ମୁମ୍ବାଇ: ବିଗ୍-ବି ଅମିତାଭ ବଚ୍ଚନ ଶନିବାର କରୋନା ଟିକା ନେଇଛନ୍ତି। ଅଭିଷେକ ବଚ୍ଚନଙ୍କୁ ଛାଡ଼ି ପରିବାର ଅନ୍ୟ ସଦସ୍ୟମାନେ ବି ଏହି ଟିକା ନେଇଛନ୍ତି। ତେବେ ଟିକା ନେବା ପରେ ବିଗ୍-ବି ତାଙ୍କ ଅଭିଜ୍ଞତା ଲୋକଙ୍କ ସହ ଶେୟାର କରିଛନ୍ତି। ଏହି ଟିକା ତାଙ୍କୁ ପୂର୍ବରୁ ନେବାର ଥିଲା। ମାତ୍ର ଆଖି ଅପରେଶନ ହୋଇଥିବାରୁ ଏହାକୁ ସ୍ଥଗିତ ରଖାଯାଇଥିଲା। ସେ କୋଭିଡ ଟିକାର ପ୍ରଥମ ଡୋଜ୍ ନେଇଛନ୍ତି।
ଅମିତାଭ ଏହି ଟିକାକରଣ ସମ୍ପର୍କରେ ନିଜ ବ୍ଲଗରେ ଲେଖିଛନ୍ତି, ମୋତେ ହସ୍ପିଟାଲ ବେଡ୍ରେ ବସାଯାଇଛି। ଯେଉଁଠି ଟିକା ଦିଆଯାଉଛି। ଯେଉଁଠି ଅନେକ କାଗଜପତ୍ର ଏବଂ ଚାରିପାଖରେ ଲୋକ ନାମ, ଠିକଣା, ମୋବାଇଲ, ପୂର୍ବ ମେଡିକାଲ ହିଷ୍ଟ୍ରି, ଆଧାରକାର୍ଡ ଦେଖାଯାଇଥିଲା। ଅଧ ଘଣ୍ଟା ପର୍ଯ୍ୟନ୍ତ ବସିବାକୁ ପଡ଼ିଥିଲା। ଟିକା ନେବାର ୬ ସପ୍ତାହ ପରେ ପରବର୍ତ୍ତୀ ଡୋଜ୍ ନେବାକୁ ପଡ଼ିବ। ସାର୍ଟିଫିକେଟରେ ପ୍ରଥମ ଦେଖାଯିବ। ଦ୍ୱିତୀୟ ପରେ ସାର୍ଟିଫିକେଟ ବୈଧତା ମିଳିବ।
ଅମିତାଭ ଏକଥା ମଧ୍ୟ ଲେଖିଛନ୍ତି କି, ଲୋକମାନେ ମୋତେ ପଚାରୁଥିଲେ କିଛି ଅସୁବିଧା ହେଲା ନାହିଁ ତ। ସେ ସବୁକିଛି ଭଲ ବୋଲି ଲେଖିଛନ୍ତି। ବିଗ୍ ବି ଲେଖିଛନ୍ତି, ଟିକା ସହିତ ଜଡ଼ିତ ଅନେକ କଣ୍ଟ୍ରୋଭର୍ସି ଚାଲିଛି। ଏହା ଏତେ ଶୀଘ୍ର କିପରି ହେଲା। ଏହାର ପ୍ରଭାବ ନିଶ୍ଚିତ ନୁହେଁ, ଏହା ଭଲ ଆଦି ବିଷୟରେ ଅନେକ ଅନୁସନ୍ଧାନ ଚାଲିଛି।
ଶେଷରେ ସେ ଲେଖିଛନ୍ତି, କରୋନାଠାରୁ ଦୂରେଇ ରହିବା ପାଇଁ ଆଇସୋଲେଶନରେ ରୁହ, ସାବଧାନ ଏବଂ ସୁରକ୍ଷିତ ରୁହ। ଆଉ ଏହାକୁ ତା’ ବାଟରେ ଯିବାକୁ ଦିଅ।
