ଭୁବନେଶ୍ୱର,୨୩।୫(ବ୍ୟୁରୋ): ଓ୍ବିମେନ୍ସ ଡେ’ ସେଲିବ୍ରେଶନ ପରେ କୁନି କୁନି ପିଲାଙ୍କ ପାଇଁ ଏକ ନୂଆ କ୍ୟାମ୍ପେନ୍ ଆରମ୍ଭ କରିଛି ରସୁଲଗଡ଼ସ୍ଥିତ ଏସ୍ପ୍ଲାନେଡ୍ ଓ୍ବାନ୍ ମଲ୍। ପିଲାଙ୍କ ଲାଗି ଉଦ୍ଦିଷ୍ଟ ପୋଷାକ ବ୍ରାଣ୍ଡ୍ର ପ୍ରମୋଟ କରିବା ସହ ସୁପର ମଡେଲ ହେବା ପାଇଁ ଏକ ଉତ୍କୃଷ୍ଟ ପ୍ଲାଟଫର୍ମ ଯୋଗାଇଦେବା ଏହି କ୍ୟାମ୍ପେନ୍ର ମୁଖ୍ୟ ଉଦ୍ଦେଶ୍ୟ। ଏହି ଅବସରରେ ୧୯ ଓ ୨୦ତାରିଖରେ ଏସ୍ପ୍ଲାନେଡ୍ ତରଫରୁ ଛୋଟ ଛୋଟ ପିଲାଙ୍କୁ ନେଇ ଏକ ଫଟୋସୁଟ୍ କାର୍ଯ୍ୟକ୍ରମର ଆୟୋଜନ କରାଯାଇଥିଲା।
ଏଥିରେ ଭୁବନେଶ୍ୱରର ବିଭିନ୍ନ ଅଞ୍ଚଳରୁ ଆସିଥିବା ପିଲାମାନେ ଜାତୀୟସ୍ତରୀୟ ପୋଷାକ ବ୍ରାଣ୍ଡ୍ ପାଇଁ ମଡେଲ ଭାବେ ଫଟୋସୁଟ୍ କରିଥିଲେ। ପିଲାମାନେ ନିଜ ପସନ୍ଦ ମୁତାବକ ପୋଷାକ ବାଛି ତାହାକୁ ପିନ୍ଧି ସୁଟ୍ କରିବାର ସୁଯୋଗ ପାଇଥିଲେ। ଫଟୋସୁଟ୍ କାର୍ଯ୍ୟକ୍ରମରେ ଭାଗ ନେଇଥିବା ପ୍ରତ୍ୟେକ ପିଲାଙ୍କ ଫଟୋକୁ ଏସ୍ପ୍ଲାନେଡ୍ର ସୋସିଆଲ ତଥା ଡିଜିଟାଲ ସାଇଟ୍ରେ ଛଡ଼ାଯିବ। ଏହାବ୍ୟତୀତ ବଛା ବଛା ଫଟୋକୁ ବ୍ରାଣ୍ଡ୍ ପ୍ରମୋଶନ କ୍ୟାମ୍ପେନ୍ ପାଇଁ ବ୍ୟବହାର କରାଯିବ। ଆଇକନିକ୍ କିଡ୍ସ, ରିଲିଆନ୍ସ ଟ୍ରେଣ୍ଡ୍ସ, ଏଫ୍ବିବି, ଇଣ୍ଡିଆନ୍ ଟେରିଆନ୍, ଲାଇଫଷ୍ଟାଇଲ, ୟୁସିବି ଏବଂ ମ୍ୟାକ୍ସ ଭଳି ବ୍ରାଣ୍ଡ୍ ପାଇଁ ଏହି ପିଲାମାନେ ମଡେଲ ହୋଇପାରିବେ। କେବଳ ଏତିକି ନୁହେଁ, ସୁଟ୍ କରିଥିବା ପ୍ରତ୍ୟେକ ପିଲାଙ୍କୁ ଆକର୍ଷଣୀୟ ଉପହାର ପ୍ରଦାନ କରାଯାଇଥିଲା। ସେହିଭଳି ଆଗାମୀ ରଜ ମହୋତ୍ସବ ପାଇଁ ମଲ୍ ପକ୍ଷରୁ ଆହୁରି ଆକର୍ଷଣୀୟ କାର୍ଯ୍ୟକ୍ରମ ଆୟୋଜନ କରାଯିବ ବୋଲି କୁହାଯାଇଛି।
