କେସିଙ୍ଗା,୭ା୫(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକର ଜବାହରଉଚ୍ଚ ବିଦ୍ୟପୀଠ, ବାଲସି (କ)ର ଛାତ୍ର ଚଳିତ ଶିକ୍ଷାବର୍ଷର ବୋର୍ଡ ପରୀକ୍ଷାରେ ଏ-୧ ଗ୍ରେଡ୍ରେ ଉତ୍ତୀର୍ଣ୍ଣ ହୋଇ ଥିବାରୁ ଜବାହର ଉଚ୍ଚ ବିଦ୍ୟାପୀଠ (କ) ଛାତ୍ର ଆକାଶ ସାହୁଙ୍କୁ ପ୍ରଧାନଶିକ୍ଷକ ବୁଦ୍ଧଦେବ ପୋଢ଼ ଓ ଅନ୍ୟାନ୍ୟ ଶିକ୍ଷକ ଛାତ୍ରଙ୍କ ଘରକୁ ଯାଇ ଗୁରୁବାର ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ। ଛାତ୍ରଜଣକ କେସିଙ୍ଗା ବ୍ଲକ ପଥର୍ଲା ଗ୍ରାମ (ଭମରମାଲ)ର ଭୂପିନ୍ଦ୍ର ସାହୁ ଓ ସରୋଜିନୀ ସାହୁଙ୍କ ପୁତ୍ର ଚଳିତବର୍ଷ ମାଟ୍ରିକ ପରୀକ୍ଷା ୨୦୨୬ ଶିକ୍ଷାବର୍ଷରେ ଏ.୧. ଗ୍ରେଡ ୬୦୦ମାର୍କରୁ ୫୪୨ ମାର୍କ ରଖି ଉତ୍ତୀର୍ଣ୍ଣ ହୋଇଛନ୍ତି। ଏହି ଅଞ୍ଚଳରେ ଜଣେ ଦକ୍ଷ ଛାତ୍ର ଭାବେ ଉତ୍ତୀର୍ଣ୍ଣ ହୋଇ ମାତା, ପିତା ଓ ବିଦ୍ୟାପୀଠ (କ) ଓ ନିଜ ଗାଁର ଗୌରବ ଅର୍ଜନ କରିଛନ୍ତି। ତେଣୁ ଏହି ଅବସରରେ ଗୁରୁବାର ବିଦ୍ୟାପୀଠର ପ୍ରଧାନଶିକ୍ଷକ ବୁଦ୍ଧଦେବ ପୋଢ଼ ଓ ଅନ୍ୟ ଶିକ୍ଷକ କର୍ମଚାରୀ ଆକାଶଙ୍କ ଘରକୁ ଯାଇ ପୁଷ୍ପଗୁଛ ପ୍ରଦାନ କରି ସମ୍ବର୍ଦ୍ଧିତ କରିବା ସହ ତାଙ୍କର ଉଜ୍ଜ୍ବଳମୟ ଭବିଷ୍ୟତ କାମନା କରିଥିଲେ।
