ଭୁବନେଶ୍ୱର,୨ା୮(ବ୍ୟୁରୋ)-ରାଜ୍ୟ ସରକାର ଆଇପିଏସ୍ ଏବଂ ବରିଷ୍ଠ ଓପିଏସ୍ ଅଫିସର ସ୍ତରରେ ଅଦଳବଦଳ କରିଛନ୍ତି। ଏ ନେଇ ଗୃହ ବିଭାଗ ପକ୍ଷରୁ ମଙ୍ଗଳବାର ବିଜ୍ଞପ୍ତି ପ୍ରକାଶ କରାଯାଇଛି। ପ୍ରକାଶିତ ବିଜ୍ଞପ୍ତି ଅନୁଯାୟୀ ୨୦୧୭ ବ୍ୟାଚ୍ ଆଇପିଏସ୍ ଅଫିସର ପ୍ରହଲ୍ଲାଦ ସହାଏ ମୀନାଙ୍କୁ ବୌଦ୍ଧ ଏସ୍ପି ଭାବେ ବଦଳି କରାଯାଇଥିବା ବେଳେ ବରିଷ୍ଠ ଓପିଏସ୍ ପ୍ରମୋଦ କୁମାର ରଥଙ୍କୁ ଦେବଗଡ଼ ଏସ୍ପି, ଚିତ୍ତରଞ୍ଜନ ସାମନ୍ତଙ୍କୁ ଏସ୍ପି (କମ୍ପ୍ୟୁଟର) ଭୁବନେଶ୍ୱର, ସୁଦାମ ଚରଣ ସାହୁଙ୍କୁ ଦ୍ୱୈତନଗର କ୍ରାଇମ୍ ଡିସିପି, ସଏଦ ମୁଜିବୁର ରେହମନଙ୍କୁ କଟକ ସିଗ୍ନାଲ ଏସ୍ପି, କିଶୋର ପାଣିଗ୍ରାହୀଙ୍କୁ ଭୁବନେଶ୍ୱର ସ୍ପେଶାଲ ଟାସ୍କ ଫୋର୍ସ(ଏସ୍ଟିଏଫ) ଏସ୍ପି, ମାଧୁରୀ ସାମଲଙ୍କୁ ସିଆଇଡି ଏସ୍ପି, ସିବି କଟକ, ଜ୍ଞାନ ରଞ୍ଜନ ମହାପାତ୍ରଙ୍କୁ ଏସପି ସ୍ପେଶାଲ ବ୍ରାଞ୍ଚ ଏବଂ ସୁନୀଲ ଆଚାର୍ଯ୍ୟଙ୍କୁ କଟକ ରେଲ୍ଓ୍ବେ ଏସ୍ପି ଭାବେ ବଦଳି କରାଯାଇଛି।
