ବଦଳୁଛି ଫ୍ୟାଶନ୍ର ପରିଭାଷା। ପ୍ରତିଦିନ ଆସୁଛି ନୂଆ ନୂଆ ଫ୍ୟାଶନ। ବେଳେବେଳେ ତ ଫ୍ୟାଶନ ନାଁରେ ଏଭଳି ପୋଷାକ ସବୁ ଆସୁଛି ଯାହା ଲାଗେ ବେଶ୍ ଅଜବ। ନିକଟରେ ଏକ ଜିନ୍ ପ୍ୟାଣ୍ଟର ଫଟୋ ଭାଇରାଲ ହେବାରେ ଲାଗିଛି। ଯାହାକୁ ଦେଖି ଯେକେହିବି ନିଜ ହସକୁ ଅଟକାଇ ପାରିବେ ନାହିଁ। କାରଣ ଉକ୍ତ ଜିନ୍ସ ପ୍ୟାଣ୍ଟକୁ ଓଲଟା ପିନ୍ଧା ଯାଇଥାଏ। ଅନେକେ ଭୁଲ୍ବଶତଃ ବେଳେ ବେଳେ ଓଲଟା ସାର୍ଟ ପ୍ୟାଣ୍ଟ ପିନ୍ଧି ଦେଇଥାଆନ୍ତି। ହେଲେ ଏବେ ଏହି ଓଲଟା ପିନ୍ଧିବା ଫ୍ୟାଶନ୍ ପାଲଟିଛି। ଆସିଛି ଏମିତି ଏକ ଜିନ୍ସ ପ୍ୟାଣ୍ଟ, ଯାହାକୁ ଓଲଟାଭାବେ ତିଆରି କରାଯାଇଛି। ଏହାର ଭିତର ପକେଟ ଓ ସିଲେଇ ବାହାର ପଟକୁ ରହିଛି। ହଠାତ୍ ଦେଖିଲେ ଯିଏ ବି ଭାବିବେ ବୋଧହୁଏ ଭୁଲ୍ରେ ଓଲଟା ପିନ୍ଧି ଆସିଥିବେ ବୋଲି। ତେବେ ଫ୍ୟାଶନ୍ରେ ଆଗକୁ ଆାଉ କ’ଣ ସବୁ ଅଜବ ଆସୁଛି ଦେଖିବାକୁ ବାକିରହିଲା।
