ମକର ରାଶିର ସ୍ବାମୀ ଗ୍ରହ ଶନି। ଏହା ତ୍ୟାଗ ଓ ବଳିଦାନର ରାଶି ବୋଲି କୁହାଯାଏ। ଶନି ଠିକ୍ ଥିବା ବେଳେ ଏହି ରାଶିର ବ୍ୟକ୍ତି ସଚ୍ଚୋଟ ଏବଂ ବିଶ୍ୱାସୀ ହୋଇଥାନ୍ତି। ହେଲେ ଶନି ଖରାପ ଚାଲିଲେ ଏହାର ଠିକ୍ ଓଲଟା ହୋଇଥାଏ। ଏହି ରାଶିର ମହିଳାଙ୍କ ବିଷୟରେ କଥା ହେଲେ ସେମାନେ ବହୁତ ସ୍ବାଭିମାନୀ, ସହନଶୀଳ, ଆତ୍ମନିର୍ଭର ଏବଂ ସାହସୀ ହୋଇଥାନ୍ତି। ହେଲେ ରାଗ ସବୁବେଳେ ଏମାନଙ୍କ ନାକରେ ରହିଥାଏ।
ଯେତେ ବି ଦୁଃଖ ଆସୁ ମକର ରାଶିର ମହିଳାମାନେ ବିଚଳିତ ହୋଇ ନ ଥାନ୍ତି। ଏମାନେ ବେଶ ପାରିବାରିକ ହୋଇଥାନ୍ତି। ଲୋଭ ଏମାନଙ୍କର ବିଲ୍କୁଲ ନ ଥାଏ। ଦେଖିବାରେ ଶାନ୍ତ ହେଲେ ବି ଏମାନେ ଆବଶ୍ୟକତା ବେଳେ ଅନ୍ୟମାନଙ୍କର ମୁହଁ ବନ୍ଦ କରିଦେଇ ପାରନ୍ତି। ବସ୍ ନଚେତ ଲିଡ୍ର ଭାବେ ଏମାନେ ସୂଚାରୁରୂପେ ଦାୟିତ୍ୱ ନିର୍ବାହ କରିଥାନ୍ତି। କାହା ଉପରେ ନିର୍ଭର ନ କରିବା ଏହି ରାଶିର ବିଶେଷତା।
ଏହି ରାଶିର ମହିଳାମାନଙ୍କର ସବୁ ବିଷୟରେ ଜ୍ଞାନ ଥାଏ। ବେଶ ବୁଦ୍ଧିମତାର ସହ ଏମାନେ ସବୁକାମ କରିଥାନ୍ତି। ବହୁତ ଭାବିଚିନ୍ତି ଏମାନେ ଜୀବନସାଥୀ ଚୟନ କରିଥାନ୍ତି। ପ୍ରେମ ମାମଲାରେ କେବଳ ହୃଦୟ କଥା ଭାବନ୍ତି ନାହିଁ। କାହାକୁ ପାର୍ଟନର କରିବା ପୂର୍ବରୁ ତାର ଗୁଣ, ଦୋଷ ଆଦିକୁ ସେମାନେ ନିଶ୍ଚିତ ଦେଖିଥାନ୍ତି। ସ୍ବାମୀ ଓ ସନ୍ତାନଙ୍କୁ ଏମାନେ ବହୁତ ଭଲ ପାଇଥାନ୍ତି। କୌଣସି ପରିସ୍ଥିତିରେ ଏମାନେ ସ୍ବାମୀର ହାତ ଛାଡ଼ି ନ ଥାନ୍ତି।
କର୍ମସ୍ଥଳରେ ଏମାନେ ବେଶ ଭଲ କାମ କରିଥାନ୍ତି। ଏଣୁ ଏମାନେ କର୍ମଠ କର୍ମଚାରୀ ବୋଲି କୁହାଯାଏ। ବହୁମୂଖୀ ପ୍ରତିଭାର ଅଧିକାରୀଣି ହେତୁ ଏମାନେ କୌଣସି କାମ ହାତକୁ ନେବା ପୂର୍ବରୁ ତାର ଭବିଷ୍ୟ କଥା ଭାବିଥାନ୍ତି। ଏମାନଙ୍କୁ ଯେଉଁ କାମ ଦିଆଯାଏ ଏମାନେ ସବୁକାମ ଭଲ ଭାବେ ସମ୍ପନ୍ନ କରିଥାନ୍ତି। ଅନ୍ୟାୟ କିମ୍ବା ଭେଦଭାବ ଏମାନେ ସହି ପାରନ୍ତି ନାହିଁ। ଏମାନଙ୍କୁ ଉଚ୍ଚ ପଦ ମିଳିଥାଏ। ଏହି ରାଶିର ମହିଳା କର୍ମ କରିବା ଉପରେ ବିଶ୍ୱାସ କରିଥାନ୍ତି।
