ଭୋପାଳ, ୨୧।୫ : ଦେଶରେ ମଧ୍ୟପ୍ରଦେଶର ନିମଚରେ ଭିଡ଼ ହିଂସା ମାମଲାରେ କଂଗ୍ରେସ ଭାଜପା ମୁହାଁମୁହିଁ ହୋଇଛନ୍ତି। ଏଠାରେ ଜଣେ ବୃଦ୍ଧଙ୍କୁ କିଛି ଲୋକ ପିଟିପିଟି ହତ୍ୟା କରିଛନ୍ତି। କୁହାଯାଉଛି ଯେ ବୃଦ୍ଧ ଜଣଙ୍କୁ ମୁସଲମାନ ଭାବି ମାଡ ଦିଆଯାଇଥିଲା, କିନ୍ତୁ ପରେ ଜଣାପଡ଼ିଥିଲା ଯେ ତାଙ୍କ ନାମ ଭଓ୍ବଁରଲାଲ ଜୈନ। ଏନେଇ ଅଭିଯୋଗ ଭାଜପା ନେତାଙ୍କ ଉପରେ ଅଣାଯାଇଛିି। ଏହି ଘଟଣାର ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି।
ମୁଖ୍ୟ ଅଭିଯୁକ୍ତ ଭାଜପା ନେତା ଦୀନେଶ କୁଶୱା ବୋଲି କୁହାଯାଉଛି। ମନାସା ଭାଜପା ମଣ୍ଡଳର ଅଧ୍ୟକ୍ଷ ମୁକେଶ ଡାଙ୍ଗିଙ୍କ ଅନୁଯାୟୀ ଅଭିଯୁକ୍ତ ହେଉଛନ୍ତି ନଗର ପରିଷଦର ପୂର୍ବତନ କାଉନସିଲର ବିନା କୁଶୱାହଙ୍କ ସ୍ବାମୀ। ସେ ବର୍ତ୍ତମାନ ଭାଜପା ସଂଗଠନରେ କୌଣସି ପଦବୀରେ ନାହାଁନ୍ତି।
ଏହି ପ୍ରସଙ୍ଗରେ ପୋଲିସ ଏବେ ବି ନୀରବ ରହିଛି। ଏହା କୁହାଯାଉଛି ଯେ ଘଟଣାରେ ଅଭିଯୁକ୍ତମାନେ ପଳାଉଛନ୍ତି। ଏହାର ତଦନ୍ତ ଚାଲିଛି। ମଧ୍ୟପ୍ରଦେଶର ଶିବରାଜ ସିଂ ଚୌହ୍ବାନ ସରକାର ବର୍ତ୍ତମାନ ଏହି ଘଟଣାରେ ବିରୋଧୀଙ୍କ ଟାର୍ଗେଟରେ ରହିଛନ୍ତି।
ଏହି ଘଟଣାରେ କଂଗ୍ରେସ ରାଜ୍ୟ ସରକାରଙ୍କୁ ତୀବ୍ର ଆକ୍ରମଣ କରିଛି। ଏହି ଘଟଣାରେ କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ କହିଛନ୍ତି ଯେ ରାଜ୍ୟରେ କଣ ଘଟୁଛି ତାହା ସରକାର ଜାଣିବାକୁ ଚେଷ୍ଟା କରୁ ନାହାନ୍ତି। ରାଜ୍ୟର ଆଇନ ଶୃଙ୍ଖଳା ବିପର୍ଯ୍ୟସ୍ତ ହୋଇପଡ଼ିଛି। ଆଉ କେତେ ଦିନ ପର୍ଯ୍ୟନ୍ତ ଏହିପରି ହତ୍ୟା ଜାରି ରହିବ। ଅପରାଧୀମାନେ କାହିଁକି ଏପରି କରୁଛନ୍ତି? କେବଳ ସରକାରୀ କାର୍ଯ୍ୟକ୍ରମ ଉପରେ ସରକାରଙ୍କ ଧ୍ୟାନ ରହିଛି ବୋଲି କମଲନାଥ ଟୁଇଟ୍ କରି ଅଭିଯୋଗ କରିଛନ୍ତି।
ଏହି ଘଟଣାରେ କଂଗ୍ରେସ ନେତା ଜିତୁ ପାଟୱାରୀ କହିଛନ୍ତି ଯେ ନିମଚ ଘଟଣାରେ କଂଗ୍ରେସ ନେତା ଜିତୁ ପାଟୱାରୀ କହିଛନ୍ତି ଯେ ମୁସଲମାନ ସନ୍ଦେହରେ ଭାଜପା ଲୋକ କାହାକୁ କାହିଁକି ହତ୍ୟା କରିବେ। ଏହି ଘଟଣାର ଅନୁସନ୍ଧାନ କରାଯିବା ଉଚିତ ଏବଂ ସମ୍ପୃକ୍ତ ଲୋକଙ୍କ ବିରୋଧରେ ମାମଲା ପଞ୍ଜିକୃତ ହେବା ଉଚିତ। କାରଣ ସୋସିଆଲ ମିଡ଼ିଆ ଭିଡିଓରେ ବହୁ ଲୋକଙ୍କୁ ଦେଖିବାକୁ ମିଳୁଛି। ସେମାନଙ୍କୁ ଗିରଫ କରାଯିବା ଆବଶ୍ୟକ।
ମଧ୍ୟପ୍ରଦେଶ ଗୃହମନ୍ତ୍ରୀ ନରୋତ୍ତମ ମିଶ୍ର ଏହି ପ୍ରସଙ୍ଗରେ ଏକ ବିବୃତ୍ତି ଦେଇଛନ୍ତି। ଏଥିରେ ସେ କହିଛନ୍ତି ଯେ ମୃତକ ଜଣେ ବୃଦ୍ଧ ବ୍ୟକ୍ତି ଏବଂ ସେ ମାନସିକ ସ୍ତରରେ ମଧ୍ୟ ଅସୁସ୍ଥ ଥିଲେ। ସେ ଏଠାରେ ବୁଲାବୁଲି କରିଥିଲେ ଏବଂ ନିଜର ପରିଚୟକୁ ସଠିକ ଭାବରେ କହିପାରିନଥିଲେ। ସେ କହିଛନ୍ତି ଯେ ଘଟଣାର ଅଭିଯୁକ୍ତଙ୍କୁ ଚିହ୍ନଟ କରାଯାଇଛି ଏବଂ ଅନେକ ବିଭାଗ ଅଧୀନରେ ଏକ ମାମଲା ରୁଜୁ ହୋଇଛି। ଆମେ ପୀଡିତାଙ୍କ ପରିବାର ସହିତ ନିରନ୍ତର ସମ୍ପର୍କରେ ରହିଛୁ ଏବଂ ଅପରାଧୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ସୋସିଆଲ ମିଡ଼ିଆ ଭିଡ଼ିଓରେ ଦେଖିବାକୁ ମିଳୁଛି ଯେ, ମଧ୍ୟପ୍ରଦେଶର ନିମଚରେ ଜଣେ ବୃଦ୍ଧ ଯିଏକି ମାନସିକ ସ୍ତରରେ ଅସୁସ୍ଥ ତାଙ୍କୁ କିଛି ଲୋକ ପିଟିବା ଆରମ୍ଭ କରୁଛନ୍ତି। ତାଙ୍କୁ ପଚରାଯାଇଥିଲା କି ତୁମେ ଜଣେ ମୁସଲମାନ, ଏହା ଉପରେ ବୃଦ୍ଧ ଜଣକ ନିବେଦନ କରୁଥିବା ଦେଖାଯାଇଥିଲା। କିନ୍ତୁ ଏହି ଲୋକମାନେ ତାଙ୍କୁ କ୍ରମାଗତ ଭାବରେ ପିଟୁଥିଲେ। କୁହାଯାଇଛି ଯେ ଅଭିଯୁକ୍ତଙ୍କୁ ମଧ୍ୟ ତାଙ୍କର ଆଧାର କାର୍ଡ ଦେଖାଇଥିଲେ। ଏହା ପରେ ବୃଦ୍ଧ ଜଣକ ଗୁରୁତର ଆହତ ହୋଇଥିଲେ ଏବଂ ମାଡ କାରଣରୁ ତାଙ୍କର ମୃତ୍ୟୁ ହୋଇଥିଲା। ପୋଲିସ ଏହି ମାମଲାରେ ଅଭିଯୁକ୍ତକୁ ଚିହ୍ନଟ କରି ହତ୍ୟା ମାମଲା ରୁଜୁ କରିଛି।
