ନୂଆଦିଲ୍ଲୀ,୧୯।୮: ୨୨ ଅଗଷ୍ଟରେ କୋଲକାତାରେ ତିନୋଟି ମେଟ୍ରୋ ପ୍ରକଳ୍ପର ଉଦଘାଟନ ଉତ୍ସବରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଉପସ୍ଥିତ ରହିବେ ନାହିଁ। ଏହି ପ୍ରକଳ୍ପଗୁଡ଼ିକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉଦଘାଟନ କରିବାକୁ ଯାଉଛନ୍ତି।
ରାଜ୍ୟ ସରକାରଙ୍କ ଜଣେ ଉଚ୍ଚପଦସ୍ଥ ଅଧିକାରୀ ସୋମବାର ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଭାଜପା ଶାସିତ ରାଜ୍ୟଗୁଡ଼ିକରେ ପଶ୍ଚିମବଙ୍ଗର ଜନସାଧାରଣଙ୍କୁ ଯେପରି ହଇରାଣ କରାଯାଉଛ ତାକୁ ଦୃଷ୍ଟିରେ ରଖି ମେଟ୍ରୋ ପ୍ରକଳ୍ପର ଉଦଘାଟନରେ ଯୋଗ ନଦେବା ନିଷ୍ପତ୍ତି ନିଆଯାଇଛି।
ଉଚ୍ଚ ଅମଲା କହିଛନ୍ତି ଯେ ଏବେ ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କ ଅଧିକାରୀଙ୍କ ସହିତ ମଞ୍ଚ ଶେୟାର କରିବାକୁ ଚାହାଁନ୍ତି ନାହିଁ। ୧୪ ଅଗଷ୍ଟରେ ଲେଖାଯାଇଥିବା ଏକ ଚିଠିରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଆସନ୍ତା ଶୁକ୍ରବାରରେ ତିନୋଟି ମେଟ୍ରୋ ପ୍ରକଳ୍ପ ଉଦଘାଟନ କରିବାକୁ ମମତାଙ୍କୁ ନିମନ୍ତ୍ରଣ କରିଥିଲେ।
ଅଧିକାରୀ ଦାବି କରିଛନ୍ତି ଯେ ଏହି ରେଳ ପ୍ରକଳ୍ପଗୁଡ଼ିକ ମୂଳତଃ ମମତା ବାନାର୍ଜୀଙ୍କ ଦ୍ୱାରା ଯୋଜନା ଏବଂ ଆର୍ଥିକ ସହାୟତା କରାଯାଇଥିଲା ଯେତେବେଳେ ସେ ରେଳମନ୍ତ୍ରୀ ଥିଲେ। ବର୍ଷ ବର୍ଷ ଧରି ଧୀର ପ୍ରଗତି ପରେ, ଭାଜପା ଏବେ ନିର୍ବାଚନ ପୂର୍ବରୁ ସେଗୁଡ଼ିକୁ ଉଦଘାଟନ କରି ଶ୍ରେୟ ନେବାକୁ ଚେଷ୍ଟା କରୁଛି।
