ଭୁବନେଶ୍ୱର, ୧୬ା୩ (ସ୍ପୋଟର୍ସ ବ୍ୟୁରୋ)-ରଶ୍ମି ରଞ୍ଜନ ସାହୁ ମିଷ୍ଟର ଓଡ଼ିଶା ୨୦୨୧ ବିବେଚିତ ହୋଇଛନ୍ତି। ପୁରୁଣା ଭୁବନେଶ୍ୱର ବଡିବିଲ୍ଡିଂ ଆସୋସିଏଶନ ଏବଂ ଶ୍ରୀଶ୍ରୀ ଲିଙ୍ଗରାଜ ସେନାର ମିଳିତ ଆନୁକୂଲ୍ୟରେ ଦୁଇଦିନ ଧରି ୧୮ତମ ସିନିୟର ରାଜ୍ୟ ସୁନ୍ଦର ସ୍ବାସ୍ଥ୍ୟ ପ୍ରତିଯୋଗିତା ଚାଲିଥିଲା। ଶ୍ରୀଶ୍ରୀ ଲିଙ୍ଗରାଜ ମହାପ୍ରଭୁଙ୍କ ଭଜନ ମଣ୍ଡପରେ ଅନୁଷ୍ଠିତ ଏହି ପ୍ରତିଯୋଗିତାରେ ୨୦୦ ପ୍ରତିଯୋଗୀ ଅଂଶଗ୍ରହଣ କରିଥିଲେ। ୫୫କେଜି ବିଭାଗରେ ସଞ୍ଜିତ୍ ବେହେରା (ବାଲେଶ୍ୱର), ଗୋଦାବରୀ ଶତପଥୀ (ପୁରୀ) ଓ ଶୁଭକାନ୍ତ ମଲ୍ଲିିଆ(ଭୁବନେଶ୍ୱର); ୬୦କେଜି ବିଭାଗରେ ଚନ୍ଦନ କୁମାର ସାହୁ (ଗଞ୍ଜାମ), ମନୋଜକୁମାର ପ୍ରଧାନ (କଟକ), ସୌର ଅମ୍ଳାନଜ୍ୟୋତି ମହାନ୍ତି (ଜଗତ୍ସିଂହପୁର); ୬୫କେଜିରେ ବିଚିତ୍ର ନାୟକ (ଭୁବନେଶ୍ୱର), ରୋହନ ଡିଗାଲ (ଭୁବନେଶ୍ୱର) ଓ ରାକେଶ କୁମାର ପାଢ଼ୀ (ପୁରୀ); ୮୦କେଜିରେ ଭବାନୀ ଶଙ୍କର ପୃଷ୍ଟି (ବରଗଡ଼), ଲୋକନାଥ ମୁନିରସ୍ତ (ପୁରୀ), ବିଶ୍ୱରଞ୍ଜନ କର (ପୁରୀ); ୮୫କେଜିରେ ଅମିୟ କୁମାର ସେଠୀ (ଜଗତ୍ସିଂହପୁର), ବାପି ସାହୁ (ଭୁବନେଶ୍ୱର), ବିକାଶ ଚନ୍ଦ୍ର ବେହେରା(ଗଞ୍ଜାମ); ୯୦କେଜି ଶ୍ରେଣୀରେ ରଶ୍ମିରଞ୍ଜନ ସାହୁ (ଭୁବନେଶ୍ୱର), ନିରୋଜ ପାଢ଼ୀ (ରାୟଗଡ଼ା) ଓ ସୁବାସ ଶ୍ରେଷ୍ଠ (ଓଡ଼ିଶା ପୋଲିସ); ୧୦୦କେଜିରେ କୁମାର ଭରତ (ଭୁବନେଶ୍ୱର), ଅରଜିତ୍ ଜେନା (ପୁରୀ), ରାକେଶ ପ୍ରଧାନ (ବଲାଙ୍ଗୀର) ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ହୋଇଥିଲେ।
ଏହାଛଡ଼ା ଫିଟ୍ନେସ ସୁନ୍ଦର ସ୍ବାସ୍ଥ୍ୟ ପ୍ରତିଯୋଗିତା ମଧ୍ୟ ହୋଇଥିଲା। ମହିଳା ଫିଟ୍ନେସରେ ଜ୍ୟୋତ୍ସ୍ନାରାଣୀ ରାଉତରାୟ (ଭୁବନେଶ୍ୱର), ଶିବାନୀ ଦାଶ (ଅନୁଗୋଳ), ପ୍ରର୍ଯକ୍ତା ଦାସ (ଭୁବନେଶ୍ୱର) ଯଥାକ୍ରମେ ପ୍ରଥମ, ଦ୍ୱିତୀୟ ଓ ତୃତୀୟ ହୋଇଥିଲେ। ଏହି ପ୍ରତିଯୋଗିତା ରାଜ୍ୟ ସୁନ୍ଦର ସ୍ବାସ୍ଥ୍ୟ ସଂଘର ସଭାନେତ୍ରୀ ସୁମିତ୍ରା ତ୍ରିପାଠୀ, ସାଧାରଣ ସମ୍ପାଦକ ପ୍ରସନ୍ନ ମହାସୁଆର, ଶ୍ରୀଶ୍ରୀ ଲିଙ୍ଗରାଜ ସେନା ସଭାପତି ରାଜେନ୍ଦ୍ର କୁମାର ସମର୍ଥାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଇଥିଲା। ଉଦ୍ଯାପନୀ ଉତ୍ସବରେ ମନ୍ତ୍ରୀ ଅଶୋକ କୁମାର ପଣ୍ଡା, ବିଧାୟକ ଅନନ୍ତ ନାରାୟଣ ଜେନା, ବିଜେଡି ଜିଲା ସଭାପତି ବିରଞ୍ଚତ୍ ନାରାୟଣ ମହାସୁପକାର, ରାଜ୍ୟ ଗୃହ ବିଭାଗ ସ୍ବତନ୍ତ୍ର ସଚିବ (ଏଡିଜିପି) ସନ୍ତୋଷ ବାଲା, ପିସି କଲଚର ଚେୟାରମ୍ୟାନ ଅସିତ ତ୍ରିପାଠୀ, ଡ. ଲିଙ୍ଗରାଜ ରଥ, ଓଡ଼ିଶା ଚିଫ୍ ପୋଷ୍ଟମାଷ୍ଟର ଜେନେରାଲ ଜଳେଶ୍ୱର କହଁର, ସହକାରୀ ନିର୍ଦ୍ଦେଶକ ସ୍ପୋଟର୍ସ ଆଣ୍ଡ୍ କଲଚର (ପିଏମ୍ଜି)ମହମ୍ମଦ ଆସିଫ ଜାକି ପ୍ରମୁଖ ଅତିଥି ଭାବେ ଯୋଗ ଦେଇ ପ୍ରତିଯୋଗୀମାନଙ୍କୁ ପୁରସ୍କୃତ କରିଥିଲେ।
