ନୂଆଦିଲ୍ଲୀ,୨୭।୫: IPL 2026 ଲିଗ ମାର୍ଚ୍ଚ ୨୮ରେ ଆରମ୍ଭ ହୋଇଥିଲା। ଏହି ଟୁର୍ନାମେଣ୍ଟ ଏବେ ଏହାର ଦ୍ୱିତୀୟ ମାସ ସମାପ୍ତ ହେବାକୁ ଯାଉଛି। ଏହି ସିଜିନ ଏକ ଐତିହାସିକ କାରମାନା ହୋଇଛି। ପ୍ରଥମଥର ପାଇଁ ୧୦ଟି IPL ଦଳର ପ୍ରତ୍ୟେକ ଖେଳାଳିଙ୍କୁ ଶତକ ହାସଲ କରିବାର ଦେଖାଯାଇଛି। ଏହି IPL ସିଜିନରେ ଶତକ ହାସଲ କରିଥିବା ୧୦ଜଣ ଖେଳାଳିଙ୍କ ଉପରେ ଏକ ନଜର:
୧. ତିଳକ ବର୍ମା (ମୁମ୍ବାଇ ଇଣ୍ଡିଆନ୍ସ)
IPL ରେ ତିଲକ ବର୍ମା ୨୨୪.୪୪ ଷ୍ଟ୍ରାଇକ ରେଟରେ ଖେଳି କେବଳ ୪୫ ବଲରେ ଗୁଜରାଟ ଟାଇଟାନ୍ସ ବିପକ୍ଷରେ ୧୦୧ ରନ କରି ତାଙ୍କର ଶତକ ପୂରଣ କରିଥିଲେ। ତାଙ୍କ ଇନିଂସରେ ୮ ଚୌକା ଏବଂ ୭ ଛକା ସାମିଲ ଥିଲା। ଏହା କରି,ସେ ମୁମ୍ବାଇ ଇଣ୍ଡିଆନ୍ସ ପାଇଁ ଦ୍ରୁତତମ ଶତକ ହାସଲ କରିବା ପାଇଁ ସନଥ ଜୟସୁରିଆଙ୍କ ରେକର୍ଡର ସମକକ୍ଷ ହୋଇଥିଲେ। ତିଲକ ତାଙ୍କ T20 କ୍ୟାରିୟରରେ ୪୫ ମ୍ୟାଚରେ ମୋଟ ୧,୮୫୮ ରନ ସଂଗ୍ରହ କରିଛନ୍ତି।
୨. ସଞ୍ଜୁ ସାମସନ (ଚେନ୍ନାଇ ସୁପର କିଙ୍ଗ୍ସ)
ଏହି IPL ସିଜିନରେ ସଞ୍ଜୁ ସାମସନଙ୍କ ନାମରେ ଦୁଇଟି ଶତକ ରହିଛି। ସେ ଏମ.ଏ. ଚିଦାମ୍ବରମ ଷ୍ଟାଡିୟମରେ ମାତ୍ର ୫୬ ବଲ୍ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ୧୧୫ ରନ୍ର ଇନିଂସ କରିଥିଲେ। ତାଙ୍କର ଦ୍ୱିତୀୟ ଶତକ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଆସିଥିଲା। ମୁମ୍ବାଇ ଇଣ୍ଡିଆନ୍ସର ଘରୋଇ ପଡ଼ିଆ ୱାଙ୍ଖଡେ ଷ୍ଟାଡିୟମରେ ୫୪ ବଲ୍ରେ ୧୦୧ ରନ୍ର ଇନିଂସ ଖେଳିଥିଲେ। ସଞ୍ଜୁ ସାମସନ ତାଙ୍କ T20 କ୍ୟାରିୟରରେ ୧୯୧ ମ୍ୟାଚ୍ରେ ମୋଟ ୫,୧୮୧ ରନ କରିଛନ୍ତି।
୩. ଫିନ ଆଲେନ (କୋଲକାତା ନାଇଟ ରାଇଡର୍ସ)
ଆଇପିଏଲରେ, ଫିନ ଆଲେନ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ୪୭ ବଲ୍ରେ ୧୦୦ ରନ୍ର ପାଳି ଖେଳିଥିଲେ। ତାଙ୍କର ଷ୍ଟ୍ରାଇକ ରେଟ ଥିଲା ୨୧୨.୭୭। ତାଙ୍କ ଇନିଂସରେ ମୋଟ ୫ ଚୌକା ଏବଂ ୧୦ ଛକା। ଫିନ ଆଲେନ ତାଙ୍କ IPL କ୍ୟାରିୟରରେ ମୋଟ ୩୪୯ ରନ ରେକର୍ଡ କରିଛନ୍ତି।
୪. ଶ୍ରେୟସ ଆୟର (ପଞ୍ଜାବ କିଙ୍ଗସ)
ଲକ୍ଷ୍ନୌ ସୁପର ଜାଏଣ୍ଟ୍ସ ବିପକ୍ଷରେ ଖେଳାଯାଇଥିବା ଆଇପିଏଲ ସିଜିନ୍ର ପଞ୍ଜାବ କିଙ୍ଗସ୍ର ଶେଷ ମ୍ୟାଚ୍ରେ ଅଧିନାୟକ ଶ୍ରେୟସ ଆୟର ଶତକ ହାସଲ କରିଥିଲେ। ୫୧ ବଲ୍ରେ ୧୦୧ ରନ କରିଥିଲେ। ଏହି ଇନିଂସ୍ରେ ୧୧ ଚୌକା ଏବଂ ୫ ଛକା ସାମିଲ ଥିଲା। ତାଙ୍କ ଆଇପିଏଲ କ୍ୟାରିୟରରେ ୧୪୦ ମ୍ୟାଚ୍ରେ ତାଙ୍କର ମୋଟ ୩,୯୦୦ ରନ ରେକର୍ଡ ହୋଇଛି।
୫. ମିଚେଲ ମାର୍ଶ (ଲକ୍ଷ୍ନୌ ସୁପର ଜାଏଣ୍ଟ୍ସ)
ଆଇପିଏଲ୍ରେ ମିଚେଲ ମାର୍ଶ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ମାତ୍ର ୫୧ ବଲ୍ରେ ୧୦୭ ରନ କରି ଏକ ଶତକ ପୂରଣ କରିଥିଲେ। ଏହି ଇନିଂସ୍ରେ ୯ ଚୌକା ଏବଂ ୮ ଛକା ଥିଲା। ମିଚେଲ ମାର୍ଶଙ୍କ ଏହି ଶତକ ଲକ୍ଷ୍ନୌ ସୁପର ଜାଏଣ୍ଟ୍ସ ପାଇଁ ଦ୍ରୁତତମ ଶତକ ମଧ୍ୟରୁ ଗୋଟିଏ। ତାଙ୍କ ଆଇପିଏଲ କ୍ୟାରିଅରରେ ମିଚେଲ ମାର୍ଶ ୫୫ ମ୍ୟାଚ୍ରେ ୧,୮୫୫ ରନ କରିଛନ୍ତି।
୬. ଅଭିଷେକ ଶର୍ମା (ସନରାଇଜର୍ସ ହାଇଦ୍ରାବାଦ)
ଆଇପିଏଲରେ ଅଭିଷେକ ଶର୍ମା ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ମାତ୍ର ୪୫ ବଲରୁ ୧୩୫ ରନ କରିଥିଲେ। ଏହି ଇନିଂସରେ ମୋଟ ୧୦ ଚୌକା ଏବଂ ୧୦ ଛକା ଥିଲା। ତାଙ୍କ ଆଇପିଏଲ କ୍ୟାରିୟରରେ ଅଭିଷେକ ଶର୍ମା ୯୧ ମ୍ୟାଚରୁ ମୋଟ ୨,୩୭୯ ରନ ସଂଗ୍ରହ କରିଛନ୍ତି।
୭. ବିରାଟ କୋହଲି (ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ)
ଆଇପିଏଲରେ ବିରାଟ କୋହଲି କୋଲକାତା ନାଇଟ ରାଇଡର୍ସ ବିପକ୍ଷରେ ତାଙ୍କର ଶତକ ପୂରଣ କରିଥିଲେ। ବିରାଟ କୋହଲି ୧୭୫ ଷ୍ଟ୍ରାଇକ ରେଟରେ ୬୦ ବଲ ରୁ ୧୦୫ ରନ କରିଥିଲେ। ଏହି ଇନିଂସରେ ୧୧ ଚୌକା ଏବଂ ୩ ଛକା ସାମିଲ ଥିଲା। ଆଇପିଏଲରେ, ବିରାଟ କୋହଲି ୨୮୧ ମ୍ୟାଚରୁ ମୋଟ ୯,୨୧୮ ରନ କରିଛନ୍ତି।
୮. ସାଇ ସୁଦର୍ଶନ (ଗୁଜରାଟ ଟାଇଟାନ୍ସ)
ଆଇପିଏଲରେ, ସାଇ ସୁଦର୍ଶନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିପକ୍ଷରେ ୫୮ ବଲ ରୁ ୧୦୦ ରନ କରିଥିଲେ। ଏହି ଇନିଂସରେ ମୋଟ ୧୧ ଚୌକା ଏବଂ ୫ ଛକା ଥିଲା। ତାଙ୍କ IPL କ୍ୟାରିୟରରେ, ସାଇ ସୁଦର୍ଶନ ୫୪ଟି ମ୍ୟାଚରେ ମୋଟ ୨,୪୩୧ ରନ କରିଛନ୍ତି। ସାଇ ସୁଦର୍ଶନ ୨୦୨୬ ଟି-୨୦ ସିଜିନ ପାଇଁ ଅରେଞ୍ଜ କ୍ୟାପ ମଧ୍ୟ ରଖିଛନ୍ତି।
୯. କେଏଲ ରାହୁଲ (ଦିଲ୍ଲୀ କ୍ୟାପିଟାଲ୍ସ)
ଆଇପିଏଲରେ କେଏଲ ରାହୁଲ ପଞ୍ଜାବ କିଙ୍ଗସ ବିପକ୍ଷରେ ଅପରାଜିତ ଶତକ ହାସଲ କରିଥିଲେ। କେଏଲ ରାହୁଲ ମାତ୍ର ୬୭ ବଲରେ ୧୫୨ ରନ ପୂରଣ କରିଥିଲେ। ଏହି ଇନିଂସ ଥିରେ ମୋଟ ୧୬ ଚୌକା ଏବଂ ୯ ଛକା ସାମିଲ ଥିଲା। ତାଙ୍କ ଆଇପିଏଲ କ୍ୟାରିୟରରେ, କେଏଲ ରାହୁଲ ୧୫୯ ମ୍ୟାଚରେ ମୋଟ ୫,୮୧୫ ରନ ସଂଗ୍ରହ କରିଛନ୍ତି।
୧୦. ବୈଭବ ସୂର୍ଯ୍ୟବଂଶୀ (ରାଜସ୍ଥାନ ରୟାଲ୍ସ)
ଆଇପିଏଲରେ ବୈଭବ ସୂର୍ଯ୍ୟବଂଶୀ କେବଳ ୩୮ ବଲରେ ଗୁଜରାଟ ଟାଇଟାନ୍ସ ବିପକ୍ଷରେ ୧୦୧ ରନ୍ର ଇନିଂସ ଖେଲିଥିଲେ। ଏହି ଇନିଂସରେ ୧୧ ଛକା ଏବଂ ୭ ଚୌକା ଥିଲା। ତାଙ୍କ IPL କ୍ୟାରିୟରରେ, ବୈଭବ ସୂର୍ଯ୍ୟବଂଶୀ ୨୧ ଇନିଂସରେ ମୋଟ ୮୩୫ ରନ କରିଛନ୍ତି।
