ସିଲ୍ଭରଷ୍ଟୋନ୍, ୧୯ା୭(ଏପି)-ମର୍ସିଡିଜ୍ର ଲୁଇସ୍ ହାମିଲଟନ ନାଟକୀୟ ଭାବେ ବ୍ରିଟିଶ ଫର୍ମୁଲା ଓ୍ବାନ ଗ୍ରଁାପ୍ରି ମୋଟର ରେସ୍ ଜିତିଛନ୍ତି। ୧୦ସେକେଣ୍ଡ ପେନାଲ୍ଟି ସତ୍ତ୍ୱେ ସେ ଫେରାରିର ଚାଲର୍ଡ ଲେକ୍ରେକଙ୍କୁ ପଛରେ ପକାଇ ଏଠାରେ ଟାଇଟଲ ବିଜୟୀ ହୋଇଛନ୍ତି। ତାଙ୍କ ଟିମ୍ମେଟ୍ ଭାଲଟେରୀ ବୋଟାସ ତୃତୀୟ ହୋଇଛନ୍ତି। ଚଳିତ ସିଜନରେ ହାମିଲଟନଙ୍କର ଏହା ଚତୁର୍ଥ ଟାଇଟଲ। ୮ମ ଥର ପାଇଁ ସେ ବ୍ରିଟିଶ ଗ୍ରାଁ ପ୍ରି ଚାମ୍ପିୟନ ହୋଇପାରିଛନ୍ତି। ଏଠାରେ ବିଜୟ ଦ୍ୱାରା ସେ ଡ୍ରାଇଭର୍ସ ଷ୍ଟାଣ୍ଡିଂରେ ଭର୍ଷ୍ଟାପେନ୍ଙ୍କଠାରୁ ମାତ୍ର ୮ପଏଣ୍ଟ ବ୍ୟବଧାନରେ ଦ୍ୱିତୀୟ ସ୍ଥାନରେ ରହିଛନ୍ତି। ପ୍ରଥମ ଲାପ୍ରେ ଦୁର୍ଘଟଣା ପରେ ଫର୍ମୁଲା ଓ୍ବାନ ଚାମ୍ପିୟନଶିପ୍ ଲିଡର ରେଡ୍ବୁଲ୍ର ମାକ୍ସ ଭର୍ଷ୍ଟାପେନ୍ ରେସ୍ରୁ ଓହରି ଯାଇଥିଲେ। ହାମିଲଟନଙ୍କ କାର୍ର ଆଗ ଚକା ଭର୍ଷ୍ଟାପେନଙ୍କ କାରର ପଛ ଚକା ଛୁଇଁବାରୁ ଭର୍ଷ୍ଟାପେନ୍ଙ୍କ କାର୍ ବ୍ୟାରିୟର ସହ ଜୋର୍ରେ ପିଟି ହୋଇଯାଇଥିଲା। ବ୍ୟାରିୟରର ମରାମତି ପାଇଁ ରେସ୍କୁ କିଛି ସମୟ ସ୍ଥଗିତ ରଖାଯାଇଥିଲା। ହାମିଲଟନଙ୍କୁ ୧୦ସେକେଣ୍ଡ ପେନାଲ୍ଟି ହୋଇଥିଲା। ଦୁର୍ଘଟଣା ପରେ ଭର୍ଷ୍ଟାପେନ୍ ଯଦିଓ କାର୍ରୁ ସୁରକ୍ଷିତ ଭାବେ ବାହାରିଥିଲେ, ସତର୍କତାମୂଳକ ପରୀକ୍ଷା ପାଇଁ ତାଙ୍କୁ ସ୍ଥାନୀୟ ଏକ ହସ୍ପିଟାଲକୁ ନିଆଯାଇଥିଲା।
