ଚେନ୍ନାଇ,୭।୪: ଆଇପିଏଲ ୨୦୨୧ର ଓପନିଂ ମ୍ୟାଚ ପୂର୍ବରୁ ମୁମ୍ବାଇ ଇଣ୍ଡିଆନ୍ସକୁ ହରାଇବାର ମନ୍ତ୍ର କହିଛନ୍ତି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଅଧିନାୟକ ବିରାଟ କୋହଲି। ଚଳିତ ସିଜିନର ପ୍ରଥମ ମ୍ୟାଚ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଏପ୍ରିଲ ୯ରେ ଚେନ୍ନାଇର ଏମ ଚିଦାମ୍ବରମ ଷ୍ଟାଡିୟମରେ ଅନୁଷ୍ଠିତ ହେବ। ମୁମ୍ବାଇ ସର୍ବାଧିକ ସର୍ବାଧିକ ଥର ଟାଇଟଲ ଜିତିଥିବାବେଳେ ବେଙ୍ଗାଲୁରୁ ଏପର୍ଯ୍ୟନ୍ତ ଗୋଟିଏ ବି ଟାଇଟଲ ନାହିଁ। ଏଭଳି ପରିସ୍ଥିତିରେ ଦଳ ମଧ୍ୟ ୧୪ ତମ ସିଜନରେ ଏହି ଟାଇଟଲ ଅଭାବ ପୂରଣ କରିବାକୁ ଚାହିଁବ।
ବିରାଟ କୋହଲି ଟୁଇଟରରେ ଲେଖିଛନ୍ତି, ଆରସିବି ପ୍ରଶଂସକ, ଆମେ ଫେରିଛୁ। ରେଡ ଏବଂ ଗୋଲ୍ଡ ବ୍ରିଗେଡ ପ୍ରତିନିଧିତ୍ୱ କରି ଆମେ ଗର୍ବିତ। ଏକ କଠିନ ଯୁଦ୍ଧ ଆମକୁ ଅପେକ୍ଷା କରିଛି। ଉଦଘାଟନୀ ମ୍ୟାଚରେ ଆମେ ମୁମ୍ବାଇ ଇଣ୍ଡିଆନ୍ସକୁ ସାମ୍ନା କରିବୁ। ସେ ଆହୁରି ମଧ୍ୟ ଲେଖିଛନ୍ତି ଯେ ଆମକୁ ବିଜୟର ମନ୍ତ୍ର କୁହନ୍ତୁ ଏବଂ ହ୍ୟାଶ ଟ୍ୟାଗ ଦେଇଛନ୍ତି -‘ପ୍ଲେ ବୋଲ୍ଡ’ଅର୍ଥ ସାହସର ସହିତ ଖେଳିବା। ଏହା ସହିତ କୋହଲିଙ୍କ ରଣନୀତି ବୁଝିହେଉଛି। କେବଳ ଏତିକି ନୁହେଁ, ସେ ଏପ୍ରିଲ ୯ରେ ମ୍ୟାଚ ଦିନକୁ ମନେ ରଖିବାକୁ ମଧ୍ୟ କହିଥିଲେ ଏବଂ ଗ୍ରୀଷ୍ମ ଆରମ୍ଭ ହୋଇଛି ବୋଲି ଲେଖିଛନ୍ତି। ଗତ ସିଜନରେ ବେଙ୍ଗାଲୁର ଦଳ ଚତୁର୍ଥ ସ୍ଥାନରେ ରହିଥିଲା। ଦଳ ୨୦୦୯, ୨୦୧୧ ଏବଂ ୨୦୧୬ରେ ତିନିଥର ଫାଇନାଲରେ ପ୍ରବେଶ କରିଛି। କିନ୍ତୁ କଦାପି ଟାଇଟଲ ଜିତି ପାରି ନାହିଁ।
