Posted inଖେଳ

ଆଇପିଏଲ୍‌-୧୪: ବିଜୟଧାରାକୁ ଫେରିବା ଲକ୍ଷ୍ୟରେ ମୁମ୍ବାଇ

ନୂଆଦିଲ୍ଲୀ,୨୯।୪(ପି.ଟି.): ଗତଥରର ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ଚଳିତ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ୨୪ତମ ମ୍ୟାଚ୍‌ରେ ରାଜସ୍ଥାନ ରୟାଲ୍ସକୁ ଭେଟିବ। ସ୍ଥାନୀୟ ଅରୁଣ ଜେଟ୍‌ଲି ଷ୍ଟାଡିୟମରେ ଗୁରୁବାର ଅପରାହ୍ନରେ ଖେଳାଯିବାକୁ ଥିବା ଏହି ମ୍ୟାଚ୍‌ ଜିତି ମୁମ୍ବାଇ ବିଜୟଧାରାକୁ ଫେରିବା ଲକ୍ଷ୍ୟରେ ରହିଛି। ମିଡ୍‌ଲ ଅର୍ଡରରେ ଥିବା ସମସ୍ୟାର ସମାଧାନ କରିବାକୁ ମୁମ୍ବାଇ ପ୍ରୟାସ କରିବ। ଅନ୍ୟପଟେ ଅସ୍ଥିର ପ୍ରଦର୍ଶନ କରୁଥିବା ରାଜସ୍ଥାନ ମଧ୍ୟ ବିଜୟୀ ହୋଇ ଟ୍ରାକ୍‌କୁ ଫେରିବାକୁ ଚେଷ୍ଟା କରିବ।
ରୋହିତ ଶର୍ମାଙ୍କ ନେତୃତ୍ୱାଧୀନ ମୁମ୍ବାଇ କ୍ରମାଗତ ୨ଟି ମ୍ୟାଚ୍‌ରେ ପରାଜୟ ବରଣ କରିଛି। ପ୍ରଥମ ମ୍ୟାଚ୍‌ରେ ମୁମ୍ବାଇ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରଠାରୁ ୨ ଉଇକେଟରେ ପରାସ୍ତ ହୋଇଥିଲା। ଦ୍ୱିତୀୟ ଓ ତୃତୀୟ ମ୍ୟାଚ୍‌ରେ ମୁମ୍ବାଇ କୋଲକାତା ନାଇଟ ରାଇଡର୍ସକୁ ୧୦ ଓ ସନରାଇଜର୍ସ ହାଇଦ୍ରାବାଦକୁ ୧୩ ରନରେ ପରାସ୍ତ କରିଥିଲା। କିନ୍ତୁ ଏହାପରେ ମୁମ୍ବାଇର ଲୟ ବିଗିଡି ଯାଇଥିଲା। ଦଳ ଚତୁର୍ଥ ମ୍ୟାଚ୍‌ରେ ଦିଲ୍ଲୀ କ୍ୟାପିଟାଲ୍ସଠାରୁ ୬ ଉଇକେଟରେ ଓ ପଞ୍ଜାବ କିଙ୍ଗ୍ସଠାରୁ ୯ ଉଇକେଟରେ ହାରିଥିଲା। ୫ଟି ମ୍ୟାଚ୍‌ ଖେଳି ମୁମ୍ବାଇ ୨ ବିଜୟ ଓ ୩ ପରାଜୟ ସହ ୪ ପଏଣ୍ଟ ହାସଲ କରି ତାଲିକାର ଚତୁର୍ଥ ସ୍ଥାନରେ ରହିଛି।
ଅନ୍ୟପଟେ ସଞ୍ଜୁ ସାମ୍‌ସନଙ୍କ ରାଜସ୍ଥାନ ମଧ୍ୟ ୫ଟି ମ୍ୟାଚ୍‌ ଖେଳି ୨ଟି ବିଜୟ ହାସଲ କରିବା ସହ ୩ଟି ପରାଜୟ ବରଣ କରି ୪ ପଏଣ୍ଟ ହାସଲ କରିଛି। ରାଜସ୍ଥାନ ପଏଣ୍ଟ ତାଲିକାର ସପ୍ତମ ସ୍ଥାନରେ ରହିଛି। ରାଜସ୍ଥାନ ଗତ ମ୍ୟାଚ୍‌ରେ ଅବଶ୍ୟ କୋଲକାତା ନାଇଟ ରାଇଡର୍ସକୁ ୬ ଉଇକେଟରେ ପରାସ୍ତ କରିଥିଲା। ପ୍ରଥମ ମ୍ୟାଚ୍‌ରେ ରାଜସ୍ଥାନ ପଞ୍ଜାବ କିଙ୍ଗ୍ସଠାରୁ ୪ ରନରେ ପରାସ୍ତ ହୋଇଥିଲା। ଦ୍ୱିତୀୟ ମ୍ୟାଚ୍‌ରେ ରାଜସ୍ଥାନ ୩ ଉଇକେଟରେ ଦିଲ୍ଲୀ କ୍ୟାପିଟାଲ୍ସକୁ ପରାସ୍ତ କରିଥିଲା। କିନ୍ତୁ ତୃତୀୟ ମ୍ୟାଚ୍‌ରେ ଚେନ୍ନାଇ ସୁପର କିଙ୍ଗ୍ସଠାରୁ ୪୫ ରନରେ ପରାସ୍ତ ହୋଇଥିଲା। ସେହିପରି ଚତୁର୍ଥ ମ୍ୟାଚ୍‌ରେ ବାଙ୍ଗାଲୋରଠାରୁ ୧୦ ଉଇକେଟରେ ହାରିଥିଲା।
ମୁମ୍ବାଇ ଅଧିନାୟକ ରୋହିତ ଶର୍ମା ଭଲ ଆରମ୍ଭ କରିଥିଲେ ମଧ୍ୟ ବଡ଼ ସ୍କୋର ହାସଲ କରିପାରିନାହାନ୍ତି ଓ ସେ ଏ ପର୍ଯ୍ୟନ୍ତ ୨୦୧ ରନ ସଂଗ୍ରହ କରିଛନ୍ତି। ଓପନିଂ ପାର୍ଟନର କ୍ୱିଣ୍ଟନ ଡି କକ୍‌ଙ୍କ ସହ ସେ ପୁଣି ଏକ ବଡ଼ ଭାଗୀଦାରି ସ୍ଥାପନ କରିବେ ବୋଲି ଆଶା କରାଯାଉଛି। ମୁମ୍ବାଇ ମିଡ୍‌ଲ ଅର୍ଡର ଏ ପର୍ଯ୍ୟନ୍ତ ଆଶାନୁରୂପ ପ୍ରଦର୍ଶନ କରିପାରି ନାହିଁ। ସୂର୍ଯ୍ୟକୁମାର ଯାଦବ (୧୫୪ ରନ), ଇଶାନ କିଷନ (୭୩ ରନ), ହାର୍ଦ୍ଦିକ ପାଣ୍ଡ୍ୟ (୩୬ ରନ), କୃନାଲ ପାଣ୍ଡ୍ୟା (୨୯ ରନ) ଓ କିରନ ପୋଲାର୍ଡ (୬୫ ରନ) ଆଶାନୁରୂପ ପ୍ରଦର୍ଶନ କରିନାହାନ୍ତି। ଏହି ମ୍ୟାଚ୍‌ରେ ରୋହିତଙ୍କ ସମେତ ପୂରା ମିଡ୍‌ଲ ଅର୍ଡର ଫର୍ମକୁ ଫେରିବ ବୋଲି ଆଶା କରାଯାଉଛି। ବୋଲିଂ ବିଭାଗରେ ଯଶପ୍ରୀତ ବୁମ୍‌ରା ଓ ଟ୍ରେଣ୍ଟ ବୋଲ୍ଟ ଡେଥ୍‌ ଓଭରରେ ଘାତକ ସାବ୍ୟସ୍ତ ହୋଇଛନ୍ତି। ଲେଗ୍‌ ସ୍ପିନର ରାହୁଲ ଚହର (୯ ଉଇକେଟ) ଓ କୃନାଲ (୩ ଉଇକେଟ) ପ୍ରଭାବୀ ପ୍ରଦର୍ଶନ କରିଛନ୍ତି। ପୋଲାର୍ଡ ପଞ୍ଚମ କିମ୍ବା ଷଷ୍ଠ ବୋଲର ଭାବେ ଖେଳୁଛନ୍ତି। ହାର୍ଦ୍ଦିକ ବ୍ୟାଟ୍ସମ୍ୟାନ ଭାବେ ଖେଳୁଛନ୍ତି। ଜୟନ୍ତ ଯାଦବଙ୍କ ବଦଳରେ ଆଡାମ ମିଲନେଙ୍କୁ ମୁମ୍ବାଇ ଖେଳାଇପାରେ।
ଅପରପକ୍ଷେ ରାଜସ୍ଥାନ ସମସ୍ୟା ଜାଲରେ ଛନ୍ଦିହୋଇ ପଡିଛି। ଜୋଫ୍ରା ଆର୍ଚର, ବେନ୍‌ ଷ୍ଟୋକ୍ସ, ଲିଆମ ଲିଭିଂଷ୍ଟୋନ ଓ ଆଣ୍ଡ୍ର୍ୟୁ ଟାଏଙ୍କ ଭଳି ବିଦେଶୀ ଖେଳାଳି ଦଳରୁ ବିଭିନ୍ନ କାରଣରୁ ବାଦ୍‌ ପଡିସାରିଛନ୍ତି। ଏ ପର୍ଯ୍ୟନ୍ତ ଦଳର ଓପନିଂ ଯୋଡି ସ୍ଥିର ହୋଇପାରିନାହିଁ। ମନନ ଭୋରା (୪୨ରନ) ଓ ଯଶସ୍ବୀ ଜୟସ୍ବାଲ (୨୨ରନ) ଓପନର ଭାବେ ଫେଲ୍‌ ମାରିଛନ୍ତି। ଜୋଶ ବଟଲର ମଧ୍ୟ ବଡ଼ ସ୍କୋର କରିବାର ଆବଶ୍ୟକତା ରହିଛି। ସାମ୍‌ସନ ୧୮୭ ରନ କରି ଦଳର ସର୍ବାଧିକ ସ୍କୋରର ସାବ୍ୟସ୍ତ ହୋଇଛନ୍ତି। ତେବେ ତାଙ୍କ ପ୍ରଦଶର୍ନରେ ସ୍ଥିରତା ରହୁନାହିଁ। ସେହିପରି ଶିବମ୍‌ ଦୁବେ, ଡେଭିଡ ମିଲର ଓ ରିୟାନ ପରାଗ ଟପ୍‌ ଅର୍ଡରକୁ ସହାୟତା କରିବାର ଆବଶ୍ୟକତା ରହିଛି। ଅଲରାଉଣ୍ଡର କ୍ରିସ୍‌ ମୋରିସ ୯ ଉଇକେଟ ନେବା ସହ ୪୮ ରନ ସଂଗ୍ରହ କରିଛନ୍ତି। ବାମହାତୀ ଦ୍ରୁତ ବୋଲର ଚେତନ ସାକାରିୟା ୭ ଉଇକେଟ ହାସଲ କରିଛନ୍ତି। ସେହିପରି ଅଭିଜ୍ଞ ଦ୍ରୁତ ବୋଲର ଜୟଦେବ ଉନାଡକଟ ଓ ମୁସ୍ତାଫିଜୁର ରହମାନ ୪ଟି ଲେଖାଏ ଉଇକେଟ ଅକ୍ତିଆର କରି ପ୍ରଭାବୀ ପ୍ରଦର୍ଶନ କରିଛନ୍ତି। ମାରିସ୍‌ଙ୍କ ସମେତ ୩ ବାମହାତୀ ପେସର ଅସ୍ଥିର ପ୍ରଦର୍ଶନ କରିଛନ୍ତି। ଲେଗ୍‌ ସ୍ପିନର ରାହୁଲ ଟଓ୍ବୋଟିଆ ୫ଟି ମ୍ୟାଚ୍‌ରୁ ମାତ୍ର ଗୋଟିଏ ଉଇକେଟ ହାସଲ କରିଛନ୍ତି। ଲେଗ୍‌ ସ୍ପିନର ଶ୍ରେୟାସ ଗୋପାଲ ୨ଟି ମ୍ୟାଚ୍‌ ଖେଳି ଉଇକେଟ ପାଇନାହାନ୍ତି। ଅପରାହ୍ନରେ ଏହି ମ୍ୟାଚ୍‌ ଖେଳାଯାଉଥିବାରୁ କାକର ସମସ୍ୟା ରହିବ ନାହିଁ। ମ୍ୟାଚ୍‌ ନିଶ୍ଚିତ ଭାବେ ରୋମାଞ୍ଚକ ହେବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ମୁମ୍ବାଇର ପ୍ଲେ-ଅଫ୍‌ ଆଶା ଧୂଳିସାତ, ଦ୍ୱିତୀୟରେ କୋଲକାତା

ମୁମ୍ବାଇ, ୩।୫: ସ୍ଥାନୀୟ ଓ୍ବାଙ୍ଖଡେ ଷ୍ଟାଡିୟମରେ ଶୁକ୍ରବାର ଅନୁଷ୍ଠିତ ଇଣ୍ଡିଆନ ପ୍ରିମିୟର ଲିଗ୍‌ ମ୍ୟାଚରେ କୋଲକାତା ନାଇଟ ରାଇଡର୍ସ ୨୪ ରନରେ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ...

ଆଇସିସି ରାଙ୍କିଙ୍ଗରେ ଏକ ନମ୍ବର ସ୍ଥାନ ହରାଇଲା ଭାରତ

ନୂଆଦିଲ୍ଲୀ,୩।୫: ବାର୍ଷିକ ଅପଡେଟ୍ ପରେ ଆଇସିସି ପୁରୁଷ ମାନ୍ୟତାରେ ଅଷ୍ଟ୍ରେଲିଆ ଭାରତକୁ ଗୋଟିଏ ସ୍ଥାନ ପଛକୁ ଠେଲି ଏକ ନମ୍ବର ମାନ୍ୟତା ହାସଲ କରିଛି। ଯଦିଓ...

ମେ’୨୫ ଶେଷ ତାରିଖ, ଆଇପିଏଲରେ ଖରାପ ପଦର୍ଶନ କଲେ ଟି-୨୦ ବିଶ୍ୱକପ୍‌ ଟିମ୍‌ରୁ ଏହି ସବୁ ଖେଳାଳି ପଡିବେ ବାଦ୍‌

ନୂଆଦିଲ୍ଲୀ,୩।୫: ଟି -୨୦ ବିଶ୍ୱକପ୍‌ ପାଇଁ ଭାରତୀୟଦଳ ଘୋଷଣା ହୋଇସାରିଛି। ଭଲ ପ୍ରଦର୍ଶନ କରୁଥିବା ଅନେକ ଖେଳାଳିଙ୍କୁ ଏଥର ସୁଯୋଗ ମିଳିନାହିଁ। ଯାହାକୁ ନେଇ ପ୍ରଶଂସକମାନେ...

ଗୋଟିଏ ମ୍ୟାଚ୍‌ରେ ଭାଙ୍ଗିଗଲା ଅନେକ ରେକର୍ଡ

ନୂଆଦିଲ୍ଲୀ,୩।୫: ଆଇପିଏଲ ୨୦୨୪ର ୫୦ତମ ମ୍ୟାଚରେ ପ୍ରବଳ ରନ୍‌ ବର୍ଷା ହୋଇଥିଲା। ଏହି ଗୋଟିଏ ମ୍ୟାଚରେ ଅନେକ ରେକର୍ଡ କରାଯାଇଥିଲା। ଏହି ମ୍ୟାଚ ସନରାଇଜର୍ସ ହାଇଦ୍ରାବାଦ...

ମାତ୍ର ୨୦ ବର୍ଷ ବୟସରେ ଦୁନିଆରୁ ବିଦାୟ ନେଲେ ଏହି ଘାତକ ସ୍ପିନର୍‌: ମୃତ୍ୟୁର ଗୋଟିଏ ଦିନ ପୂର୍ବରୁ ନେଇଥିଲେ ୩ ଉଇକେଟ୍‌

ଲଣ୍ଡନ,୩।୫: ଇଂଲଣ୍ଡ କ୍ରିକେଟର ଜୋଶ ବେକର ମାତ୍ର ୨୦ ବର୍ଷ ବୟସରେ ଦୁନିଆରୁ ବିଦାୟ ନେଇଛନ୍ତି। କାଉଣ୍ଟି କ୍ରିକେଟରେ ୱର୍କେଷ୍ଟେଶାୟାର୍‌ ପାଇଁ ବେକର୍‌ ଖେଳିଥିଲେ। ମୃତ୍ୟୁର...

ଶେଷ ୩ ଓଭରରେ ଥିଲା ମାତ୍ର ୨୭ ରନ୍‌: ବିଶ୍ୱକପ୍‌ ଦଳରେ ଚୟନ ହୋଇ ନ ଥିବା ବୋଲର୍‌ ପଲଟାଇଦେଲେ ବାଜି

ନୂଆଦିଲ୍ଲୀ,୩।୫: ଆଇପିଏଲ ୨୦୨୪ର ୫୦ତମ ମ୍ୟାଚରେ ସନରାଇଜର୍ସ ହାଇଦ୍ରାବାଦ ରାଜସ୍ଥାନ ରୟାଲ୍ସକୁ ୧-୦ରେ ପରାସ୍ତ କରିଛି। ଜିତିବା ପାଇଁ ୨୦୨ ରନ୍‌ର ଟାର୍ଗେଟକୁ ପିଛା କରି...

ରାଜସ୍ଥାନ ହାତରୁ ମ୍ୟାଚ୍‌ ଛଡାଇ ଆଣିଲା ହାଇଦ୍ରାବାଦ

ହାଇଦ୍ରାବାଦ,୩ା୫: ଇଣ୍ଡିଆନ୍‌ ପ୍ରିମିୟର ଲିଗ୍‌ (ଆଇପିଏଲ୍‌)ରେ ଗୁରୁବାର ରାଜସ୍ଥାନ ରୟାଲ୍ସ ବିପକ୍ଷରେ ୧ ରନ୍‌ର ରୋମାଞ୍ଚକ ବିଜୟ ହାସଲ କରିଛି ସନ୍‌ରାଇଜର୍ସ ହାଇଦ୍ରାବାଦ। ପ୍ରଥମେ ବ୍ୟାଟିଂ...

ଜଲଓ୍ବା ଦେଖାଇଲେ ୨୦ କୋଟି ଟଙ୍କାର ଖେଳାଳି

ହାଇଦ୍ରାବାଦ୍‌,୩।୫: ଆଇପିଏଲ ୨୦୨୪ର ୫୦ ତମ ମ୍ୟାଚରେ ରାଜସ୍ଥାନ ରୟାଲ୍ସକୁ ସନରାଇଜର୍ସ ହାଇଦ୍ରାବାଦ ବିପକ୍ଷରେ ୧ ରନ୍‌ରେ ପରାଜୟର ସମ୍ମୁଖୀନ ହେବାକୁ ପଡିଛି। ପ୍ରଥମେ ବ୍ୟାଟିଂ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri