ଇସଲାମାବାଦ, ୨୬।୯ : ପାକିସ୍ତାନରେ ଏକ ବଡ଼ ଦୁର୍ଘଟଣା ଘଟିଛି। ବାଲୁଚିସ୍ତାନରେ ଏକ ସୈନ୍ୟବାହିନୀ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଜିଓ ନ୍ୟୁଜ ରିପୋର୍ଟ ଅନୁଯାୟୀ, ଏହି ଦୁର୍ଘଟଣାରେ ଦୁଇ ସେନା ମେଜରଙ୍କ ସମେତ ୬ଜଣଙ୍କ ମୃତ୍ୟୁ ଘଟିଛି।
ରବିବାର ବିଳମ୍ବିତ ରାତିରେ ହର୍ନାଇ ଜିଲାର ଖୋସ୍ତ ସହର ନିକଟରେ ଏହି ଦୁର୍ଘଟଣା ଘଟିଛି। ରିପୋର୍ଟ ଅନୁଯାୟୀ, ହେଲିକପ୍ଟରର ଦୁଇଜଣ ପାଇଲଟ ନିଜ ଜୀବନ ରକ୍ଷା କରିବାରେ ସଫଳ ହୋଇଛନ୍ତି।
ଏହି ଦୁର୍ଘଟଣାରେ ମେଜର ଖୁରାମ ଶାହାଜାଦ, ମେଜର ମହମ୍ମଦ ମୁନିବ ଆଫଜାଲଙ୍କ ମୃତ୍ୟୁ ଘଟିଛି। ଏହା ବ୍ୟତୀତ ମୃତକଙ୍କ ମଧ୍ୟରେ ସୁବେଦାର ଅବଦୁଲ ୱାହିଦ, କନଷ୍ଟେବଳ ମହମ୍ମଦ ଇମ୍ରାନ ଖାନ, ନାୟକ ଜଲିଲ ଏବଂ କନଷ୍ଟେବଳ ଶୋଏବ ମଧ୍ୟ ଅଛନ୍ତି।
