ନୂଆ ଠିକଣା ପାଇଲେ ଲକ୍ଷାଧିକ କଇଁଛ
ଗଞ୍ଜାମ,୧୮।୪(ଡି.ଏନ.ଏ.) ଋଷିକୁଲ୍ୟା ମୁହାଁଣ ସମୁଦ୍ର ବେଳାଭୂମିରେ ସମ୍ପ୍ରତି ଲକ୍ଷ ଲକ୍ଷ ସଂଖ୍ୟାରେ ବେବି ଅଲିଭ ରିଡଲେ ନୂଆଁ ଠିକଣା ପାଇବା ଲକ୍ଷ୍ୟ କରାଯାଇଛି। ଗତ ୧୫ ତାରିଖରୁ ଉକ୍ତ ପ୍ରକ୍ରିୟା ଜାରି ରହିଛି। ଗତ ଦିନରେ ୬ ଲକ୍ଷ ୩୭ ହଜାର ୮ ଗୋଟି ସାମୁଦ୍ରିକ କଇଁଚ ଗଞ୍ଜାମ ବ୍ଲକର ପୋଡ଼ାମପେଟା ବେଳାଭୂମିରେ ଗଣ ଅଣ୍ଡାଦାନ କରିଥିବା ବେଳେ ୪୫ ଦିନ ପରେ ସେଇ ଅଣ୍ଡା ଗୁଡ଼ିକରୁ ଛୁଆ ଫୁଟିବା ଆରମ୍ଭ କରିଛି। ଫଳରେ ବାଲୁକା ରାଶି ମଧ୍ୟରେ ପୋତି ହୋଇ ରହିଥିବା ଅଣ୍ଡାରୁ ଗୋଟାକ ପରେ ଗୋଟେ ଛୁଆ ଉପରକୁ ଉଠି ଆସିବାପରେ ସମୁଦ୍ର ଲହରିର ଶବ୍ଧ ଓ ଲହରୀରୁ ଉତ୍ପନ ହେଉଥିବା ତେଜକ୍ରିୟ ରଶ୍ମି ଛୁଆ ଗୁଡିକ ସମୁଦ୍ର ଜଳ ରାଶି ଆଡକୁ ମୁହାଁଉଥିବା ଦେଖିବାକୁ ମିଳିଛି। ଛୁଆ ଗୁଡିକର ପେଟ ଭାଗରେ ଥିବା କେଶର ସେମାନଙ୍କୁ ଶକ୍ତି ଯୋଗାଉଥିବା ବେଳେ ସେହି ଶକ୍ତି ପ୍ରଭାବରେ ଛୋଟ ଛୁଆ ଗୁଡିକ ସମୁଦ୍ରର ଗଭୀର ଜଳ ମଧ୍ୟକୁ ପହଁରି ଚାଲି ଯାଉଥିବା ପରିବେଶବିତ ମାନେ ପ୍ରକାଶ କରିଛନ୍ତି। ବ୍ରହ୍ମପୁର ଡିଏଫ୍ଓ ସନି ଖୋଖର ବେଳାଭୂମିରେ ପହଞ୍ଚି ଉକ୍ତ ବେବି ଅଲିଭ ରିଡଲେଙ୍କ ସୁରକ୍ଷା ସମ୍ପର୍କରେ ଅନୁଧ୍ୟାନ କରିଛନ୍ତି। ଖଲ୍ଲିକୋଟ ରେଞ୍ଜର ସିଦ୍ଧାର୍ଥ ଶଙ୍କର ସାହୁଙ୍କ ପ୍ରତ୍ୟକ୍ଷ ତତ୍ୱବାଧାନରେ ବନ ବିଭାଗ କର୍ମଚାରୀ ଓ ସ୍ଥାନୀୟ ଅଞ୍ଚଳବାସୀ ସୁରକ୍ଷା ଦାୟତ୍ୱରେ ତୁଲାଉଛନ୍ତି। ଅନ୍ୟପଟେ ଗଞ୍ଜାମ ଅଞ୍ଚଳର ଦିଗଦର୍ଶନ ଫାଉଣ୍ଡେଶନ ଓ ପୋଇରାଶି ପଞ୍ଚାୟତର ତାରିଣୀପଲ୍ଲୀ ଗ୍ରାମର ୟୁଥ ଫର ଭିଲେଜ ତରଫରୁ ବେବି ଅଲିଭ ରିଡଲେଙ୍କ ସୁରକ୍ଷାକୁ ନେଇ ସ୍ବେଚ୍ଛାସେବୀମାନେ ବେଳାଭୂମିରେ ଭୋରରେ ପହଞ୍ଚି ଛୁଆ ଗୁଡିକୁ ବାଟବଣା ହୋଇଯାଉଥିବା ଏବଂ ପ୍ଳାଷ୍ଟିକ ବାଡ଼ରେ ସଲଗ୍ନ ଜାଲ ସହ ଛନ୍ଦୀ ହୋଇଯାଉଥିବା ଛୁଆ କଇଁଚ ଗୁଡିକୁ ପ୍ଲାଷ୍ଟିକ ବାଲତିରେ ସଂଗ୍ରହ କରି ସମୁଦ୍ର ଜଳରେ ଛାଡ଼ୁଛନ୍ତି। ଉମାକାନ୍ତ ବେହେରା, ଡି. ଦେବହରି ରେଡି, ବିଜୟଲକ୍ଷ୍ମୀ ମହାଙ୍କୁଡ଼, ଜି. ଗଙ୍ଗା, ସୁରଜ ପଣ୍ଡା, ଚୈତନ୍ୟ ରେଡି, ଦୀପକ କୁମାର ସାହୁ, ୟୁ. ସୀମା, ସୁଦର୍ଶନ ପାଢ଼ୀ ପ୍ରମୁଖ ଦିଗଦର୍ଶନ ଫାଉଣ୍ଡେସନ ଏବଂ ୱାଇ ଫର ଭିର କର୍ମକର୍ତ୍ତାଙ୍କ ସହ ଶିଶୁ ସ୍ବେଚ୍ଛାସେବୀ ଡି. ବ୍ରିଶାଙ୍କ ଉପସ୍ଥିତ ରହି ସାମୁଦ୍ରିକ କଇଁଚ ଛୁଆ ଗୁଡିକୁ ଛାଡିବାର ବ୍ୟବସ୍ଥା କରିଥିଲେ।
