ନୂଆଦିଲ୍ଲୀ,୧୧।୧୨: ପାକିସ୍ତାନ ଖେଳାଳି ଅସଦ ଶଫିକ କ୍ରିକେଟର ସମସ୍ତ ଫର୍ମାଟରୁ ଅବସର ନେଇଛନ୍ତି। ଅସଦ ଦୀର୍ଘ ସମୟ ଧରି ପାକିସ୍ତାନ କ୍ରିକେଟ ଦଳରୁ ବାହାରେ ଥିଲେ। ଅବସର ସମ୍ପର୍କରେ ସେ କହିଛନ୍ତି, କ୍ରିକେଟ ପ୍ରତି ତାଙ୍କର ଆଉ ଉତ୍ସାହ ନାହିଁ। ଏହା ବ୍ୟତୀତ ସେ ଏହା ମଧ୍ୟ କହିଛନ୍ତି ଯେ ଅନ୍ତର୍ଜାତୀୟ କ୍ରିକେଟ ଖେଳିବା ପାଇଁ ତାଙ୍କର ଫିଟ୍ନେସ ସାଥ୍ ଦେଉନାହିଁ।
ଶଫିକ କହିଛନ୍ତି, ମୋର କ୍ରିକେଟ ଖେଳିବାକୁ ଉତ୍ସାହ ନାହିଁ। ତେଣୁ ମୁଁ ସମସ୍ତ କ୍ରିକେଟକୁ ବିଦାୟ ଦେବାକୁ ସ୍ଥିର କଲି। ମୋତେ ପିସିବିରୁ ଏକ ଚୁକ୍ତିନାମା ମିଳିଛି ଏବଂ ମୁଁ ଏହା ଉପରେ ଧ୍ୟାନ ଦେଉଛି ଏବଂ ଆଶା କରୁଛି ଏହା ଶୀଘ୍ର ପ୍ରକ୍ରିୟାକରଣ କରାଯିବ।
୨୦୧୦ରେ ଅନ୍ତର୍ଜାତୀୟ କ୍ରିକେଟରେ ପ୍ରବେଶ କରିଥିବା ଅସଦ ଶଫିକ ତାଙ୍କ କ୍ୟାରିୟରରେ ୭୭ ଟି ଟେଷ୍ଟ, ୬୦ଟି ଦିନିକିଆ ଏବଂ ୧୦ ଟି -୨୦ ଅନ୍ତର୍ଜାତୀୟ ମ୍ୟାଚ ଖେଳିଛନ୍ତି। ୧୨୮ ଟେଷ୍ଟ ଇନିଂସରେ ସେ ହାରାହାରି ୩୮.୧୯ ରେ ୪୬୬୦ ରନ ସଂଗ୍ରହ କରିଛନ୍ତି। ଯେଉଁଥିରେ ୧୨ ଶତକ ଏବଂ ୨୭ ଅର୍ଦ୍ଧଶତକ ଅନ୍ତର୍ଭୁକ୍ତ ରହିଛି। ଦିନିକିଆର ୫୮ ଇନିଂସରେ ବ୍ୟାଟିଂ କରି ସେ ହାରାହାରି ୨୪.୭୪ରେ ୧୩୩୬ ରନ ସଂଗ୍ରହ କରିଥିଲେ, ଯେଉଁଥିରେ ୯ ଅର୍ଦ୍ଧଶତକ ଅନ୍ତର୍ଭୁକ୍ତ । ଏହା ବ୍ୟତୀତ ଟି -୨୦ ଇଣ୍ଟରନ୍ୟାଶନାଲରେ ୧୦ଇନିଂସରେ ତାଙ୍କ ବ୍ୟାଟରୁ ୧୯୨ ରନ ସ୍କୋର ହୋଇଥିଲା।
