ରୂପ୍ସା,୨୯।୫(ଡି.ଏନ.ଏ.): ବାଲେଶ୍ୱର ଜିଲା ଦକ୍ଷିଣ-ପୂର୍ବ ରେଳପଥ ଖଡ଼ଗପୁର ଡିଭିଜନ୍ ଅଧୀନ ରୂପ୍ସା-ବସ୍ତା ଷ୍ଟେଶନ ମଝି ନୂଆଗାଁ ରେଳଷ୍ଟେଶନ ନିକଟରେ ଶନିବାର ଜଣେ ମହିଳା ୨ବର୍ଷର ଶିଶୁପୁତ୍ରକୁ ଧରି ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ମୃତ ମହିଳା ଜଣକ ହେଲେ ବସ୍ତା ଥାନା ଦୁଧହଂସା ଗ୍ରାମର ରୀତାରାଣୀ ସେନାପତି (୨୫)। କୌଣସି କାରଣରୁ ରୀତାରାଣୀ ମାନସିକ ଭାରସାମ୍ୟ ହରାଇ ନିଜ ଶିଶୁପୁଅକୁ ଧରି ଡାଉନଲାଇନ୍ରେ ଯାଉଥିବା ଇଷ୍ଟକୋଷ୍ଟ କୋଭିଡ୍ ସ୍ପେଶାଲ ଟ୍ରେନ୍ ଆଗକୁ ଡେଇଁ ପଡିଥିଲେ। ଖବରପାଇ ବାଲେଶ୍ୱର ଜିଆର୍ପି ଥାନା ଓ ରୂପ୍ସା ଆର୍ପିଏଫ୍ ଥାନା ପୋଲିସ ପହଞ୍ଚତ୍ ରେଳଧାରଣାରୁ ଶିଶୁପୁତ୍ର ଓ ମହିଳାଙ୍କ ମୃତଦେହ ଜବତ କରି ବସ୍ତା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ବ୍ୟବଚ୍ଛେଦ ପାଇଁ ପଠାଇଛି। ଏନେଇ ଜିଆର୍ପି ପୋଲିସ ଏକ ମାମଲା (ନଂ. ୨୬/୨୧) ରୁଜୁ କରି ତଦନ୍ତ ଜାରି ରଖିଛି।
