ମୁମ୍ବାଇ, ୫।୪ : ଆଇପିଏଲ୍ ସିଜିନ୍ର ୧୫ତମ ସଂସ୍କରଣରେ ମଙ୍ଗଳବାର ରୟାଲ ଚ୍ୟାଲେଞ୍ଜର ବାଙ୍ଗାଲୋର୍(ଆର୍ସିବି) ରାଜସ୍ଥାନ ରୟାଲର୍ସ(ଆର୍ଆର୍) ଠାରୁ ୪ ୱିକେଟରେ ବିଜୟ ହାସଲ କରିଛି । ଧାର୍ଯ୍ୟ ଲକ୍ଷ୍ୟର ପିଛା କରି ଆରସିବି ୧୯.୧ ଓଭରରେ ୬ ୱିକେଟ ହରାଇ ୧୭୩ ରନ୍ କରିବାକୁ ସକ୍ଷମ ହୋଇଛି ।
ଆରସିବି ପକ୍ଷରୁ ଅଧିନାୟକ ଫପ୍ ଡୁ ପ୍ଲେସିସ୍ ୨୯ ବଲରେ ୨୦ ରନ ସଂଗ୍ରହ କରିଥିବାବେଳେ ଅନୁଜ ରାୱତ ୨୫ ବଲରେ ୨୬ ରନ କରିଥିଲେ । ସେହିପରି ଶାହାବାଜ୍ ଅହମ୍ମଦ ୨୬ ବଲରେ ୪୫ ରନ ସଂଗ୍ରହ କରିଥିଲେ । ଦିନେଶ ୨୩ ବଲରେ ୪୪ ରନ୍ କରି ଅପରାଜିତ ରହିଥିଲେ ।
ଆର୍ଆର୍ ଅଧିନାୟକ ସଞ୍ଜୁ ସାମସନଙ୍କ ନେତୃତ୍ୱରେ ତାଙ୍କ ଦଳ ବ୍ୟାଟିଂ ଆରମ୍ଭ କରି ନିର୍ଦ୍ଧାରିତ ୨୦ ଓଭରରେ ୩ ଓ୍ବିକେଟ ହରାଇ ୧୬୯ ରନ୍ ସଂଗ୍ରହ କରିଥିଲେ। ଆର୍ସିବି ପାଇଁ ବିଜୟ ଲକ୍ଷ୍ୟ ୧୭୦ ରନ୍ ରହିଥିଲ। ।
ଆର୍ଆର୍ ପକ୍ଷରୁ ଜୋସ୍ ବଟଲର ୪୭ ବଲ୍ରେ ଅପରାଜିତ ୭୦ ରନ୍ କରିଥିଲେ। ସେହିପରି ସିମରନ୍ ହେଟମେୟର ୩୧ ବଲ୍ରେ ୪୨ ରନ୍ ଏବଂ ଦେବଦତ୍ତ ପାଦିକ୍କଲ ୨୯ ବଲ୍ରେ ୩୭ ରନ୍ ସଂଗ୍ରହ କରିଥିଲେ।
