ପାଟଣା,୫ା୯(ସ୍ବ.ପ୍ର.): କେନ୍ଦୁଝର ଜିଲା ପାଟଣା ମୁଖ୍ୟାଳୟ ବଜାର ଉପରେ ଥିବା ଏକ ଦୋକାନରୁ ଚୋରି ଉଦ୍ୟମ ହୋଇଛି। ଚିରଞ୍ଜୀବ ଦାଶଙ୍କ ଜେରକ୍ସ ଭେରାଇଟି ଷ୍ଟୋରରୁ ଶନିବାର ବିଳମ୍ବିତ ରାତିରେ ଦୁର୍ବୃତ୍ତମାନେ ତାଲା କାଟି ଚୋରି ଉଦ୍ୟମ କରୁଥିବା ସମୟରେ ରାସ୍ତାରେ ଯାଉଥିବା କିଛି ଯୁବକ ଦେଖିଥିଲେ। ତେଣୁ ଘଟଣାସ୍ଥଳରୁ ଚୋରମାନେ ବାଇକ୍ ଛାଡି ଫେରାର ହୋଇ ଯାଇଥିଲେ। ଖବରପାଇ ପାଟଣା ପୋଲିସ ପହଞ୍ଚତ୍ ବାଇକକୁ ଜବତ କରି ତଦନ୍ତ ଜାରି ରଖିଛି। ଅନୁରୂପଭାବେ ସେହି ଶନିବାର ରାତିରେ ତୁରୁମୁଙ୍ଗା ଥାନା ଖିରେଇଟାଙ୍ଗିରି ସ୍ବାସ୍ଥ୍ୟକେନ୍ଦ୍ର ନିକଟରେ ଥିବା ପ୍ରଧାନମନ୍ତ୍ରୀ ଜନୌଷଧି କେନ୍ଦ୍ରର ଆଜ୍ବେଷ୍ଟସ ଭାଙ୍ଗି ଦୁର୍ବୃତ୍ତ ୫ ହଜାର ଟଙ୍କା ଚୋରି କରି ନେଇଛନ୍ତି। ଉଭୟ ପାଟଣା ଓ ତୁରୁମୁଙ୍ଗା ଥାନା ଅଞ୍ଚଳରେ ବର୍ତ୍ତମାନ ଚୋରି ଓ ଲୁଟ୍ ବୃଦ୍ଧି ପାଉଥିବାରୁ ଅଞ୍ଚଳବାସୀ ରାତି ପାଟ୍ରୋଲିଂ କରିବାକୁ ଦାବି କରିବା ସହ ଛକ ସ୍ଥାନରେ ସିସିଟିଭି ଲଗାଇବାକୁ ଦାବି କରିଛନ୍ତି।
