ଗୁଆହାଟି,୨୭ ।୮: ଆସାମର ମନ୍ତ୍ରୀ ଚନ୍ଦ୍ର ମୋହନ ପଟୋୱାରୀଙ୍କ ଜ୍ଞାନ ବୃଦ୍ଧି ହୋଇଛି । ଶୁକ୍ରବାର ସେ ଦାବି କରିଛନ୍ତି କରୋନା ଭାଇରସ ସଂକ୍ରମଣ ଓ ଏହାଦ୍ୱାରା ହେଉଥିବା ମୃତ୍ୟୁ ସବୁ ଈଶ୍ୱରଙ୍କ ଦ୍ୱାରା ତିଆରି ହୋଇଥିବା ସୁପର କମ୍ପ୍ୟୁଟର ସ୍ଥିର କରିଥାଏ । ତେବେ ସେହି ସୁପର କମ୍ପ୍ୟୁଟର ୨ ପ୍ରତିଶତ ମୃତ୍ୟୁ ହାର ସ୍ଥିର କରି କୋଭିଡ-୧୯କୁ ପୃଥିବୀକୁ ପଠାଇବାକୁ ସ୍ଥିର କରିଛି । ସୂଚନାଯୋଗ୍ୟ, ଆସାମର କାମରୁପ ଜିଲାରେ ବୁଧବାର କରୋନା ମହାମାରୀରେ ମୃତ୍ୟୁ ହୋଇଥିବା ଲୋକଙ୍କ ବିଧବା ପତ୍ନୀଙ୍କୁ ସହାୟତା ରାଶି ପ୍ରଦାନ କରିବା ସମୟରେ ମନ୍ତ୍ରୀ ପଟୱାରି ଏହା କହିଛନ୍ତି । ମଙ୍ଗଳବାର ରାତିରେ ଗୁଆହାଟି ଫୁଟପାଥରେ ସେ ଜଣେ ୯୦ ବର୍ଷର ବୃଦ୍ଧାଙ୍କୁ ଦେଖିବା ପରେ ଏହା କହିଛନ୍ତି । କାରଣ ସେ ମହିଳା ଜଣକ ନା ମାସ୍କ ପିନ୍ଧିଥିଲେ ନା କରୋନା ସଂକ୍ରମଣରୁ ବର୍ତ୍ତିବା ପାଇଁ ଆଉ କିଛି ଗାଇଡ ଲାଇନ ପାଳନ କରୁଥିଲେ । ତାଙ୍କୁ ଦେଖିବା ପରେ ମନ୍ତ୍ରୀ କହିଥିଲେ ଏଭଳି ଲୋକଙ୍କୁ କେବେ କରୋନା ହେବନାହିଁ ।
