ଗଞ୍ଜାମ,୭ା୫(ବିଦ୍ୟାଧର ସାହୁ): ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ରାମଗଡ଼ ପଞ୍ଚାୟତର ବିଭିନ୍ନ ଗ୍ରାମ ପରିଦର୍ଶନ କରିଛନ୍ତି। ଏପରିକି ପଞ୍ଚାୟତରେ ଚାଲିଥିବା ବିଭିନ୍ନ ଉନ୍ନୟନ କାର୍ଯ୍ୟ ତଦାରଖ କରିଛନ୍ତି।
ବିଧାୟକ ପ୍ରଥମେ ଗଜପତି ନଗର ଯାଇ ସେଠାରେ ୨ଟି କଲ୍ୟାଣ ମଣ୍ଡପ ନିର୍ମାଣ ନେଇ ସ୍ଥାନୀୟ ଅଞ୍ଚଳବାସୀଙ୍କ ସହ ଆଲୋଚନା କରିଥିଲେ। ପରେ ପାଲୁରୁଗଡ଼ ଦଳିତ ସାହିରେ ଠାକୁରାଣୀ ମନ୍ଦିର ପାଇଁ ବିଧାୟକଙ୍କ ପାଣ୍ଠିରୁ ଅର୍ଥ ସହଯୋଗ କରିବେ ବୋଲି କହିଛନ୍ତି।
ଏହି ଗସ୍ତ ବେଳେ ବିଧାୟକ ପ୍ରତିନିଧି ମାନସ ନାହାକ, ଯୁବ ନେତା ଅମୁଲ୍ୟ ଦଳାଇଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ। ନିର୍ୱାଚନ ମଣ୍ଡଳୀରେ ଲୋକଙ୍କ ବିଭିନ୍ନ ସମସ୍ୟାର ସମାଧାନ କରିବାକୁ ବିଧାୟକ ନାୟକଙ୍କ ତତ୍ପରତା ଦେଖି ସ୍ଥାନୀୟ ଅଞ୍ଚଳବାସୀ ଖୁସିବ୍ୟକ୍ତ କରିବା ସହ ବିଧାୟକଙ୍କ ଲୋକାଭିମୁଖୀ କାର୍ଯ୍ୟ ଶୈଳୀକୁ ପ୍ରଶଂସା କରିଛନ୍ତି।
