ନୂଆଦିଲ୍ଲୀ,୬।୮: ପ୍ରମୁଖ ମୋବାଇଲ କମ୍ପାନୀ ସାଓମିର ବ୍ରାଉଜରକୁ ଭାରତ ସରକାର ବ୍ୟାନ୍ କରି ଦେଇଛନ୍ତି। ସାଓମି ଦ୍ୱାରା ପ୍ରସ୍ତୁତ ହୋଇଥିବା ଆକ୍ସନ ଏମ୍ଆଇ ବ୍ରାଉଜର ପ୍ରୋ-ଭିଡିଓ ଡାଉନଲୋଡ୍, ଫ୍ରିଫାଷ୍ଟ ଏବଂ ସିକ୍ୱୋର ଉପରେ ମଧ୍ୟ ପ୍ରତିବନ୍ଧକ ଲାଗିଛି। ଚାଇନା ମୋବାଇଲ ଆପ୍ଲିକେଶନଗୁଡ଼ିକ ଉପରେ କଟକଣା ଅନ୍ତର୍ଗତ ପ୍ରାଥମିକ ପର୍ଯ୍ୟାୟରେ ୫୯ ଆପ୍ ଏବଂ ଦ୍ୱିତୀୟ ପର୍ଯ୍ୟାୟରେ ୪୭ ଆପ୍କୁ ଭାରତରେ ବ୍ଲକ କରାଯାଇଛି। ବ୍ରାଉଜର ଉପରେ କାର୍ଯ୍ୟାନୁଷ୍ଠାନ ଡିଭାଇସ୍ ଉପରେ ପ୍ରଭାବ ପକାଇପାରେ ବୋଲି ବଜାର ବିଶେଷଜ୍ଞ ମତ ପ୍ରକାଶ କରିଛନ୍ତି। ମାତ୍ର ଏଭଳି କଟକଣା ଦ୍ୱାରା ଡିଭାଇସ୍ ଉପରେ ବିଶେଷ ପ୍ରଭାବ ପଡିବ ନାହିଁ ବୋଲି କମ୍ପାନୀ ପକ୍ଷରୁ ସୂଚନା ରହିଛି। ୟୁଜରମାନେ ଯେକୌଣି ବ୍ରାଉଜର ଡାଉନଲୋଡ୍ କରିପାରିବେ ବୋଲି କମ୍ପାନୀ ସ୍ପଷ୍ଟ କରିଛି। ସରକାରଙ୍କ ସହ ସମ୍ପର୍କରେ ରହିଥିବା ସାଓମି କହିଛି। ଭାରତରେ କମ୍ପାନୀର ପ୍ରାୟ ୯ କୋଟି ଗ୍ରାହକ ରହିଛନ୍ତି। ସେହିଭଳି ସରକାର ଏୟାର ବ୍ରସ୍, ମେଇପାଇ, ବକ୍ସକାମ୍ ସମେତ ଅନ୍ୟ ୧୧ ଚାଇନା ଆପ୍କୁ ବ୍ଲକ କରିଛନ୍ତି। ଏହା ମଧ୍ୟରେ ହିରୋଜ ଓ୍ବାର, ସାଇଡ୍ପ୍ଲସ, କ୍ୟାପ୍କଟ୍, ପାରାଲେଲ୍ ସ୍ପେସ୍, ବାଇଡୁ ସର୍ଚ୍ଚ, ବାଇଡୁ ମ୍ୟାପ୍, ଓ୍ବିବୁ, ନେଟ୍ଏଜ ଇ-ମେଲ ସର୍ଭିସ, ସର୍ଚ୍ଚ ଲାଇଟ୍ ଭଳି ଆପ୍ ରହିଛି। ଆଗାମୀ ଦିନରେ ସରକାର ଆଉ ୧୫ ଚାଇନା ଆପ୍କୁ ବ୍ୟାନ କରିବାକୁ ଯୋଜନା କରୁଥିବା ଶୁଣିବାକୁ ମିଳୁଛି।
