ନୂଆଦିଲ୍ଲୀ: ଭିତ୍ତିଭୂମି ଏବଂ ସ୍ବାସ୍ଥ୍ୟ କ୍ଷେତ୍ରକୁ ସରକାର ପ୍ରାଥମିକତା ଦିଅନ୍ତୁ ବୋଲି ଦେଶର ଶିଳ୍ପଜଗତ ନିବେଦନ କରିଛି। ଆର୍ଥତ୍କ ବର୍ଷ ୨୦୨୧-୨୨ ଲାଗି ପ୍ରାକ୍ ବଜେଟ ବୈଠକ ସୋମବାରଠାରୁ ଆରମ୍ଭ ହୋଇଛି। ଏହି ଅବସରରେ ଦେଶର ଶିଳ୍ପ ଜଗତ ସରକାରଙ୍କୁ ଏଭଳି ନିବେଦନ କରିଥିବା ଜଣାପଡିଛି। କରୋନା ଦ୍ୱାରା ଦେଶର ଅର୍ଥ ବ୍ୟବସ୍ଥା ସଙ୍କଟ ସ୍ଥିତି ଦେଇ ଗତି କରୁଛି। ଏହାକୁ ବିଚାରକରି ଆର୍ଥତ୍କ ସୁଧାର ଏବଂ ଅଭିବୃଦ୍ଧିକୁ ପ୍ରୋତ୍ସାହିତ କରିବା ଲାଗି ସରକାର ଶିଳ୍ପ ଏବଂ ଭିତ୍ତିଭୂମିକୁ ଗୁରୁତ୍ୱ ଦିଅନ୍ତୁ ବୋଲି ପ୍ରସ୍ତାବରେ କୁହାଯାଇଛି। ଅର୍ଥମନ୍ତ୍ରୀ ନିର୍ମଳା ସୀତାରାମନ ଏବଂ ଅର୍ଥ ମନ୍ତ୍ରଣାଳୟର ବରିଷ୍ଟ ଅଧିକାରୀମାନେ ଭର୍ଚୁଆଲ ମାଧ୍ୟମରେ ପ୍ରାକ୍ ବଜେଟ କନ୍ସଲଟେଶନ ପ୍ରକ୍ରିୟାରେ ଯୋଗଦେଇଥିଲେ।
ଅଭିବୃଦ୍ଧିକୁ ତ୍ୱରାନ୍ବିତ କରିବା ଲାଗି ସରକାର ପୁଣି ଥରେ ଏକ ଆର୍ଥତ୍କ ପ୍ୟାକେଜ ଆଣନ୍ତୁ ବୋଲି ଶିଳ୍ପଜଗତ କହିଛି। କନ୍ଫେଡେରେଶନ ଅଫ୍ ଇଣ୍ଡିଆନ ଇଣ୍ଡଷ୍ଟ୍ରିଜ କହିଛି ଯେ, ଅଭିବୃଦ୍ଧି, ବିତ୍ତୀୟ ଶୃଙ୍ଖଳା ଏବଂ ଆର୍ଥତ୍କ କ୍ଷେତ୍ରକୁ ଦୃଢୀକରଣ ଭଳି ୩ ପ୍ରମୁଖ ଦିଗକୁ ବିଚାର କରିପାରିବେ। ଏହା ଦ୍ୱାରା କୋଭିଡ୍-୧୯ ପ୍ରଭାବରୁ ଅର୍ଥ ବ୍ୟବସ୍ଥାକୁ ମୁକୁଳାଯାଇପାରିବ ବୋଲି ସଂଘ ଆଶାବାଦୀ ରହିଛି। ନିଯୁକ୍ତି ସୃଷ୍ଟି ଏବଂ ଘରୋଇ ନିବେଶକୁ ସରକାର ଉତ୍ସାହିତ କରନ୍ତୁ ବୋଲି ସିଆଇଆଇ ସଭାପତି ଉଦୟ କୋଟାକ କହିଛନ୍ତି। ଦେଶର ପ୍ରମୁଖ କ୍ଷେତ୍ରଗୁଡିକୁ ଅର୍ଥ ଯୋଗାଣ ଲାଗି ସରକାର ଡେଭଲପମେଣ୍ଟ ଫାଇନାନ୍ସିଆଲ ଇନ୍ଷ୍ଟିଚ୍ୟୁଶନ ଗଠନ ନେଇ ମଧ୍ୟ ପ୍ରସ୍ତାବ ଦିଆଯାଇଛି। ଜିଏସ୍ଟିକୁ ସରଳ କରିବା ଏବଂ ସ୍ଲାବ୍ ସଂଖ୍ୟା ୩ କୁ ଖସାଇବା ନେଇ ଶିଳ୍ପ ସଂଘ ଫିକି ପ୍ରସ୍ତାବ ଦେଇଛି। ଏଥିରେ ରାଜସ୍ବ ସଚିବ ଅଜୟ ଭୂଷଣ ପାଣ୍ଡେ, ଅର୍ଥନୈତିକ ବ୍ୟାପାର ସଚିବ ତରୁଣ ବଜାଜ, ମୁଖ୍ୟ ଅର୍ଥନୈତିକ ପରାମର୍ଶଦାତା କେ.ଭି. ସୁବ୍ରମଣ୍ୟନ ଉପସ୍ଥିତ ଥିଲେ। ସେହିଭଳି ଭାରତୀ ଏଣ୍ଟରପ୍ରାଇଜେସ୍ର ଉପାଧ୍ୟକ୍ଷ ରାକେଶ ଭାରତୀ ମିତ୍ତଲ,ବାୟୋକନ ଅଧ୍ୟକ୍ଷ କିରନ ମଜୁମଦାର ସ ଏବଂ ଫିକି ଓ ସିଆଇଆଇ ପ୍ରତିନିଧି ଏଥିରେ ଯୋଗଦେଇଥିଲେ।
