ଭୁବନେଶ୍ୱର,୨୩।୮: ଭାରତୀୟ ଷ୍ଟେଟ ବ୍ୟାଙ୍କ (ଏସ୍ବିଆଇ)ର ମୁଖ୍ୟ ମହାପ୍ରବନ୍ଧକ (ସିଜିଏମ୍) ଚନ୍ଦ୍ରଶେଖର ଶର୍ମା ନିକଟରେ ଟାଙ୍ଗୀସ୍ଥିତ ଡ୍ରିମ୍ସ ଶିକ୍ଷାନୁଷ୍ଠାନ ସମୂହକୁ ସୌଜନ୍ୟମୂଳକ ପରିଦର୍ଶନରେ ଆସିଥିଲେ। ସେ ଶିକ୍ଷାନୁଷ୍ଠାନର ବିଭିନ୍ନ ବିଭାଗ ବିଶେଷ କରି ଇଂଜିନିୟରିଂ, ମ୍ୟାନେଜମେଣ୍ଟ ଉଇଙ୍ଗ, କେନ୍ଦ୍ରୀୟ ପାଠାଗାର, ମୁଖ୍ୟ ପ୍ରଶାସନିକ କାର୍ଯ୍ୟାଳୟ, ସ୍ପୋର୍ଟସ୍ କମ୍ପ୍ଲେକ୍ସ, କ୍ରିକେଟ ଷ୍ଟାଡିୟମ୍ ଓ ପଦ୍ମିନୀ କେୟାର ହସ୍ପିଟାଲ ଆଦି ବୁଲି ଦେଖିବା ସହ ଏଠାକାର ଶିକ୍ଷାଦାନ ଏବଂ ଉପଲବ୍ଧ ଅତ୍ୟାଧୁନିକ ଚିକିତ୍ସା ବ୍ୟବସ୍ଥା ସମ୍ପର୍କରେ ପଚାରି ବୁଝିଥିଲେ। ତାଙ୍କ ସହ ଉପ ମହାପ୍ରବନ୍ଧକ ସଞ୍ଜୟ ଝା, ଆଞ୍ଚଳିକ ପ୍ରବନ୍ଧକ ପ୍ରଣତି ଶତପଥୀ ଏବଂ ଅନ୍ୟ ଅଧିକାରୀମାନେ ଆସିଥିଲେ। ଡ୍ରିମ୍ସ ଶିକ୍ଷାନୁଷ୍ଠାନ ସମୂହର ଅଧ୍ୟକ୍ଷ ଡ. ପ୍ରମୋଦ ଚନ୍ଦ୍ର ରଥ, ପ୍ରଶାସନିକ ନିର୍ଦ୍ଦେଶକ ବଳରାମ କର ସେମାନଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିବା ସହ ଶିକ୍ଷାନୁଷ୍ଠାନର ଅଗ୍ରଗତି ଓ ଆଭିମୁଖ୍ୟ ସମ୍ପର୍କରେ ଅବଗତ କରାଇବା ସହ ବିସ୍ତୃତ ଆଲୋଚନା ମଧ୍ୟ କରିଥିଲେ। ଏହି ଅବସରରେ ଅନୁଷ୍ଠାନର ରେଜିଷ୍ଟ୍ରାର କଲ୍ୟାଣ କୁମାର ସାହୁ, ଡିନ୍ ଡ. ଦୀପକ କୁମାର ଭଟ୍ଟାଚାର୍ଯ୍ୟ, ‘ପହ୍ମିନୀ କେୟାର’ର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଡା. ଜ୍ୟୋତିପ୍ରକାଶ ପରିଜା, କ୍ରୀଡ଼ା ନିର୍ଦ୍ଦେଶକ ନବକିଶୋର ମିଶ୍ର, ଚାର୍ଟାର୍ଡ ଆକାଉଣ୍ଟାଣ୍ଟ ରମେଶ ପ୍ରତାପ, ସଚିବ ଚନ୍ଦ୍ରକାନ୍ତ ପଣ୍ଡା, ପ୍ରାଣବନ୍ଧୁ ନାୟକ, ପ୍ରଶାସନିକ ଅଧିକାରୀ ଆଶୁତୋଷ ଦ୍ୱିବେଦୀ, ବିତ୍ତ ଅଧିକାରୀ ଶିବ ପ୍ରସାଦ ରାଉତ, ପ୍ରସନ୍ନ କୁମାର ସାହୁ, ମୃତ୍ୟୁଞ୍ଜୟ ପରିଡାଙ୍କ ସମେତ ଅନ୍ୟ ପଦାଧିକାରୀ ମଧ୍ୟ ଉପସ୍ଥିତ ଥିଲେ। ‘ଡ୍ରିମ୍ସ ପରିବାର’ ପକ୍ଷରୁ ଅତିଥିଙ୍କୁ ଉପଢୌକନ ସହ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା।
