ଦୁବାଇ,୧୦।୧୦: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍)ର ୧୪ତମ ସଂସ୍କରଣ ଏବେ ଅନ୍ତିମ ପର୍ଯ୍ୟାୟରେ ପହଞ୍ଚିଛି। ରବିବାର ପ୍ରଥମ କ୍ୱାଲିଫାୟର ମ୍ୟାଚରେ ମହେନ୍ଦ୍ର ସିଂ ଧୋନୀଙ୍କ ଚେନ୍ନାଇ ସୁପର କିଙ୍ଗ୍ସ ଟସ୍ ଜିତି ଫିଲ୍ଡଂ କରିବାର ନିଷ୍ପତ୍ତି ନେଇଛି। ଅନ୍ୟପକ୍ଷେ ବ୍ୟାଟିଂ କରିବାକୁ ଆସି ଦିଲ୍ଲୀକୁ ଆରମ୍ଭରୁ ବଡ ଝଟକା ଲଗିଛି। ଓପନିଂ ପୃଥ୍ବୀ ଶ ଏବଂ ଶିଖର ଧାଓ୍ବନଙ୍କ ଯୋଡି ଭଲ ଷ୍ଟାଟ୍ ଦେଇଥିଲେ। ହେଲେ ୩.୨ ଓଭରରେ ଶିଖର ଧାଓ୍ବନ(୭) ରନ୍ କରି ଜୋଶ ହାଜେଲଉଡଙ୍କ ବଲରେ ଆଉଟ୍ ହୋଇଯାଇଥିଲେ। ପରେ ବ୍ୟାଟିଂ କରିବାକୁ ଆସି ଶ୍ରେୟାସ ଆୟାର ମଧ୍ୟ କିଛି କରି ପାରି ନ ଥିଲେ। ସେ ୧ ରନ୍ କରି ଜୋଶ ହାଜେଲଉଡଙ୍କ ବଳ୍ରେ ଆଉଟ ହୋଇଯାଇଥିଲେ। ହେଲେ ପୃଥ୍ବୀ ଶ ୧୯ ବଲ୍ରେ ୪୨ ରନ୍ କରି ଖେଳୁଛନ୍ତି। ୬୭ ଓଭର ସୁଦ୍ଧା ଦିଲ୍ଲୀ ୫୧ ରନ୍ କରି ୨ ଉଇକେଟ ହରାଇଛି।
ଅନ୍ୟପକ୍ଷେ ୧୪ଟି ମ୍ୟାଚ୍ ଖେଳି ୧୦ ବିଜୟ, ୪ ପରାଜୟ ସହ ଦିଲ୍ଲୀ ୨୦ ପଏଣ୍ଟ ପାଇ ପଏଣ୍ଟ ତାଲିକାର ଶୀର୍ଷରେ ରହିଛି। ଅନ୍ୟପଟେ ଚେନ୍ନାଇ ୧୪ ମ୍ୟାଚ୍ ଖେଳି ୯ ବିଜୟ, ୫ ପରାଜୟ ସହ ୧୮ ପଏଣ୍ଟ ପାଇ ଦ୍ୱିତୀୟ ସ୍ଥାନରେ ରହିଛି।
