ନୂଆଦିଲ୍ଲୀ,୧୮ ।୧: ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପୁଣିଥରେ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଛନ୍ତି । ଟୁଇଟ୍ କରି ସେ କହିଛନ୍ତି ମୋଦି ସରକାର ସୁଟ-ବୁଟ ବାଲା ବନ୍ଧୁଙ୍କୁ ୮,୭୫,୦୦୦କୋଟି ଟଙ୍କାର ଋଣ ଛାଡ କରିଛନ୍ତି । ଆଉ ଏବେ ଅନ୍ନଦାତାଙ୍କ ପୁଞ୍ଜି ସଫା କରିବାରେ ଲାଗିପଡିଛନ୍ତି । ଏହା ପଥମଥର ନୁହେଁ ବରଂ କୃଷି ଆଇନକୁ ନେଇ ମୋଦି ସରକାରଙ୍କ ବିରୋଧରେ ଯେବେଠାରୁ କୃଷକମାନେ ବିରୋଧ ପ୍ରଦର୍ଶନ କରିଛନ୍ତି ସେବେଠାରୁ ରାହୁଲ ଗାନ୍ଧୀ ମୋଦି ସରକାରଙ୍କୁ ଟାର୍ଗେଟ କରିଛନ୍ତି । ଏହା ପୂର୍ବରୁ ମଧ୍ୟ ରାହୁଲ ଗାନ୍ଧୀ କହିଥିଲେ ପ୍ରଧାନମନ୍ତ୍ରୀ ମୋଦି ଦେଶର କୃଷକଙ୍କୁ ସମ୍ମାନ କରନ୍ତି ନାହିଁ । ଆଉ ବାରମ୍ବାର ବୈଠକ କରି କୃଷକଙ୍କୁ ଠକିବାକୁ ଚାହୁଁଛନ୍ତି ମୋଦି ସରକାର । ରାହୁଲ କହିଥିଲେ ମୋଦି ଯଦିଓ ଦେଶର ପ୍ରଧାନମନ୍ତ୍ରୀ କିନ୍ତୁ ତାଙ୍କ ରିମୋଟ କଣ୍ଟ୍ରୋଲ କେତେଜଣ ପୁଞ୍ଜିପତିଙ୍କ ହାତରେ ରହିଛି ।
