କେସିଙ୍ଗା,୨୮।୫(ତୁମେଶ୍ୱର ସାହୁ): କଳାହାଣ୍ଡି ଜିଲା ନର୍ଲା ନିର୍ବାଚନ ମଣ୍ଡଳୀର ବିଧାୟିକା ମନୋରମା ମହାନ୍ତି କେସିଙ୍ଗା ବ୍ଳକ ଗସ୍ତକରି ନିଜ ନିର୍ବାଚନ ମଣ୍ଡଳୀ ଅଧୀନରେ ଥିବା କେସିଙ୍ଗା ବ୍ଳକର ୯ଟି ଗ୍ରାମ ପଞ୍ଚାୟତର ବିଭିନ୍ନ ଉନ୍ନୟନମୂଳକ କାର୍ଯ୍ୟର ବ୍ଲକର ସଭାଗୃହରେ ସମୀକ୍ଷା କରିଥିଲେ। ବ୍ଳକ ସଭାଗୃହରେ ବିଜେଡି କର୍ମୀ ତଥା ବିଧାୟିକାଙ୍କ ସମର୍ଥକଙ୍କ ଉପସ୍ଥିତି ରହି ବିଭିନ୍ନ ଉନ୍ନୟନ କାର୍ଯ୍ୟରେ ବିଡିଓ ଏବଂ ଅଧ୍ୟକ୍ଷ ଅଣଦେଖା କରୁଥିବାରୁ କର୍ମୀମାନେ ବିଧାୟିକାଙ୍କ ନିକଟରେ ଅଭିଯୋଗ କରିଥିଲେ।
ବିଜେଡି କର୍ମୀଙ୍କୁ ଠିକା କାମରେ ଅଣଦେଖା କରି ବିଧାୟିକାଙ୍କ ଫଣ୍ଡକୁ କାର୍ଯ୍ୟ କରିବାରେ ବିଳମ୍ବ କରୁଥିବା ରୁ ନିଜେ ବିଧାୟିକା ଓ କର୍ମୀ ମାନେ ଅସନ୍ତୋଷ ପ୍ରକାଶ କରିଥିଲେ।ବିଡିଓ ଏବଂ ବ୍ଲକ ଅଧ୍ୟକ୍ଷ ବିଜେପି କର୍ମୀ ମାନଙ୍କୁ ଠିକା କାମ ଦେଉଥିବାରୁ ବିଜେଡି କର୍ମୀମାନେ ଓ ବିଧାୟିକା ଅସନ୍ତୋଷ ପ୍ରକାଶ କରିଥିଲେ। ବିଧାୟିକା ଉନ୍ନୟନମୂଳକ କାର୍ଯ୍ୟର ସମୀକ୍ଷା ସହ ନିଜର ବିଧାୟକ ପାଣ୍ଠିକୁ ନେଇ ସ୍ବତନ୍ତ୍ର ସମୀକ୍ଷା କରିଥିଲେ I ବିଧାୟିକାଙ୍କ ପାଣ୍ଠି ଖର୍ଜ କରିବାରେ ବ୍ଳକ ପ୍ରଶାସନ ବିଳମ୍ବ କରୁଥିବା ବିଜେଡି କର୍ମୀମାନେ ଅଭିଯୋଗ କରିଥିଲେ I ଏ ସଂକ୍ରାନ୍ତରେ ବିଡିଓଙ୍କୁ ଦୃଷ୍ଟିଆକର୍ଷଣ ସତ୍ତ୍ୱେ ସେ ଶୁଣୁ ନ ଥିବା ଦିଲୀପ ସାହୁ ଅଭିଯୋଗ କରିଥିଲେ। ଗତ ୨୦୨୫-୨୬ ଆର୍ଥିକ ବର୍ଷରେ ବିଧାୟିକା ପାଣ୍ଠିରୁ ହେବାକୁଥିବା ୧୧ଟି ପ୍ରକଳ୍ପରୁ ଅନେକ ଗୁଡ଼ିଏର କାମ ଆରମ୍ଭ ହୋଇପାରିନାହିଁ। କେଉଁ କାରଣ ଯୋଗୁ କାମ ଅଟକି ରହିଛି ଏବଂ କେତେକ ପ୍ରକଳ୍ପ କାହିଁକି ଅଧାରୁ ବନ୍ଦ ପଡ଼ିଛି ସେ ଉପରେ ବିଧାୟିକା ସମୀକ୍ଷା କରିଥିଲେ। ସେହିପରି ବିକଶିତ ଗାଁ ବିକଶିତ ଓଡିଶା ଯୋଜନାରେ ଗତ ୨୦୨୪-୨୫ ଆର୍ଥିକ ବର୍ଷରେ ୨ କୋଟି ୮୧ ଲକ୍ଷ ଟଙ୍କାର ଅନୁଦାନ ବ୍ଳକକୁ ଆସିଥିଲା । ବିଧାୟିକାଙ୍କ ବ୍ୟକ୍ତିଗତ ସହାୟକ ଗୋବିନ୍ଦ ତାଣ୍ଡି ଉପସ୍ଥିତ ରହି ଉନ୍ନୟନମୂଳକ କାର୍ଯ୍ୟ ଉପରେ ଉପରେ ଆଲୋଚନା କରିଥିଲେ । ପରଲସିଙ୍ଗାଗ୍ରାମ ପଞ୍ଚାୟତ ସଉରାପଦର ଗ୍ରାମରେ ବନସୁରକ୍ଷା ସମିତି ବିଲ୍ଡିଂ ର୍ନିମାଣ ବିଳମ୍ବ ହେଉଥିବା ରୁ ବିଧାୟିକା ତୁରନ୍ତ ର୍ନିମାଣ କରିବାକୁ ବିଡିଓଙ୍କୁ ନିର୍ଦ୍ଦେଶ ଦେଇଥିଲେ।
ଜୋନ -୧ ଅନ୍ତର୍ଗତ କେସିଙ୍ଗା ବ୍ଳକର ୯ଟି ଗ୍ରାମପଞ୍ଚାୟତପ୍ରକଳ୍ପ କାର୍ଯ୍ୟ ଗୁଡିକକୁ ତୁରନ୍ତ କାର୍ଯ୍ୟ କରିବାକୁ ବିଧାୟିକା କରିବାକୁ ନିର୍ଦ୍ଦେଶଦେଇଥିଲେ। ବ୍ଲକର ୫ଟି ଗ୍ରାମ ପଞ୍ଚାୟତକୁ କେବଳ ୧୯ଲକ୍ଷ ଟଙ୍କା ଅନୁଦାନ ଯୋଗାଇ ଦିଆଯାଇଥିଲା । ବେଲଖଣ୍ଡି, ତୁଣ୍ଡଲା, ତୁର୍ଲାଖମନ ଓ ନୁନମାଠ ପଞ୍ଚାୟତ କୁ ଅନୁଦାନ ପାଇବାରୁ ବଞ୍ଚିତ ହୋଇଛନ୍ତି । ପଶ୍ଚିମ ଓଡିଶା ବିକାଶ ପରିଷଦ ପାଣ୍ଠି ଅନୁଦାନ ରେ ବିଲଡିଂ ନିର୍ମାଣ କାର୍ଯ୍ୟ ସମ୍ପୂର୍ଣ ହେବାରେ ବିଳମ୍ବ ହୋଇଥିବାରୁ ଯଥା ଶୀଘ୍ର ନିର୍ମାଣ କାର୍ଯ୍ୟ କରିବାକୁ ବ୍ଲକ ପ୍ରଶାସନକୁ ବିଧାୟିକା ନିର୍ଦ୍ଦେଶ ଦେଇଥିଲେ। ଏହି ସମୀକ୍ଷା ବୈଠକରେ ବ୍ଳକର ସହକାରୀ ଯନ୍ତ୍ରୀ ସୁବାଷ ନାଏକ, କନିଷ୍ଠ ଯନ୍ତ୍ରୀ ଜଳେଶ୍ୱର ନାଏକ, ତ୍ରିଲୋଚନ ବେହେରାଙ୍କ, ସିର୍ଜାପାଲି ସରପଞ୍ଚ ପ୍ରମୋଦ ଦାଶ, ପରଲସିଙ୍ଗା ସରପଞ୍ଚ କୃତାଞ୍ଜଳ ଗଉଡ, ନଳୀନ ପଟ୍ଟନାୟକ, ବିଜେଡି ମହିଳା ନେତ୍ରୀ ପ୍ରମିଳା ଷଡ଼ଙ୍ଗୀ, ମାଳତୀ ଭୋଇ, ଦିଲିପ ସାହୁ, , ସୁଲତାନ ନନ୍ଦ, ପୂର୍ବତନ ସରପଞ୍ଚ ଭୀଷ୍ମ ସାହୁ, ପୂର୍ବତନ ସମିତିସଭ୍ୟ କେଶରାଜ ସାହୁ ପ୍ରମୁଖ ଉପସ୍ଥିତ ଥିଲେ ।
Dharitri – Odisha’s No.1 Odia Daily
