ବେଜିଂ,୩୦ ।୧୧: ଯୁଦ୍ଧ ପାଇଁ ପ୍ରସ୍ତୁତ ହେଲାଣି ଚାଇନା । ମିଳିଥିବା ସୂଚନା ଅନୁଯାୟୀ ଏବେ ଚାଇନା ସରକାର ଆଉ ୩ ଲକ୍ଷ ସେନା ବୃଦ୍ଧି କରିବାକୁ ନିର୍ଦ୍ଦେଶ ଦେଇଛନ୍ତି । ଚାଇନା ରାଷ୍ଟ୍ରପତି ସି ଜିନପିଙ୍ଗ ଯୁଦ୍ଧ ଆଶଙ୍କା କରି ସେନାରେ ଆଉ ୩ ଲକ୍ଷ ନିଯୁକ୍ତି ଦେବାକୁ ନିର୍ଦ୍ଦେଶ ଦେଇଛନ୍ତି । ରାଷ୍ଟ୍ରପତି କହିଛନ୍ତି ଯୁଦ୍ଧ ପାଇଁ ଆଉ ୩ ଲକ୍ଷ ସେନାର ଆବଶ୍ୟକତା ରହିଛି । ସେନା ପ୍ରତିଭା ପାଇଁ ହୋଇଥିବା ସମ୍ମିଳନୀରେ ଯୋଗ ଦେଇ ସି ଜିନପିଙ୍ଗ କହିଥିଲେ ଚାଇନାର ପ୍ରତିଭାବନ ସେନାଙ୍କ ପାଖରେ ଉଚ୍ଚ ଅସ୍ତ୍ରଶସ୍ତ୍ର ସହ ସେମାନଙ୍କ ଉଚ୍ଚ ଗୁଣବତ୍ତାର ବିକାଶ କରିବା ଜରୁରୀ । ସେହିପରି ଯୁଦ୍ଧରେ ବିଜୟୀ ହେବା ଓ ଯୁଦ୍ଧକୁ ସୁଯୋଗ ଦେବାକୁ ହେଲେ ସେନାଙ୍କ ନିକଟରେ ପ୍ରତିଭା ରହିବା ଜରୁରୀ ବୋଲି ସେ କହିଛନ୍ତି । ସେନା ପ୍ରତିଭାଙ୍କୁ ସମର୍ଥନର ଆବଶ୍ୟକତା ରହିଛି । ତାହେଲେ ପିପୁଲ୍ସ ଲିବରେଶନ ଆର୍ମି (ପିଏଲ୍ଏ) ୨୦୨୭ ପର୍ଯ୍ୟନ୍ତ ରଖିଥିବା ନିର୍ଦ୍ଧାରିତ ଲକ୍ଷ୍ୟକୁ ପୂରଣ କରିପାରିବ ।
