ବର୍ତ୍ତମାନ ସମୟରେ ଯୁବର୍ଗଙ୍କ ପାଇଁ ମୋଟାପଣ ଏକ ବଡ଼ ସମସ୍ୟା ହୋଇ ଛିଡ଼ାହୋଇଛି। ବୟସ୍କ ଲୋକମାନଙ୍କ ମେଦ ବୃଦ୍ଧ ଘଟିଲେ ସେମାନେ ଓଜନ କମ୍ କରିବାକୁ ଚେଷ୍ଟା କରନ୍ତି ନାହିଁ। ମାତ୍ର ଏମିତି କିଛି ସେଲିବ୍ରିଟି ଅଛନ୍ତି ଯେଉଁମାନେ ୪୦ ବର୍ଷ ପରେ ମଧ୍ୟ ଯୁବବର୍ଗକୁ ଟକ୍କର ଦେଉଛନ୍ତି। ସେମାନେ ହେଲେ ଅନୀଲ କପୁର, ନୀତା ଅମ୍ବାନୀ, ଶିଳ୍ପା ଶେଟ୍ଟୀ, ଫରଦୀନ ଖାନ୍, ଅଦନାନ ସାମୀ ପ୍ରମୁଖ। ଲୋକମାନେ ନିଜର ପ୍ରିୟ କଳାକାରଙ୍କୁ ଦେଖିବା ପରେ ସେମାନେ କିପରି ନିଜକୁ ଫିଟ୍ ରଖୁଛନ୍ତି ତାହା ଜାଣିବାକୁ ଚେଷ୍ଟା କରନ୍ତି। ତେବେ ଜାଣିବା ଦେଶର ସବୁଠାରୁ ବଡ଼ ବ୍ୟବସାୟୀ ମୁକେଶ ଅମ୍ବାନୀଙ୍କ ସ୍ତ୍ରୀ ନୀତା ଅମ୍ବାନୀଙ୍କ ଫିଟ୍ନେସ୍ ବିଷୟରେ।
ବିବାହ ସମୟରେ ନୀତାଙ୍କ ଓଜନ ଥିଲା ୪୭ କେଜି। ମାତ୍ର ୩ ପିଲାଙ୍କ ଜନ୍ମ ପରେ ତାଙ୍କର ଓଜନ ୯୦ କେଜି ବଢ଼ିଯାଇଥିଲା। ତେବେ ଓଜନ କମ୍ କରିବା ପାଇଁ ସେ ଅଧିକ ଫଳ, ପନିପରିବା, ବାଦାମ ଖାଇବା ଆରମ୍ଭ କରିଥିଲେ। ଏଥିସହ ସେ ନିୟମିତ ବ୍ୟାୟାମ ମଧ୍ୟ କଲେ। ଏଥିରେ ଯୋଗ, ସୁଇମିଙ୍ଗ୍, ଜିମ୍କୁ ସେ ପ୍ରାଧାନ୍ୟ ଦେଉଥିଲେ। ପ୍ରତିଦିନ ସକାଳେ ସେ ୪୦ ମିନିଟ ଯୋଗ, ସୁଇମିଙ୍ଗ୍ ଏବଂ ବ୍ୟାୟାମ କରିଥାନ୍ତି। ସନ୍ଧ୍ୟାରେ ମଧ୍ୟ ସେ ୩୦ ମିନିଟ ବ୍ୟାୟାମ କରିଥାନ୍ତି। ନୀତାଙ୍କ ଦିନ ବାଦାମ ଏବଂ ଅଖରୋଟ ଖାଇବାରୁ ଆରମ୍ଭ ହୋଇଥାଏ। ସକାଳ ଜଳଖିଆରେ ସେ ଅମଲେଟ୍ର ଧଳା ଅଂଶ ଖାଇଥାନ୍ତି। ସେହିପରି ମଧ୍ୟାହ୍ନ ଭୋଜନରେ ସବୁଜ ପନିପରିବା ଏବଂ ସୁପ୍ ଖାଇବାକୁ ପସନ୍ଦ କରନ୍ତି। ସନ୍ଧ୍ୟା ସାଢ଼େ ୪ଟାରେ ନୀତା ପନିର କିମ୍ବା ପ୍ରୋଟିନ ଯୁକ୍ତ ଖାଦ୍ୟ ଖାଇଥାନ୍ତି। ରାତିରେ ସବୁଜ ପରିବା, ସୁପ୍ ଏବଂ ଗଜା ଜିନିଷ ଖାଆ
ଏଥିସହ ସେ ଓଜର କମ୍ କରିବା ପାଇଁ ବିଟ୍ ଜୁଷ୍ ପିଇବା ସହ ନୃତ୍ୟ କରିଥାନ୍ତି ବୋଲି କହିଥିଲେ।
