ୱାଶିଂଟନ,୧୩ ।୩: ଆମେରିକା କାଲିଫର୍ନିଆ ସେଣ୍ଟ ଡିଏଗୋ କାଉଣ୍ଟିର ବ୍ଲାକ ବିଚ ଉପକୂଳରେ ଏକ ଡଙ୍ଗା ଓଲଟି ଯିବାରୁ ୮ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ସିଏନଏନ ପକ୍ଷରୁ ଅଧିକାରୀଙ୍କ ପକ୍ଷରୁ ମିଳିଥିବା ସୂଚନା ଆଧାରରେ ଏହା କହିଛି । ଏହି ଘଟଣା ରବିବାର ପ୍ରାୟ ୧୧ଟା ୩୦ରେ ହୋଇଛି ।
ଘଟଣାସ୍ଥଳରେ ଏକ ମାଛଧରା ଡଙ୍ଗାରେ ଥିବା ଜଣେ ବ୍ୟକ୍ତି ୯୧୧କୁ କଲ କରି ଏହି ସୂଚନା ଦେଇଥିଲେ । ଏହି ଖବର ମିଳିବା ପରେ ସ୍ୟାନ ଡିଏଗୋ ଫାୟାର ରେସକ୍ୟୁ ଡିପାର୍ଟମେଣ୍ଟର ଟିମ ଘଟଣାସ୍ଥଳରେ ପହଞ୍ଚିଥିଲେ । ପ୍ରଥମେ ଉଦ୍ଧାରକାରୀ ଦଳ ଉଚ୍ଚ ଜୁଆର କାରଣରୁ ସମୁଦ୍ର କୂଳରେ ପହଞ୍ଚିବାକୁ ଅସୁବିଧାର ସମ୍ମୁଖୀନ ହୋଇଥିଲେ । ପରେ ଏମାନେ ଓଲଟି ଯାଇଥିବା ଡଙ୍ଗା ନିକଟରେ ପହଞ୍ଚିଯାଇଥିଲେ । ପ୍ରଥମେ ଏମାନେ ୭ଟି ମୃତଦେହ ଉଦ୍ଧାର କରିଥିବା ବେଳେ ପରେ ଅନ୍ୟ ଜଣଙ୍କ ମୃତଦେହ ମିଳିଥିଲା ।
