ହିଞ୍ଜିଳିକାଟୁ,୧୭।୧୧(ଦ୍ବିତୀକୃଷ୍ଣ ପଣ୍ଡା): ଗଞ୍ଜାମ ଜିଲା ହିଞ୍ଜିଳି ଥାନା ତହଁର ଗ୍ରାମରେ ରବିବାର ଅପରାହ୍ନରେ ମାଙ୍କଡ ଆତଙ୍କ ଦେଖାଦେଇଛି । ମାଙ୍କଡ଼ କାମୁଡାରେ ଗ୍ରାମର ୧୫ରୁ ଊଦ୍ଦର୍ବ ମହିଳା ଓ ପୁରୁଷ ଆହତ ହୋଇଛନ୍ତି। ଆହତମାନେ ହେଲେ ତହଁର ଗ୍ରାମର ବୃନ୍ଦାବନ ଦାଶ, ନିରଞ୍ଜନ ପଣ୍ଡା, ଅଚ୍ୟୁତ ପ୍ରଧାନ, ଟିକି ବାଡତ୍ୟା, ବିପ୍ର ସାହୁ, ଜଗନ୍ନାଥ ଦଳେଇ, ମନୋରଞ୍ଜନ ରଥ, ବିଜୟ ମହାରଣା, ବିଷ୍ଣୁପ୍ରିୟା ପଟ୍ଟନାୟକ, ଶେରଗଡ଼ ଥାନା ପଥରପୁଞ୍ଜି ଗ୍ରାମର ବିଜୟ ପ୍ରଧାନ। ଆହତମାନେ ଚିକିତ୍ସା ପାଇଁ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ଅନ୍ୟପକ୍ଷେ ମାଙ୍କଡକୁ କାବୁ କରିବା ପାଇଁ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି। ଏନେଇ ଶେରଗଡ଼ ବନ ଉପଖଣ୍ଡ ବନପାଳ ହରିକୃଷ୍ଣ ବାରିକଙ୍କୁ ପଚାରିବାରୁ, ଖବର ପାଇ ବନବିଭାଗର ୩ଜଣ କର୍ମଚାରୀ ଘଟଣା ସ୍ଥଳରେ ପହଞ୍ଚି ମାଙ୍କଡକୁ କାବୁ କରିବାକୁ ଚେଷ୍ଟା ଜାରି ରଖିଛନ୍ତି। ହେଲେ ମାଙ୍କଡକୁ କାବୁ କରାଯାଇ ନାହିଁ ।
