ଚେନ୍ନାଇ, ୨୦।୪ : ଅମିତାଭ ବଚ୍ଚନଙ୍କ ସୁପର ହିଟ ଫିଲ୍ମ ନ୍ ‘ଅନ୍ଧା କାନୁନ’ ଏବଂ ହିନ୍ଦୀ ସିନେମାର ପ୍ରସିଦ୍ଧ ବାୟୋପିକ ‘ନାଚେ ମାୟୁରୀ’ ନିର୍ମାଣ କରିଥିବା ନିର୍ଦ୍ଦେଶକ ଟି ରାମା ରାଓଙ୍କ ଚେନ୍ନାଇଠାରେ ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୮୪ ବର୍ଷ ବୟସ ହୋଇଥିଲା। ସେ ବାର୍ଦ୍ଧକ୍ୟ ଜନିତ ସମସ୍ୟାରେ ପୀଡ଼ିତ ଥିଲେ।
ଅସୁସ୍ଥତା ଯୋଗୁୁ ତାଙ୍କୁ ଚେନ୍ନାଇର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ବୁଧବାର ସକାଳେ ତାଙ୍କର ମୃତ୍ୟୁ ଘଟିଛି। ତାଙ୍କ ପରିବାର ସଦସ୍ୟଙ୍କ ପକ୍ଷରୁ ଏସମ୍ପର୍କରେ ସୂଚନା ପ୍ରଦାନ କରାଯାଇଛି। ବୁଧବାର ସାରେ ଚେନ୍ନାଇରେ ଟି ରାମା ରାଓଙ୍କର ଅନ୍ତିମ ସଂସ୍କାର କରାଯିବ।
୧୯୬୬ ରୁ ୨୦୦୦ମଧ୍ୟରେ ଟି ରାମା ରାଓ ବହୁ ହିନ୍ଦୀ ଏବଂ ତେଲୁଗୁ ଚଳଚ୍ଚିତ୍ରରେ ନିର୍ଦ୍ଦେଶନା ଦେଇଥିଲେ। ସେ ୧୯୫୦ ଦଶକର ଶେଷ ଭାଗରେ ତାଙ୍କ ସମ୍ପର୍କୀୟ ଭାଇ ଟାଟିନେନି ପ୍ରକାଶ ରାଓ ଏବଂ କୋଟାୟା ପ୍ରତୀକମାଙ୍କ ସହକାରୀ ନିର୍ଦ୍ଦେଶକ ଭାବରେ ତାଙ୍କର କ୍ୟାରିଅର୍ ଆରମ୍ଭ କରିଥିଲେ।
୧୯୭୭ରେ ବ୍ଲକବଷ୍ଟର ‘ୟାମାଗୋଲା’ର ନିର୍ଦ୍ଦେଶନା ସେ ଦେଇଥିଲେ। ଏଥିରେ ଜୟପ୍ରଦା ଅଭିନୟ କରିଥିଲେ।ତାଙ୍କର ଅନ୍ୟ ଲୋକପ୍ରିୟ ତେଲୁଗୁ ଚଳଚ୍ଚିତ୍ରଗୁଡ଼ିକ ମଧ୍ୟରେ ‘ଜୀୱାନ ତରଙ୍ଗଲ’, ‘ଅନୁରାଗ ଦେବତା’ ଏବଂ ‘ପାଚାନି କାପୁରମ’ ଅନ୍ତର୍ଭୁକ୍ତ। ସେ୧୯୩୮ରେ ଆନ୍ଧ୍ରପଦେଶର ଜିଷ୍ଣା ଜିଲାର କପିଳେଶ୍ୱରପୁରମ୍ଠାରେ ଜନ୍ମ ଗ୍ରହଣ କରିଥିଲେ।
