ବ୍ରହ୍ମପୁର,୧୩ା୪(ଅଶୋକ କୁମାର ସାହୁ): ବ୍ରହ୍ମପୁରରେ ବିଜେଡି ଓ ଭାଜପା ପକ୍ଷରୁ ପ୍ରଚାର ଆରମ୍ଭ ହୋଇଛି। ଶୁକ୍ରବାର ମେଡିକାଲ ଛକରେ ପ୍ରଚାର ବେଳେ ଭାଜପାର ବ୍ରହ୍ମପୁର ଲୋକ ସଭା ପ୍ରାର୍ଥୀ ପ୍ରଦୀପ ପାଣିଗ୍ରାହୀ ଓ ବିଧାନସଭା ପ୍ରାର୍ଥୀ କେ. ଅନିଲ ବିଜେଡିର ବ୍ରହ୍ମପୁର ବିଧାୟକ ପ୍ରାର୍ଥୀ ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକଙ୍କ ଆଶୀର୍ବାଦ ନେଇଥିବା ଦେଖାଯାଇଥିଲା। ସକାଳେ କମାପଲ୍ଲୀ ପରିବା ମାର୍କେଟରେ ପ୍ରଦୀପ ଓ ଅନିଲ କୁମାର ପରିବା ବିକାଳିମାନଙ୍କୁ ଭୋଟଭିକ୍ଷା କରିଥିଲେ। ସେପଟେ ଚ୍ୟାଉ ପଟ୍ଟନାୟକ ପ୍ରାତଃଭ୍ରମଣକାରୀ ଓ ଚା ଖଟିକୁ ଯାଇ ନିଜ ଦଳ ସପକ୍ଷରେ କହି ଭୋଟ ଭିକ୍ଷା କରୁଥିବା ବେଳେ ଏଭଳି ରୋଚକ ପରିସ୍ଥିତି ଉପୁଜିଥିଲା।
