟ ଅଧିକ ୬ ମାସର ଜେଲ୍ ଦଣ୍ଡାଦେଶ ଶୁଣାଇଛନ୍ତି। ମାମଲାର ବିବରଣୀରୁ ପ୍ରକାଶ ଯେ, କୁଣ୍ଢେଇହତା ଗ୍ରାମର ଜଣେ ୭ ବର୍ଷର ନାବାଳିକା ଗାଁ ଦାଣ୍ଡରେ ପିଲାମାନଙ୍କ ସହ ତା-୧ା୪ା୨୦୨୦ରେ ଖେଳି ଘରକୁ ଫେରିବା ସମୟରେ ଆସାମୀ ତାଙ୍କୁ ଚକୋଲେଟ ଏବଂ ବିସ୍କୁଟ ଦେବାକୁ କହି ତାଙ୍କ ଘରକୁ ଡାକିନେଇ ବଳାତ୍କର କରିଥିବା ଝିଅର ମାଆ ତେଲକୋଇ ଥାନାରେ ଲିଖିତ ଅଭିଯୋଗ କରିବା ପରେ ତେଲକୋଇ ଥାନା କେସ୍ ନଂ ୪୭ ତା-୨ା୪ା୨୦୨୦ରେ କେସ୍ ରୁଜୁ ହୋଇ ପୋଲିସ ଅନୁସନ୍ଧାନ କରି ଆସାମୀଙ୍କୁ ଜେଲ ପଠାଇଥିଲା। ଶନିବାର ପୋକ୍ସୋ କୋର୍ଟର ବିଚାରପତି ୧୫ ଜଣ ସାକ୍ଷୀଙ୍କ ବୟାନ ଏବଂ ପୋଲିସର ଅନୁସନ୍ଧାନକୁ ଭିତ୍ତି କରି ଉପରୋକ୍ତ ରାୟ ପ୍ରକାଶ କରିଛନ୍ତି। ସରକାରଙ୍କ ପକ୍ଷରୁ ସ୍ବତନ୍ତ୍ର ପିପି ଜ୍ଞାନେନ୍ଦ୍ର ଜେନା କେସ୍ ପରିଚାଳନା କରୁଥିଲେ।
