ଝାରସୁଗୁଡ଼ା ଅଫିସ,୧।୧୦: କେନ୍ଦ୍ର କୋଇଲା ମନ୍ତ୍ରଣାଳୟ ସଚିବ ଡ. ଅନିଲ କୁମାର ଜୈନ ଗୁରୁବାର ଏମ୍ସିଏଲ୍ ମୁଖ୍ୟାଳୟ ବୁର୍ଲାରେ ଏକ ସମୀକ୍ଷା ବୈଠକ କରିଥିଲେ। ଏଥିରେ କେନ୍ଦ୍ର କୋଇଲା ମନ୍ତ୍ରଣାଳୟ ଯୁଗ୍ମ ସଚିବ ବିସ୍ମିତା ତେଜ, ଏମ୍ସିଏଲ୍ ସିଏମ୍ଡି ଓମ ପ୍ରକାଶ ସିଂହ, ନିର୍ଦ୍ଦେଶକ (ପର୍ଶନାଲ) କେଶବ ରାଓ ପ୍ରମୁଖ ଉପସ୍ଥିତଥିଲେ। ବୈଠକରେ ଅଧିକ କୋଇଲା ଉତ୍ତୋଳନ ସମ୍ପର୍କରେ ଆଲୋଚନା ହୋଇଥିଲା। ଦ୍ୱିତୀୟ ଦିନରେ ସଚିବ ଝାରସୁଗୁଡା ଜିଲାର ଲଖନପୁର କୋଇଲା କ୍ଷେତ୍ରର ବିଭିନ୍ନ ଖଣି ଓ ରେଲଓ୍ବେ ସାଇଡିଂ ପରିଦର୍ଶନ କରିଥିଲେ। ଲଖନପୁର ଖୋଲାମୁହଁ କୋଇଲା ଖଣି କାର୍ଯ୍ୟ ତଦାରଖ କରିଥିଲେ। ଏହାପରେ କୋଇଲା ପରିବହନ କରୁଥିବା ରେଲଓ୍ବେର ବରିଷ୍ଠ ଅଧିକାରୀଙ୍କ ସହିତ ବନ୍ଧବାହାଲସ୍ଥିତ ତ୍ରିବେଣୀ ଅତିଥି ଭବନରେ ଆଲୋଚନା କରିଥିଲେ। ଏଥିରେ ସଚିବଜୈନଙ୍କ ସମେତ ଏମ୍ସିଏଲ୍ ସିଏମ୍ଡି ସିଂହ, ଲଖନପୁର କ୍ଷେତ୍ର ପ୍ରବନ୍ଧକ ସଞ୍ଜୟ କୁମାର ଝା,ଏଲ୍ଓସିପି ପ୍ରକଳ୍ପ ଅଧିକାରୀ ବୀରେନ୍ଦ୍ର କୁମାର ସିଂହ, ବିଓସିଏମ୍ ପ୍ରକଳ୍ପ ଅଧିକାରୀ ସତ୍ୟଭୂଷଣ ବାରିକ ପ୍ରମୁଖ ଯୋଗଦେଇଥିଲେ। ସଚିବ ଜୈନ ଖବରଦାତାଙ୍କୁ ଭେଟି କହିଥିଲେ, ବର୍ଷାଋତୁରେ ବିଭିନ୍ନ କାରଣରୁ କୋଇଲା ରତ୍ପାନୀ କମିଯାଇଥାଏ ା ଫଳରେ ଦେଶର ବିଶେଷକରି ଉତ୍ତର ଓ ପଶ୍ଚିମ ଭାରତରେ ବିଦ୍ୟୁତ୍ ଚାହିଦା ବଢିଯାଇଥାଏ ା ଗତବର୍ଷ ସେପ୍ଟେମ୍ବର ଓ ଅକ୍ଟୋବରରେ ଦେଖାଦେଇଥିବା ସମସ୍ୟା ଚଳିତବର୍ଷ ଯେମିତି ନ ହେବ ଏ ନେଇ ଏମ୍ସିଏଲ୍ କର୍ତ୍ତୃପକ୍ଷ ଯତ୍ନବାନ ହୋଇ କୋଇଲା ଉତ୍ତୋଳନ ଜାରି ରଖିଛନ୍ତି। ଏଥିପାଇଁ ସେ ଏମ୍ସିଏଲ୍ କର୍ତ୍ତୃପକ୍ଷଙ୍କୁ ପ୍ରଶଂସା କରିଛନ୍ତି।
