ଛତ୍ରପୁର,୭ା୫(ଦିଲୀପ ସାମଲ): ଛତ୍ରପୁର ବ୍ଲକ ବଡ଼ ମାଧପୁର ପଞ୍ଚାୟତରେ ଏମ୍ବିକେ ଭାବେ କାର୍ଯ୍ୟରତ ମଞ୍ଜୁ ବେହେରାଙ୍କୁ କାର୍ଯ୍ୟରୁ ଛଟେଇ କରାଯାଇଛି। ବିନା କାରଣରେ ତାଙ୍କୁ ବହିଷ୍କାର କରାଯାଇଥିବା ଅଭିଯୋଗ କରି ନ୍ୟାୟ ପାଇଁ ସେ ଗୁରୁବାର ଛତ୍ରପୁର ବ୍ଲକ କାର୍ଯ୍ୟାଳୟରେ ଧାରଣାରେ ବସିଥିଲେ।
ନ୍ୟାୟ ପ୍ରଦାନ କରା ନ ଗଲେ ସେ ବ୍ଲକ କାର୍ଯ୍ୟାଳୟ ସମ୍ମୁଖରେ ଆତ୍ମହତ୍ୟା କରିବେ ବୋଲି ସେ ଚେତାବନୀ ଦେଇଥିଲେ। ମଞ୍ଜୁ ପାଖରେ ପେଟ୍ରୋଲ ବୋତଲ ରଖିଥିଲେ। ପୋଲିସ ଏହି ଖବର ପାଇ ଘଟଣାସ୍ଥଳରେ ଛତ୍ରପୁର ଥାନା ପୋଲିସ ପହଁଚି ଏମ୍ବିକେ ମଞ୍ଜୁଙ୍କ ଠାରୁ ପେଟ୍ରୋଲ ବୋତଲ ଛଡାଇ ନେଇଛି।
ଦୀର୍ଘ ୯ ବର୍ଷ ହେଲା ମଞ୍ଜୁ ମାଧପୁର ପଞ୍ଚାୟତରେ କାର୍ଯ୍ୟ ତୁଲାଇ ଆସୁଥିବା ବେଳେ ଗତ ୨ ମାସ ହେଲା ତାଙ୍କଠାରୁ ଜିପିଏଲଏଫର ଚାବି ଛଡାଇ ନିଆଯାଇଛି l ଏ ନେଇ ସେ ବହୁବାର ଛତ୍ରପୁର ବିଡିଓ ଓ ବିପିଏମଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ନ ମିଳିବାରୁ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିିଥିଲେ। ମଞ୍ଜୁ ବିଡ଼ିଓଙ୍କୁ ଭେଟି ଘଟଣା ବିଷୟରେ ପୁଣି କହିଥିଲେ l ବିଡ଼ିଓ ତାଙ୍କୁ ଆଶ୍ୱାସନା ଦେଇ କହିଛନ୍ତି, ଏ ସମ୍ୱନ୍ଧରେ ପ୍ରଥମେ ୟୁସି ମେମ୍ୱର ଏବଂ ପରେ ଜିଲ୍ଲାସ୍ତରର ଅଧିକାରୀଙ୍କ ସହ ଆଲୋଚନା କରି ସମାଧାନର ବାଟ ବାହାର କରାଯିବ ବୋଲି କହିଥିଲେ। ପରେ ମଞ୍ଜୁ ଘରକୁ ଯାଇଛନ୍ତି।
