ଭୁବନେଶ୍ୱର,୨୯।୧୧: ରାଜ୍ୟର ୩୧୪ଟି ବ୍ଲକ୍ରେ ରିଜର୍ଭ ବ୍ୟାଙ୍କ ପକ୍ଷରୁ କଏନ୍ ଏକ୍ସଚେଞ୍ଜ ମେଳା ଅନୁଷ୍ଠିତ ହେବ। ଏଥିରେ ଜନସାଧାରଣ ୫୦ ପଇସାରୁ ୨୦ ଟଙ୍କା ପର୍ଯ୍ୟନ୍ତ କଏନ୍ ବଦଳେଇ ପାରିବେ। ଏହା ଆସନ୍ତା ମାସରୁ ଆରମ୍ଭ ହେବ ବୋଲି ଜଣାପଡିଛି। ଏ ସମ୍ପର୍କରେ ଭାରତୀୟ ରିଜର୍ଭ ବ୍ୟାଙ୍କର ଆଂଚଳିକ ନିର୍ଦ୍ଦେଶକ ସାରଦା ପ୍ରସନ୍ନ ମହାନ୍ତି କହିଛନ୍ତି, ଏହି ମେଳାରେ ଚିରା ଫଟା ନୋଟ୍ ମଧ୍ୟ ଗ୍ରାହକ ବଦଳେଇ ପାରିବେ।
କୌଣସି ବ୍ୟାଙ୍କ ଏଥିପାଇଁ ମନା କରିପାରିବେ ନାହିଁ। ସେ କହିଛନ୍ତି, କଏନ୍ର ଗ୍ରହଣୀୟତାକୁ ନେଇ ଅନେକ ଗୁଜବ ପ୍ରଚାରିତ ହୋଇଛି। ତେବେ ଏହିଭଳି ଗୁଜବ ଉପରେ ବିଶ୍ୱାସ ନ କରିବାକୁ ସେ ଜନସାଧାରଣଙ୍କୁ ନିବେଦନ କରିଛନ୍ତି।
