ବମ୍ବେ: ଦକ୍ଷିଣ ଭାରତୀୟ ଫିଲ୍ମର ସୁପରଷ୍ଟାର ନାଗାର୍ଜୁନଙ୍କ ଆଜି ହେଉଛି ହାପି ବର୍ଥ ଡେ। ୬୨ ବର୍ଷରେ ପଦାର୍ପଣ କରିଥିବା ଏହି ଅଭିନେତା ଅନେକ ବଲିଉଡ୍ ଫିଲ୍ମରେ ମଧ୍ୟ କାମ କରିଚନ୍ତି। ୧୯୯୨ରେ ରିଲିଜ ହୋଇଥିବା ଶ୍ରୀଦେବୀ-ଅମିତାଭ ବଚ୍ଚନଙ୍କ ଫିଲ୍ମ ‘ଖୁଦା ଗବାହ’ରେ ରେ ଡେବ୍ୟୁ କରିଥିଲେ। ହେଲେ ଏହା ପୂର୍ବରୁ ସେ ଦକ୍ଷିଣ ଭାରତୀୟ ସିନେମାଜଗତର ବଡ ନାମ ପାଲଟି ସାରିଥିଲେ।
ଅନେକ ସୁପରହିଟ୍ ଫିଲ୍ମରେ କାମ କରିଥିବା ନାଗାର୍ଜୁନଙ୍କ ବାପା ନାଗେଶ୍ୱର ରାଓ ଅକ୍କିନେନୀ ତେଲୁଗୁ ଫିଲ୍ମଜଗତର ବର୍ଷିଆନ କଳାକାର ଥିଲେ। ନାଗାର୍ଜୁନ ନିଜେ ଅଭିନେତା ସହ ଅନ୍ନପୂର୍ଣ୍ଣା ଷ୍ଟୁଡିଓର ମାଲିକ। ୭ ଏକର ଜାଗାରେ ତାଙ୍କର ଏହି ଷ୍ଟୁଡିଓ ରହିଛି। ଏହାଛଡ଼ା ଏନ୍ଏନ୍ଏନ୍ ରିୟାଲିଟି ଏଣ୍ଟରପ୍ରାଇଜର୍ସର ଫାଉଣ୍ଡିଂ ପାର୍ଟନର ମଧ୍ୟ ସେ। ବିଜ୍ଞାପନ, ଫିଲ୍ମ ଏବଂ ନିଜର କମ୍ପାନୀରୁ ବାର୍ଷିକ ୩୦ କୋଟିରୁ ଅଧିକ ରୋଜଗାର କରନ୍ତି ନାଗାର୍ଜୁନ। ମୋଟ ଉପରେ ଦେଖିଲେ ଅଭିନେତା ୮୫୦ କୋଟି ସମ୍ପତ୍ତିର ମାଲିକ।
ନାଗାର୍ଜୁନଙ୍କ ପାଖରେ ଭଳିକି ଭଳି ଦାମୀ କାର୍ ରହିଛି। ରେଞ୍ଜ ରୋଭରଠାରୁ ଆରମ୍ଭ କରି ଅଡି, ବିଏମ୍ଡବ୍ଲୁ, ମର୍ସଡିଜ୍ ଆଦି ରହିଛି। ସମ୍ପତ୍ତି ବିଷୟରେ କଥା ହେଲେ ହାଇଦ୍ରାବାଦର ଫିଲ୍ମ ନଗରରେ ଭବ୍ୟ ମହିଳା ରହିଛି ତାଙ୍କର। ଏହାର ମୂଲ୍ୟ ୪୦ କୋଟି ହେବ। ଆଗାମୀ ଦିନରେ ଏହି ନାୟକ ରଣବିର କପୁର-ଆଲିଆ ଭଟ୍ଟଙ୍କ ଫିଲ୍ମ ‘ବ୍ରହ୍ମାସ୍ତ୍ର’ରେ ନଜର ଆସିବେ।
