ମୁମ୍ବାଇ: କ୍ଲିୟର ହୋଇ ପାରି ନ ଥିବା ଜିଏସ୍ଟି ରିଫଣ୍ଡକୁ ତ୍ୱରିତ ଭାବେ ପ୍ରଦାନ କରିବା ଲାଗି କେନ୍ଦ୍ରୀୟ ପରୋକ୍ଷ ଟିକସ ଏବଂ ସୀମା ଶୁଳ୍କ ବୋର୍ଡ (ସିବିଆଇସି) ପକ୍ଷରୁ ସ୍ବତନ୍ତ୍ର ପଦକ୍ଷେପ ହାତକୁ ନିଆଯାଇଛି। ମାସ ଶେଷ ସୁଦ୍ଧା ଟିକସଦାତାଙ୍କୁ ରିଫଣ୍ଡ ପ୍ରଦାନ ନେଇ ଏଭଳି ଯୋଜନା ହାତକୁ ନିଆଯାଇଛି। ୧୫ ଦିନ ଧରି ଏହି ପ୍ରକ୍ରିୟା ଜାରି ରହିବ ବୋଲି ଜଣାପଡିଛି। ସେହିଭଳି ସୀମା ଶୁଳ୍କ ଏବଂ ଡ୍ୟୁଟି ଡ୍ରବ୍ୟାକ ଲାଗି ଏଭଳି ସମାନ ପଦକ୍ଷେପ ମଧ୍ୟ ହାତକୁ ନିଆଯାଇଛି। ସିବିଆଇସି ପକ୍ଷରୁ ଏ ନେଇ ସମସ୍ତ ପ୍ରିନ୍ସିପାଲ କମିଶନରଙ୍କୁ ଅବଗତ କରାଯାଇଥିବା ଜଣାପଡିଛି। ବକେୟା ରହିଥିବା ଜିଏସ୍ଟି ରିଫଣ୍ଡ ଲୋକମାନେ ଠିକ୍ ସମୟରେ ଯେଭଳି ପାଇବେ ସେ ଉପରେ ଫୋକସ କରିବାକୁ କୁହାଯାଇଛି। ଫଳରେ ବର୍ତ୍ତମାନର ଚ୍ୟାଲେଞ୍ଜିଂ ସମୟରେ ଏମ୍ଏସ୍ଏମ୍ଇ ଆଶ୍ୱସ୍ତି ଲାଭ କରିପାରିବ ବୋଲି କୁହାଯାଇଛି। ଚଳିତ ମାସ ୧୫ରୁ ୩୧ ତାରିଖ ଯାଏ ‘ସ୍ପେଶାଲ ଜିଏସ୍ଟି ରିଫଣ୍ଡ ଡିସ୍ପୋଜାଲ ଡ୍ରାଇଭ’ ଆରମ୍ଭ କରାଯାଇଥିବା ଜଣାପଡିଛି।
