ନୂଆଦିଲ୍ଲୀ,୨୭ା୫: ଯାନ୍ତ୍ରିକ ତ୍ରୁଟି ପାଇଁ ଅଧାରୁ ଫେରିଆସିଲା ଏୟାର ଇଣ୍ଡିଆ ବିମାନ। ସାନ ଫ୍ରାନ୍ସିସ୍କୋ ଯାଉଥିଲା ବେଳେ ଫେରି ଆସିଲା। ୩ ଘଣ୍ଟା ଉଡ଼ାଣ କରି ସାରି ଷ୍ଟାଣ୍ଡାର୍ଡ ସେଫ୍ଟି ପ୍ରୋଟୋକଲ ପାଇଁ ଦିଲ୍ଲୀ ଫେରି ଆସିଲା। ବିମାନରେ ୨୩୦ ଯାତ୍ରୀ ଥିବାବେବେଳେ ସମସ୍ତେ ସୁରକ୍ଷିତ ଅଛନ୍ତି। ଏନେଇ ଦୁଃଖ ପ୍ରକାଶ କରିଛି ଏୟାର ଇଣ୍ଡିଆ। ଯାତ୍ରୀମାନଙ୍କ ପାଇଁ ବିକଳ୍ପ ବ୍ୟବସ୍ଥା କରୁଥିବା ସୂଚନା ମିଳିଛି।
ଚାଇନା ଏୟାରସ୍ପେସ୍ରେ ଥିବା ସମୟରେ ତିନି ଘଣ୍ଟାରୁ ଅଧିକ ସମୟ ପାଇଁ ଉଡ଼ାଣ କରିବା ପରେ ବିମାନଟି ଦିଲ୍ଲୀ ଫେରିଆସିଥିଲା।
ଯାତ୍ରୀମାନଙ୍କୁ ହୋଇଥିବା ଅସୁବିଧା ପାଇଁ ଦୁଃଖ ପ୍ରକାଶ କରି, ଏୟାରଇଣ୍ଡିଆ କହିଛି ଯେ, ସେମାନଙ୍କୁ ଯଥାଶୀଘ୍ର ସେମାନଙ୍କ ଗନ୍ତବ୍ୟସ୍ଥଳରେ ପହଞ୍ଚାଇବା ପାଇଁ ବିକଳ୍ପ ବ୍ୟବସ୍ଥା କରୁଛନ୍ତି।
ଯାତ୍ରୀମାନଙ୍କୁ ସମସ୍ତ ଆବଶ୍ୟକୀୟ ସହାୟତା ପ୍ରଦାନ କରୁଛନ୍ତି, ଯେଉଁଥିରେ ଜଳପାନ, ହୋଟେଲ ରହଣି କିମ୍ବା ଯାତ୍ରୀମାନେ ସେମାନଙ୍କ ଇଚ୍ଛା ଅନୁଯାୟୀ ସମସ୍ତ ବ୍ୟବସ୍ଥା କରାଯାଇଥିବା ଏୟାରଲାଇନ୍ସ କହିଛି।
ସୂଚନା ଥାଉକି, ଗତ ସପ୍ତାହରେ ମେ’ ୨୧ରେ, ବେଙ୍ଗାଲୁରୁରୁ ଦିଲ୍ଲୀ ଯାଉଥିବା ଏକ ଏୟାର ଇଣ୍ଡିଆ ବିମାନ ଦିଲ୍ଲୀ ବିମାନବନ୍ଦରରେ ଅବତରଣ କରିବା ପରେ ଇଞ୍ଜିନରେ ନିଆଁ ଲାଗିଥିଲା। ଏୟାର ଇଣ୍ଡିଆ ମେ’ ୨୧ରେ X ରେ ରିପୋର୍ଟ କରିଥିଲା, ବିମାନର ଦିଲ୍ଲୀ ଅଭିମୁଖେ ଯିବା ସମୟରେ, କକପିଟ୍ କ୍ରୁ ଇଞ୍ଜିନରେ ନିଆଁ ଲାଗିବାର ସିଗ୍ନାଲ ପାଇଥିଲେ। ପରେ ସିଗ୍ନାଲ ସତ୍ୟ ବୋଲି ନିଶ୍ଚିତ କରାଯାଇଥିଲା। ବିମାନକୁ ଦିଲ୍ଲୀ ବିମାନବନ୍ଦରରେ ସୁରକ୍ଷିତ ଭାବରେ ଅବତରଣ କରାଯାଇଥିଲା।
