କୋଲକତା,୨୭।୧୦: ପଶ୍ଚିମବଙ୍ଗର ପୂର୍ବତନ ମୁଖ୍ୟ ଶାସନ ସଚିବ ଆଲାପାନ ବନ୍ଦୋପାଧ୍ୟାୟଙ୍କ ସ୍ତ୍ରୀ ସୋନାଲି ଚକ୍ରବର୍ତ୍ତୀଙ୍କୁ ଧମକପୂର୍ଣ୍ଣ ଚିଠି ଆସିଛି। ଚିଠିରେ ସୋନାଲିଙ୍କୁ ଧମକ ଦିଆଯାଇ କୁହାଯାଇଛି ମ୍ୟାଡାମ, ତୁମ ସ୍ବାମୀଙ୍କୁ ହତ୍ୟା କରାଯିବ, କେହି ତାଙ୍କ ଜୀବନ ରକ୍ଷା କରିପାରିବ ନାହିଁ। ଏହି ଚିଠି ଆସିବା ପରେ ପଶ୍ଚିମବଙ୍ଗର ପୋଲିସ ବିଭାଗରେ ଆଲୋଡ଼ନ ସୃଷ୍ଟି ହୋଇଛି। ସୋନାଲି ଚକ୍ରବର୍ତ୍ତୀଙ୍କ ପକ୍ଷରୁ ଏହି ମାମଲାରେ କୋଲକାତା ପୋଲିସ ନିକଟରେ ଅଭିଯୋଗ ହୋଇଛି। ଚିଠିର ପ୍ରେରକଙ୍କୁ ଖୋଜୁଥିବା ପୋଲିସ କହିଛି। ବିଶେଷ କଥା ହେଉଛି ଆଲାପାନ ଏବେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମୁଖ୍ୟ ପରାମର୍ଶଦାତା। ଏଥି ସହିତ ତାଙ୍କ ସୋନାଲି କୋଲକାତା ବିଶ୍ୱବିଦ୍ୟାଳୟର କୁଳପତି ଅଛନ୍ତି।
ଆଲାପାନ ବନ୍ଦୋପାଧ୍ୟାୟ ଜଣେ ୧୯୮୭ ବ୍ୟାଚ ଆଇଏଏସ୍ ଅଧିକାରୀ। ମୁଖ୍ୟ ଶାସନ ସଚିବ ଥିବା ସମୟରେ ରୁଲ୍ ବୁକ୍ ଯୋଗୁ ଅନେକ ସମୟରେ ଆଲାପନ ଚର୍ଚ୍ଚାକୁ ଆସିଥିଲେ। କରୋନା ମହାମାରୀ ସମୟରେ କେନ୍ଦ୍ର ସରକାର ଏବଂ ରାଜ୍ୟ ସରକାରଙ୍କ ମଧ୍ୟରେ ଆଲାପନଙ୍କୁ ନେଇ ବେଶ୍ ଆଲୋଚନା ହୋଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପଶ୍ଚିମବଙ୍ଗ ଗସ୍ତ ସମୟରେ ବୈଠକରେ ବିଳମ୍ବ ପହଞ୍ଚିଥିବାରୁ ଆଲାପନଙ୍କୁ ନୋଟିସ ଜାରି କରାଯାଇଥିଲା।
