ଲକ୍ଷ୍ନୌ,୧୧।୯: ସୁହେଲଦେବ ଭାରତୀୟ ସମାଜ ପାର୍ଟି ସଭାପତି ଓମ ପ୍ରକାଶ ରାଜଭର ନିଜ ମନ୍ତବ୍ୟ ପାଇଁ ପୁଣି ଥରେ ଚର୍ଚ୍ଚାରେ ଅଛନ୍ତି। ଘୋସି ଉପନିର୍ବାଚନରେ ଭାଜପାର ପରାଜୟ ପରେ ସମାଜବାଦୀ ପାର୍ଟି(ଏସ୍ପି) ସୁପ୍ରିମୋ ଅଖିଳେଶ ଯାଦବକୁ ଟାର୍ଗେଟ୍ କରିଛନ୍ତି। ରାଜଭର କହିଛନ୍ତି ଯେ, ଅଖିଳେଶ ଯାଦବ, ରାମ ଗୋପାଳ ଯାଦବ ଏବଂ ଶିବପାଲ ଯାଦବଙ୍କ ବିରୋଧରେ ଆସିଥିବା ଅଭିଯୋଗର ଶୀଘ୍ର ଯାଞ୍ଚ କରାଯିବ ଏବଂ ତଦନ୍ତରେ ଦୋଷୀ ସାବ୍ୟସ୍ତ ହେବା ପରେ ସେମାନେ ଜେଲ ଯିବେ।
ଓମ ପ୍ରକାଶ ରାଜଭର ଦାବି କରିଛନ୍ତି ଯେ, ଗାୟତ୍ରୀ ପ୍ରଜାପତିଙ୍କ ସହ ଅଖିଳେଶ ଯାଦବଙ୍କ ନାମ ମଧ୍ୟ ଖଣି ଦୁର୍ନୀତିରେ ଆସିଛି। କେବଳ ଏତିକି ନୁହେଁ, ଗୋମତି ରିଭର ଫ୍ରଣ୍ଟ ଦୁର୍ନୀତିରେ ଏସପି ନେତା ରାମ ଗୋପାଳ ଯାଦବ, ଶିବପାଲ ଯାଦବ ଏବଂ ଅଖିଳେଶ ଯାଦବଙ୍କ ନାମ ରହିଛି। ଏହି ସମସ୍ତଙ୍କ ବିରୋଧରେ ହୋଇଥିବା ଅଭିଯୋଗର ତଦନ୍ତ କରାଯିବ ଏବଂ ଯଦି ଏହି ଘଟଣାରେ ଦୋଷୀ ସାବ୍ୟସ୍ତ ହେଲେ ତେବେ ସେମାନେ ଜେଲ ଯିବେ।
ରାଜଭର ଅଭିଯୋଗ କରିଛନ୍ତି ଯେ, ଏସପି ଲୋକମାନେ ମିଛ କହିବାରେ ମାହିର୍। ସିବିଆଇ ଅନୁସନ୍ଧାନରେ ରାମ ଗୋପାଳ ଯାଦବଙ୍କ ପୁଅର ନାମ ମଧ୍ୟ ଆସିଛି, ତେଣୁ ସେ କିପରି ଜେଲ୍ ଯାଇନାହାନ୍ତି ଆମକୁ କୁହନ୍ତୁ, ସେ ନିଜକୁ ବଞ୍ଚାଇବାକୁ ଭାଜପାକୁ ସାହାଯ୍ୟ ମାଗିଥିଲେ।
